1 Kɔrint 9:15 - Kaa n Kəzə̀ n fəghə mə

¹⁵ Mə â ka kee dəm dzə ni teeli ney fə wən wə â kpiinə tə̀ mə ni ney. N ghəə ghən tɔ̀ɔ bə dzə way nə̀ n moʼlə nə̀ ghaa i ghəŋŋə bə ghəə ghən tə̀ mə. Tə mə ni bəghəm nə̀ wù loʼ bə buu naŋa mə nə̀ n ka tsɔb fə̀ŋ n fə key n teynə tii, n baa kpu kə tii.

1 Kɔrint 9:15 ပူးပေါင်းရင်းမြစ်များ

Matyo 18:6

Yeso n dza tə̀ ghə nə̀, “Abə wù loʼ kee chimmənə nyaŋi mə n waa mən n bəghəmnə tə̀ mə nə̀ n ghəŋə bəb, dzɔb loʼ nə̀ ghə ney kɔʼ tay i nii zə, ghə kow kɔʼ n mwey u wi, ghə maʼa nyi tsu ndòw wi n fə̀ŋ ə inyi tə kuŋ fu.

Kəfwaʼ 18:3

Tə n ndow muu dzəŋi ndow ghi ghə, fwaʼa dzəŋi soʼo ghi ghə n təŋkey ghə â taŋi fə wən ghə tsədənə fəə mə tii tə aloʼ wi.

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 20:33

N ka kam shi koʼ tsə n sə̂ zə n khəə u wù nkee n ndzə̂ tə wù.

Kəfwaʼ 20:34

Wû i ghaa, ghaa khənu nə̀ mə â fwaʼ tsu n wɔɔ ghuŋ ghən ni keeli fə wən mə ghi ghə̂ ghən adzəm mə â loʼ dzəŋinə ghi ghə â ləghənə.

Kəfwaʼ 8:3

Sɔl n kee zey ndow ni saʼ maʼa ghə̂ a dzəŋi kə dzûmə tə Klisto. Tə n bwey kaabə ndow ndaw təndaw, sii nu shiə bə dzûmə tə Klisto, agheynum nsə gheyzən ghə, ndow fìi naŋŋə ghə n ndaw tsaʼ.

1 Kɔrint 4:12

Ghey ndeemi iwû ni fwaʼ, fwaʼa n wɔɔ a ghey. Abə ghə̂ a tsɔɔmənə ghey, ghey n fəd fuu ghə n buulə zə. Abə ghə chɔdlɔnə ghey, ghey n kee kow tsu kə təfə̀ŋ.

1 Kɔrint 9:12

Abə i kpiinə tə ghə̂ a loʼ ghə ni keeli igaamə n wɔ ghaa, ghaa moʼlə nə̀ i ka kpii tə̀ ghey ni mbɔŋ keeli igaamə n wɔ ghaa buʼ tsəghəshi ghə̂ a loʼ ghey ə? Ghey a ka kee dəm dzə ni teeli ney fə wey wə â kpiinə tə̀ ghey ni ney n wɔ ghaa nghee â tsəm loʼ kənə buʼ kə ghey kə ni ney. Ghey â fəd bəghəm ni fəghə n nəŋə ghey sey nə̀ kə ghey nə təʼlə maʼanə tûm i dzuŋu zən ghey naʼlənə kuum Klisto.

1 Kɔrint 9:18

Naamə kuŋ kə baa loʼ kee n fwaʼ kən n fwaʼanə ə? Naamə kuŋ kə loʼ ni naʼlə tûm i dzuŋu zə nə̀ kənunu, bəbə way fə kə tii. À wey loʼ ghə i tii zə n ney way fə key kə kpiinə tə̀ mə ni ney tə a loʼ wù wey tə naʼlənə tûm i dzuŋu zə.

1 Tesalonika 2:9

Waazə ghə, ghaa moʼlənu nghee tə̀ ghey â zuʼlə fwaʼa nə tii? Ghey â fwaʼa n tsə̀ tə nsə n tsuʼu tə sey nə̀, kə̂ ghey nə doʼlənə tə̀ a loʼ kəfəmmə tə̀ wù ghaa u loʼ wə, nghee tə̀ ghey naʼlənə tə̀ ghaa tûm i dzuŋu zən i nuu bənə n wɔ Zə̀ kə.

2 Tesalonika 3:8

Ghey ka zə̂ dzə fə̂ kə wù kə kənunu. Ghey fəllə fwaʼanu nəŋə tədzəm n tsuʼu tə nsə n tsə̂ tə sey nə̀ kə̂ ghey nə̂ doʼlənə tə̀ a loʼ kəfəmmə tə wù ghaa u loʼ wə.