1 Kɔrint 9:14 - Kaa n Kəzə̀ n fəghə mə

¹⁴ À loʼ soʼo ighələ, Mûkəbii dzanə nə̀ ghə̂ ghey ghə naʼlə tûm i dzuŋu zə, khə ni zəə soʼo n bam i tûm i dzuŋu zən ghə naʼlənə.

1 Kɔrint 9:14 ပူးပေါင်းရင်းမြစ်များ

Matyo 10:10

Nuu ndòw kə na kpi ikpi, kə̂ ghaa nə neynə mbəghə kə, kə̂ ghaa nə neynə ndzə̂ tə ni tsɔʼ kweyyə, a may kə tə tey ghaa khənə nə uwû, kə̂ ghaa nə neynə gow tə nkee mbaŋ i nyəllə zə, n təŋkey, ghə khə ni fuu wù wey tə fwaʼanə n fə wey udzəm tə ləghənə.”

Lukas 10:7

Dòʼotsu kə na n ndaw imɔʼ, kə̂ ghaa nə̀ bweynə ndaw tə̀ ndaw, ghaa i zəə, məə fə key ghə i funə fu tə ghaa, n təŋkey wù kəfwaʼ khə ni keeli kənaamə n fwaʼ kə wi.

Lukas 10:8

Abə ghaa nyinə n naʼ i loʼ zə ghə kpii neynə ghaa fu, nə̀ ghə fu kə kee tə̀ ghaa, ghaa n zə soʼo.

Kəfwaʼ 18:3

Tə n ndow muu dzəŋi ndow ghi ghə, fwaʼa dzəŋi soʼo ghi ghə n təŋkey ghə â taŋi fə wən ghə tsədənə fəə mə tii tə aloʼ wi.

1 Kɔrint 4:15

Abə ghaa bùʼ khə kənə ghə̂ ghə tə a loʼ təkam ighəm ghə dəŋənə ghaa nə̀ ghaa i loʼ nə kəfə kəmɔʼ ghi Klisto, ghaa khə kə bày umɔʼ. A may kə mə, mə â doʼo bə tə̀ a loʼ bày ghaa n təŋkey, ghaa â doʼo bə nə kəfə kəmɔʼ ghi Klisto nə̀ à loʼ mə n ney bənə tûm i dzuŋu zə tə̀ ghaa.

1 Kɔrint 9:11

Abə i loʼ nə̀ ghey n zəghə naŋa ghəə ghə, a nuu bənə n wɔ Zay K-a-zə̀ kə n fə̀ŋ tə ghaa, à kee bəbə kee tii tə̀ ghaa ni fuu bə ghey n fə wə ə?

1 Kɔrint 9:12

Abə i kpiinə tə ghə̂ a loʼ ghə ni keeli igaamə n wɔ ghaa, ghaa moʼlə nə̀ i ka kpii tə̀ ghey ni mbɔŋ keeli igaamə n wɔ ghaa buʼ tsəghəshi ghə̂ a loʼ ghey ə? Ghey a ka kee dəm dzə ni teeli ney fə wey wə â kpiinə tə̀ ghey ni ney n wɔ ghaa nghee â tsəm loʼ kənə buʼ kə ghey kə ni ney. Ghey â fəd bəghəm ni fəghə n nəŋə ghey sey nə̀ kə ghey nə təʼlə maʼanə tûm i dzuŋu zən ghey naʼlənə kuum Klisto.

1 Kɔrint 9:16

I loʼ nə̀, n khə way ni tsɔbə fə̀ŋ abə n naʼlənə tûm i dzuŋu zə n təŋkey n khə ni naʼa tûm i tii zə. Mə i keeli ngoʼ abə n ka naʼa tûm i dzuŋu zən.

1 Kɔrint 9:4

ghə moʼlə nə̀ i kpiilə way tə̀ ghey ni keeli fə kə zəə kə nkee fə kə məə kə ə?

2 Kɔrint 2:12

Nghee mə̀ â ndòwnə n naʼ i Trowas ni ndòw naʼa tûm i dzuŋu zə bòʼ Klisto, à n loʼ nə̀ Mûkəbii n chi naŋa jìi tə̀ mə ni fwaʼ fu.

Galeshia 6:6

Ghə̂ ghən ghə zoʼlənə ghəə a Kəzə̀ ghə, khə ni fuu ndow soʼo fə u dzuŋu wən ghə khənə tə ghə̂ ghən ghə diinə ghə n ghəə a Kəzə̀.

1 Tesalonika 1:5

N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.