1 Kɔrint 8:3 - Kaa n Kəzə̀ n fəghə mə

³ Wù wey tə kee ləghənə Zə̀ kə, Zə̀ kə khənu wi.

1 Kɔrint 8:3 ပူးပေါင်းရင်းမြစ်များ

Matyo 7:23

Mə i fəd dza ndow tə̀ ghə nə̀, ‘Nuu na n səə mə, ghaa loʼ ghə̂ a bəbə ghə, n khə koʼ tsə way ghaa.’”

Tùm i dzuŋu zə kuum Yeso Klisto tə Jɔn â tɔɔnə 10:14

N loʼ wù baʼa u tənjì u dzuŋu wə, n khənu njì tuŋ tə, njì tuŋ tə u khə soʼonə mə.

Tùm i dzuŋu zə kuum Yeso Klisto tə Jɔn â tɔɔnə 21:17

Yeso n kəm bəb kpiʼi ndow tə̀ wi ni ghəŋə ndow tənəŋə tətəghə nə̀, “Shimun, waa Jɔn, wə ləghənu mə ə?” Ghə i tii zə n ngii fəmmə Pita n fə̀ŋ nghee tə bəbə kuulə kə ghə zə imɔʼ. Tə n beeli ndow wi nə̀, “Mûkəbii, wə khə aghəə adzəm, wə a khə soʼo nə n ləghənu wɔ.” Yeso n dza ndow tə wi nə̀, “I laalə njì tuŋ tə.

Roma 11:2

I loʼ nə̀ Zə̀ kə ka tuu maʼa dzə ghə̂ ghən tə â sày naŋa kɔʼnə nə̀ a loʼ ghə̂ a wi nə nzeyyə. Ghaa məghənu ghəə zey i tɔ̀ɔ doʼonə n màʼlə K-a-zə̀ kuum Elayja ə? Ghə məghənu nghee Elayja â buʼnə wɔɔ kə tii tə̀ Zə̀ kə n tow u ghə̂ ghə Izree? Tə â buʼ kəwɔɔ nə̀,

1 Kɔrint 13:12

N sey dza n təŋkey, ghəə ghən saa koʼonə nya, saa maŋa koʼo kəzəŋŋə tə wù nə fwɔdlɔnə wû u wi wə nə kəlungali. Abə nəŋə i tii zə i baa kpi tsunə, saa i baa koʼ ndow ghəə a tii ghə n mgbaŋ. Abə Yeso i bə dzəŋŋənə, saa i fwɔdlɔ tûmmə ndow tûm usə wə ghi wi. Ghəə ghən n khənə nya, a maŋ loʼ kəm ukəm, abə Yeso i bə dzəŋŋənə, mə i keeli may ghəə a tii ghə. Isəŋə loʼ nə̀ Zə̀ kə khə aghəə adzəm kuum mə.

1 Kɔrint 2:9

I tɔ̀ɔ doʼo n màʼlə K-a-zə̀ nə̀, “Ghəə zey sə̂ i ka kam koʼ koʼ tsə, Ghəə zey tuŋŋə kə ka kam zow koʼ tsə, Nsə ghəə zey fə̀ŋ ə wù sɔŋtsuʼ i loʼ ka kam buʼ moʼlə koʼ tsə, Loʼ ghəə zey Zə̀ kə bayyə naŋanə tə̀ ghə̂ ghey ghə ləghənə wi.”

Galeshia 4:9

Nya wən ghaa keeli dzə Zə̀ kə, nkee, n loʼ ni dza nə̀ Zə̀ kə n ghaa keeli, a kəm loʼ kee ghaa dzəŋŋə ndownə ni doʼo ukɔd tə fəghə mə nzə̀ n lay n kənunu mən n saʼa mbi ə?

2 Timoti 2:19

Ghə i dzuŋu i loʼ nə tsə kə ndaw key à səd kɔʼ bənə Zə̀ kə, fə kə loʼ kə way ni soʼlə, ghə a tɔ̀ɔ naŋa tsu tii nə̀, “Mûkəbii khənu ghə̂ ghey ghə loʼnə a wi ghə”, Nsə nə̀, “Ghə̂ ghey adzəm ghə dzanə nə̀ ghə loʼ n tənə zəd i Mûkəbii, Ghə khə ni tyi zəghə maʼa ghəə a bəbə ghə.”

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

1 Pita 1:8

Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.

1 Jɔn 4:19

Saa khə iləghə n wû i saa nsə tə Zə̀ kə, n təŋkey, Zə̀ kə a khə ləghə zey bə saa isə.

1 Jɔn 4:7

Fə̂ ghuŋ a dzuŋu ghə, saa ndow kə n sə kə ni ləghə tiilə wû zə, boʼnə ləghə i nuu bə n wɔ Zə̀ kə. Wù wən tə khə ləghə zə loʼ waa Kəzə̀, tə u khə soʼo nə Zə̀ kə.

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.

Chi dii 2:19

N khənu ghəə ghey ghaa ghəŋŋənə, n khənu ləghə zey ghaa khənə n wû i ghaa, n khənu bəghəm i fə̀ŋ zey ghaa khənə n kow mə, khə fwaʼ kə ghaa, khə soʼo nghee ghaa kownə fə̀ŋ tii. N khənu nə̀ fwaʼ key ghaa fwaʼanə nya, tsəghəshinu kə key ghaa â buʼu fwaʼa tsənə.

Chi dii 2:9

n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.