N ləghə ni ghɔɔmə bə nya kuum ghəə ghey ghaa â tɔ̀ɔ bəb bənə bòʼ ney zə iwû, “Ow, à loʼnu ghə i dzuŋu zə tə̀ weynum ni doʼo nə̀ tə ka nyəŋi ghi weyzən.”
N ləghə way nə̀ ghaa ngii fəmmə wû i ghaa. I loʼ nə̀ weynum wey tə khə way wey, fuu nyiə ndow wû u wi n fwaʼ kə Mûkəbii, n təŋkey tə ləghə kə ni ghəŋŋə ghəə zey Mûkəbii ləghənə.
Abə ghə̂ adzəm a mə loʼ ni doʼo tə n loʼnə, tə̂ n mə ləghə. À kee loʼnə i way ni doʼo sey, n təŋkey, kay wù khə kə naamə kə wi key Zə̀ kə â fuunə tə̀ wi. Wù wən n khə naamə kə kən, u loʼ wey n khə naamə kə nuu kə.