1 Kɔrint 7:33 - Kaa n Kəzə̀ n fəghə mə

³³ Wù wey tə khənə wey, kee ndəŋə fuu nyiə ndow wû u wi n ghəə a mbi, n təŋkey tə ləghə ni ghəŋə ghəə ghey wey wi ləghənə.

1 Kɔrint 7:33 ပူးပေါင်းရင်းမြစ်များ

Lukas 12:22

Yeso n dza ndòw tə̀ dzûmə tə wi tə nə̀, “N dza bə tə ghaa nə kə̂ ghaa nə ngii baŋŋə fəŋ bòʼ muu i ghaa. Kə̂ ghaa nə baŋŋənə fəŋ nə̀, ‘mə i zəə kee nkee mə i dzəŋŋə kee n wû wùŋ ə?’

Lukas 14:20

Wù loʼ wey n dza, ‘N sa kuʼlə ney kɔʼ wey, a wey loʼ ghə i tii zə n way dzə ni bə.’

Tùm i dzuŋu zə kuum Yeso Klisto tə Jɔn â tɔɔnə 10:13

Wù kəfwaʼ wən tyə naŋŋə səə tsu tənjì, n təŋkey, tə maŋa fwaʼa nə̀ ghə i tsəə wi, tə khə way nəŋə zə n kow njì tə tii tə.

1 Kɔrint 7:3

Weynum khə ni nyəŋi ndòw ghi wey wi, weyzən i nyəŋi ndòw soʼo ghi num wi, tə̀ a loʼ num ghi wey.

1 Kɔrint 7:32

N ləghə way nə̀ ghaa ngii fəmmə wû i ghaa. I loʼ nə̀ weynum wey tə khə way wey, fuu nyiə ndow wû u wi n fwaʼ kə Mûkəbii, n təŋkey tə ləghə kə ni ghəŋŋə ghəə zey Mûkəbii ləghənə.

1 Kɔrint 7:34

I loʼ sey n təŋkey fə̀ŋ ə wi dzawwə doʼonu. A kee bə weyzən wən tə khə way num nkee weyzən wən tə ka kam nyəŋi ghi weynum, tə ndəŋə fuu nyiə ndow wû u wi n fwaʼ kə Mûkəbii sey nə̀, tə loʼ ni fuu nyi may ndow wû u wi nsə fə̀ŋ ə wi idzəm n fwaʼ kə Mûkəbii. Weyzən wey tə khənə num, ndəŋə fuu nyiə ndow wû u wi n ghəə a mbi n təŋkey tə ləghə ni ghəŋə ghəə ghey num wi ləghənə.

Kolose 3:19

Abə ghaa gheynum ghən ghaa khənə ghey ghə, ghaa khə ni ləghə ghey a ghaa ghə, i kə ghaa nə tɔɔbənə n kow ghə.

1 Timoti 5:8

Abə wù laalə way tə tyəm a ndaw a wi ghə, a ka tsəm dza ghə̂ ghey ghə muunə n ndaw ghi wi, i sey diinə tə kəm bəghəm dzə way tə Klisto, tə u bəb tsəghəshi soʼonə wù wən tə ka bəghəm tə Klisto.

1 Pita 3:7

N jii i mɔʼɔ zə, ghaa gheynum ghən ghaa bəghəmnə tə̀ Klisto, ghaa khə ni muu ghi ghey a ghaa ghə nə̀ ghaa zowkeeli tsuunu ghə nghee i loʼ nə̀ ghə taw way tə a loʼ ghaa. Ghaa i fuu ndow ghə n ngɔɔmə zə nghee i loʼ nə̀ Zə̀ kə i dzəŋi diinu ghaa n fə̀ŋ ə wi i dzuŋu zə ni fuu ghaa n muu zən i may way. Ghaa i ghəŋŋə ndow ghəə ghən sey nə̀, kə fə kə loʼ kə nə təʼlə maʼa gɔŋŋə i ghaa zə.