1 Kɔrint 7:21 - Kaa n Kəzə̀ n fəghə mə

²¹ Abə Zə̀ kə â tɔŋɔ kənə wɔ nə̀ wə loʼ tsə kəkɔd, kə wə nə fəmmənə wû wə tii. Abə wə kee keelinə buʼ kə ni doʼo n ngəŋ zə, ney tən kɔʼ buʼ kə tii kə.

1 Kɔrint 7:21 ပူးပေါင်းရင်းမြစ်များ

Lukas 12:29

Kə ghaa nə̂ fəmənə wû i ghaa zə bòʼ fə key ghaa i zəənə nkee fə key ghaa i məənə,

Lukas 21:34

Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

1 Kɔrint 7:20

Sey, kay wù khə kə ni bɔɔmə doʼo n jìi zey tə â bùʼ loʼnə tii tə̀ wi ni bə bəghəm tə Zə̀ kə.

1 Kɔrint 7:22

I loʼ sey n təŋkey, wù wey tə â bəghəmnə tə̀ Mûkəbii wi nə̀ tə loʼ kəkɔd, nya loʼ wù ngəŋ tə̀ Mûkəbii. Wù wey tə â kee bəghəmnə tə̀ Zə̀ kə nə̀ tə loʼ n ngəŋ, nya kee loʼ kəkɔd tə̀ Klisto.

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Filipi 4:11

N ghəə ghən dza dzə way nə̀ n laʼa fə kə loʼ kə, n təŋkey, mə n zoʼlə ni duʼlə nəŋə tədzəm, abə a loʼ kə n nəŋə zey n khənə fə̂ kə nkee n nəŋə zey n laʼanə.

Filipi 4:6

Kə̂ ghaa nə̂ ngii fəmmənə wû i ghaa zə n ghə i loʼ zə, i fədə gɔŋŋə na nə aghəə adzəm. I nɔɔ ndòw na fə̂ key ghaa ləghənə tə Zə̀ kə, fuu ndow kəzɔŋŋə tə wi n fə wey udzəm tə fuunə tə ghaa.

Kolose 3:11

N muu i fəghə zən, kweyyə kə loʼ kə kəm way dzə a dza wə loʼ wù Juu nkee wə way wù Juu, nə ghə səghə tyi kə nkee ghə ka səghə ə, wə loʼ kəkɔd nkee wə way kəkɔd ə. Nə wə loʼ wù kətûm, nə wə loʼ wù mbvən, kweyyə kə loʼ kə way dzə. Isəŋə loʼ kə nə̀ Klisto loʼ kətow nə aghəə adzəm nə təjìi tədzəm.

Hibru 13:5

Kə ghaa nə ləghənə ghəə ghə ukhəə ghə n muu i ghaa, ghaa i duʼlə n fə key ghaa khənə, n təŋkey Zə̀ kə dza nə̀, “Mə i bwuulə maʼa koʼ way ghaa, Mə i tûmmə naŋa koʼ soʼo way ghaa.”

1 Pita 5:7

Ghaa fuu naŋa ndow ghəə ghey a fəmmənə ghaa tə Zə̀ kə n təŋkey, tə laalənu tə ghaa nəŋə tədzəm.