1 Kɔrint 7:17 - Kaa n Kəzə̀ n fəghə mə

¹⁷ I loʼ kə nə̀, kay wù khə ni muu kə tə̀ a loʼ dzûmə Klisto n jii i ghaa zə Mûkəbii naŋanə wi tii, tɔŋŋə jìi zey tə â buʼ loʼnə tii n nəŋə zey Zə̀ kə â tɔŋɔnə wi. À wən loʼ laŋ key n fuunə tə̀ dzəŋi u dzûmə tə Klisto wə udzəm.

1 Kɔrint 7:17 ပူးပေါင်းရင်းမြစ်များ

Matyo 19:12

Boʼnə zùŋ u loʼ n ndəm u ghəŋŋənə nə̀ ghə̂ a loʼ a ka ney ghey ghə. Ghə̂ a loʼ a way ni ney aghey nə̀ zùŋ kə tii kə loʼ nə̀ ghə â ji ghə sey, a loʼ ghə u way ni ney aghey nə̀ a ghəŋŋə aghə̂, a loʼ ghə u way ni ney aghey nə̀ a say kɔʼ ghə bòʼ ghəə a Fɔɔ wə idəŋ wə. Wù wey tə loʼnə ni bəghəm ghəə ghən, bəghəm kɔʼ.”

1 Kɔrint 10:32

Kə ghaa nə ghəŋŋənə ghəə zey zə i fuunə chɔd wə tə̀ ghə̂ a Təjuu ghə, ghə̂ ghən ghə way ghə̂ a Təjuu ghə nkee tə̀ ghə̂ a Kəzə̀ ghə.

1 Kɔrint 11:16

Wù wey tə way ni bəghəm ghəə ghən n dzanə, ghey, nkee dzəŋi u dzûmə tə Klisto u kəm khə way ghə i loʼ zə ni kuu kpiʼi n jìi zey ghə loʼ ni kɔʼlə Kəzə̀ tii.

1 Kɔrint 11:34

Wù wey dzəŋ zabənə wi, wù tii n zə̂ tən kɔʼ n ndaw wi, sey nə̀ kə Zə̀ kə nə chɔdlɔnə ghə a dza ghə ka ləmə waazə ghə. N khənu nə̀ ghəə a loʼ a loʼnu n ka kam mɔm, a tii ghə, abə mə i bənə, mə i tiilə dza may bə tə̀ ghaa.

1 Kɔrint 14:33

Keeli tsu na nə̀, Zə̀ kə way dzə Zə̀ kən kə fwɔdlɔnə ghə̂ ghə, tə fədlə ləghə nə̀ ghəə ghə i bwey kɔʼɔ ndow nə ibuulə. Tə̀ i loʼnə n dzəŋi u dzûmə tə Klisto nə təluʼu tədzəm,

1 Kɔrint 16:1

Nyisa, n ləghə ni ghɔɔmə bòʼ ghəə ghən ghaa â tɔ̀ɔ bəb bənə bòʼ khəə wey ghaa â zuŋŋənə ni fuu tə̀ dzûmə tə Klisto tey n naʼ i Yerosalem. Ghaa khə ni bɔɔmə dzûmə ndow ghəə ghey mə â dzanə tə̀ dzəŋi u dzûmə tə Klisto wə n naʼ i Galeshya.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

1 Kɔrint 7:18

Abə wù loʼnə nə̀ ghə mâ səghə tsəghə tyi kə wi kə tə̀ wi ni bə bəghəm tə̀ Zə̀ kə, tə khə way ni dəm ni kweyyə. Nə̀ wù kee loʼ nə̀ tə bəghəm tə̀ Zə̀ kə nə̀ ghə ka kam səghə tyi kə wi kə, tə khə way ni dəm nə̀ ghə səghə tyi kə wi nya.

1 Kɔrint 7:24

Sey, waazə ghə, kay wù khə ni bɔɔmə doʼo kə n jìi zey tə â buʼ loʼnə tii tə̀ wi ni bə bəghəm tə Zə̀ kə. Ghaa khə ni doʼo kə nə kəfə kəmɔʼ ghi Zə̀ kə.

1 Kɔrint 7:7

Abə ghə̂ adzəm a mə loʼ ni doʼo tə n loʼnə, tə̂ n mə ləghə. À kee loʼnə i way ni doʼo sey, n təŋkey, kay wù khə kə naamə kə wi key Zə̀ kə â fuunə tə̀ wi. Wù wən n khə naamə kə kən, u loʼ wey n khə naamə kə nuu kə.

2 Kɔrint 11:28

Ni kuu kpiʼi ndow n ghəə ghən adzəm, fə̀ŋ nam fəmmə mə tsuʼu n dzəm bòʼ dzəŋi u dzûmə tə Klisto wən udzəm.

2 Kɔrint 8:18

Ghey tûm bə wi tə̀ ghaa ghi waazə saa wey dzəŋi u dzûmə tə Klisto tə kalinə wi n fwaʼ key tə fwaʼanə ni naʼa tûm i dzuŋu zə.

Galeshia 1:22

 loʼ n nəŋə i tii zə nə̀ ghə̂ a dzəŋi u dzûmə tə Klisto wey n mboʼo Judeya, ghə bəghəmnə tə Klisto, kam khə way mə.

1 Tesalonika 2:14

Waazə ghə, ghaa â bɔɔmə bwey kə n ghow kə ibwey kə ghə̂ ghey ghə loʼnə n ndaw tə Kəzə̀ tey n naʼ i Judeya, ghə loʼ nə̀ ghə n bəghəm tə̀ Yeso Klisto. Ghaa â bɔɔmə fəghə kɔʼ bə n wɔɔ kə ghə̂ ghə inaʼ a ghaa, ighələ tə̀ ghə â fəghənə n wɔɔ kə ghə̂ a Təjuu ghən ghə â ka bəghəm tə̀ Klisto.

2 Tesalonika 1:4

À wən loʼ ghə i tii zə ghey tsɔbənə fə̀ŋ bòʼ ghaa n dzəŋi u dzûmə tə Klisto udzəm. Ghey tsɔbə fə̀ŋ n təŋkey ghaa fəʼlənu, ghə̂ ghə a baa soʼo ghaa bòʼ Kəzə̀, ghaa a kee nam kow kə fə̀ŋ, ndow soʼo n sə kə ni bəghəm tə̀ Zə̀ kə.