1 Kɔrint 6:19 - Kaa n Kəzə̀ n fəghə mə

¹⁹ Ghaa khə way nə̀ wû i ghaa i loʼ Ndaw Kəzə̀ zey Zay kə Zow kə muunə tii nə̀ a fuu bə Kəzə̀ tə ghaa ə? À way dzə ghaa, ghaa khənə wû i ghaa zə, à loʼ Kəzə̀ kə khənə wû i ghaa zə.

1 Kɔrint 6:19 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 2:21

À n loʼ sey nə̀ Ndaw Kəzə̀ i nii zey Yeso â dzanə â loʼ wû u wi.

Roma 8:9

N moʼlə nə̀ ghaa muu dzə way n jìi zey gow uwû ləghənə nə̀ ghaa muu tii, ghaa fəd muu n jìi zey Zay kə Zow kə ləghənə abə à ndzəm loʼnə nə̀ Zay K-a-zə̀ kə loʼnu n kow ghaa. Wù wey tə khə way Zay kə Zow kən kə nuu bənə n wɔ Klisto, tə sey way dzə nə kəfə kəmɔʼ ghi Klisto.

1 Kɔrint 3:16

Ghaa khə way nə̀ ghaa loʼ Ndaw Kəzə̀ ə? Ghaa khə way nə̀ Zay K-a-zə̀ kə muu n kow ghaa ə?

1 Kɔrint 6:13

Ghə̂ a loʼ ghə a dza soʼo nə̀, “Ghə â ghəŋə ufəzəə tə̀ nəghə wə, ghəŋə soʼo unəghə tə̀ fəzəə wə.” Ow a loʼ isəŋə! A kee loʼ nə̀, Zə̀ kə î ləŋi maʼanu fə̂ u tii wə udzəm. Ghaa khə way ni ney wû i ghaa, ghaa i ghəŋŋə ghəə a laŋŋə ghə tii, ghaa khə ni fəd ney wû i ghaa, ghaa i kɔʼlə Mûkəbii tii. A loʼ Mûkəbii tə fuunə fə key wû u ləghənə.

1 Kɔrint 6:3

Ghaa khə way nə̀ a loʼ saa, saa nə̂ saʼa tsətəndəghə tə Kəzə̀ tə ə? Abə saa loʼ ni saʼ tsətəndəghə tə Kəzə̀, nyaŋi mə nghəələ mən fa n muu i mbi loʼ kə kee tə̀ saa ni saʼ a?

2 Kɔrint 5:15

Tə â kpu n tow u ghə̂ adzəm, sey nə̀ ghə̂ ghey ghə muunə, ghə i muu tə̀ wi, à kəm way dzə tə̀ wû i ghə zə̀, n təŋkey, tə â kpunu, Zə̀ kə n kəm zhəm dzəŋŋə bə wi nə̀ ivə n tow kə ghə.

2 Kɔrint 6:16

Muʼu n khə way ghə i loʼ zə ni ghəŋə ghi dzəŋi kə dzûmə tə Klisto kə. N dza sey n təŋkey saa loʼ ndaw Zə̀ kən kə loʼnə utaw, tə̀ Zə̀ kə dzanə nə̀, “Mə i muulə ghi ghə Mə i bwey soʼo n fəŋŋə kə ghə, Mə i loʼ Zə̀ kə ghə kə, Ghə i loʼ soʼo ghə̂ ghuŋ ghə.”

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Jems 4:5

Ghaa moʼlə nə̀ à maŋ loʼ kənunu i tɔ̀ɔ doʼonə n màʼlə K-a-zə̀ nə̀, “Zə̀ kə ngii ləghənu Zay key tə kuu naŋanə n kow saa.”

1 Pita 2:5

Bə n na n səə Mûkəbii tə a loʼ tay ghey a loʼnə utaw, ghə ney kɔʼ ghaa, ghə bəghə teyyə kɔʼ ndaw Kəzə̀ i nii zə a tii, ghaa i fwaʼa tə a loʼ fɔɔngili tə Zow tə ni fəələ maʼlə u Zay kə Zow kə Zə̀ kə ləghənə n bam i Yeso Klisto.