1 Kɔrint 6:15 - Kaa n Kəzə̀ n fəghə mə

¹⁵ Ghaa khə way nə̀ wû i ghaa i loʼ zuŋ u wû u Klisto ə? N loʼnu ni ney kɔʼ zuŋ kə uwû kə Klisto, n təmdzəŋi ndow ghi wû u wù wey tə loʼnə kpala kə ə? I way ni doʼo koʼ sey!

1 Kɔrint 6:15 ပူးပေါင်းရင်းမြစ်များ

Lukas 20:16

“N dza bə tə ghaa nə tə i bə wey maʼa ghə, tə ney sûm u tii wə, tə fu tə ghə̂ a nu ghə.” Ambə ghə̂ ghey zow tsu nə sey, ghə n dza nə̀, “I kə̂ Zə̀ kə i bəghəm nə ndzoʼo ghəə ghey shi koʼ.”

Roma 12:5

À loʼ ighələ ghi saa ghən saa bəghəmnə tə Klisto, nghee tə saa loʼ kənə n ndəm, saa dzəŋi loʼ tə a loʼ uwû umɔʼ, saa u dzəŋi gaamə tiilənə wû i saa zə.

Roma 3:31

Nghee tə saa khə dzənə bəghəm i fə̀ŋ zə, i sey dii nə̀ laŋ kə kəm way n taŋ ə? Ngaŋ! Saa fədlə ghəŋŋə nə̀ laŋ kə khə daʼa kə wi kə tə̀ Zə̀ kə â naŋanə.

Roma 3:6

Ngaŋ! Abə à mə way nə̀ Zə̀ kə ndzəm loʼ tsətsəghə, tə̀ tə mə saʼa ngee mbi ə?

Roma 6:15

Saa loʼ ni dza nə̀ ngee nya a? Nghee tə ndzuŋ ə Kəzə̀ bəghəshi dzənə saa n wɔ kə Laŋ u Mushi, saa sey khə ni ndow kə n sə kə ni ghəŋŋə ghəə a bəbə ghə? Ngaŋ! A way dzə sey.

Roma 6:2

Ngaŋ! I way dzə ni doʼo sey n təŋkey saa nya loʼ tə̀ a loʼ ghə̂ a kpu ghə abə i bənə ni ghəŋə ghəə a bəbə ghə. Sey, saa way ni ney dzə muu i saa nə̀ saa i kəm ghəŋŋə ndow ghəə a bəbə ghə tii.

Roma 7:13

I sey diinə ghəə ghey a dzɔbənə, kəm ney bə ivə n kow mə ə? Ngaŋ! Â loʼ i bəb i ney bənə və zə n kow mə nə̀ i tsəghə n baa kəlaŋ. Laŋ kə loʼ fə kə dzuŋu kə ni ghəŋə nə̀ n keeli fə key bəb i baa loʼ ghii kə. Sey, à loʼ kəlaŋ kə dii fuunə nə̀ bəb i loʼ fə kə faalə kə.

Roma 7:7

Saa loʼ ni baa dza tsu nə̀ ngee nya a? À loʼ nə̀ laŋ kə loʼ fə kə bəbə kə ə? Ngaŋ, à ndɔm way dzə sey. À kee ndzəm loʼ nə̀ abə a mə bow tə laŋ kə, mə way ni keeli fə key bəb i loʼ ghii kə. Abə laŋ kə mə ka dza nə̀, “Kə wə nə shiə n sə ghə n fə kə wù.” Tə n mə khə dzə way nə̀ i dzɔbə way ni shiə n sə ghə n fə kə wù.

1 Kɔrint 11:3

N kee ləghə nə̀ ghaa zowkeeli tsu nə̀ Klisto loʼ kətow tə̀ gheynum ghə adzəm, weynum u loʼnə tow kə tə̀ wey wi, Zə̀ kə a loʼnə tow kə tə̀ Klisto.

1 Kɔrint 12:27

Ghaa loʼ wû u Klisto, kay wù n fəŋŋə kə ghaa u loʼ zuŋ kə uwû kə wi kə.

1 Kɔrint 6:13

Ghə̂ a loʼ ghə a dza soʼo nə̀, “Ghə â ghəŋə ufəzəə tə̀ nəghə wə, ghəŋə soʼo unəghə tə̀ fəzəə wə.” Ow a loʼ isəŋə! A kee loʼ nə̀, Zə̀ kə î ləŋi maʼanu fə̂ u tii wə udzəm. Ghaa khə way ni ney wû i ghaa, ghaa i ghəŋŋə ghəə a laŋŋə ghə tii, ghaa khə ni fəd ney wû i ghaa, ghaa i kɔʼlə Mûkəbii tii. A loʼ Mûkəbii tə fuunə fə key wû u ləghənə.

1 Kɔrint 6:17

Wù wey tə kee təm dzəŋinə wû u wi wə ghi Mûkəbii, zay kə wi ghi kə Mûkəbii kə, loʼ kəfə kəmɔʼ.

1 Kɔrint 6:19

Ghaa khə way nə̀ wû i ghaa i loʼ Ndaw Kəzə̀ zey Zay kə Zow kə muunə tii nə̀ a fuu bə Kəzə̀ tə ghaa ə? À way dzə ghaa, ghaa khənə wû i ghaa zə, à loʼ Kəzə̀ kə khənə wû i ghaa zə.

1 Kɔrint 6:3

Ghaa khə way nə̀ a loʼ saa, saa nə̂ saʼa tsətəndəghə tə Kəzə̀ tə ə? Abə saa loʼ ni saʼ tsətəndəghə tə Kəzə̀, nyaŋi mə nghəələ mən fa n muu i mbi loʼ kə kee tə̀ saa ni saʼ a?

Galeshia 2:17

Abə saa bəghəm nə tə Klisto, n təŋkey, saa ləghə ni doʼo tsətsəghə n sə K-a-zə̀, i kəm bə shi kɔʼ nə̀ saa n bwù laŋ kə. A loʼnu ni dza nə̀ Klisto gaamə nə̀ saa i ghəŋŋə ghəə a bəbə ghə ə? Ngaŋ a way ni dza koʼ sey!

Galeshia 3:21

N dza n bəb bə nə̀, laŋ K-a-zə̀ kə nya ballə kɔʼɔ bə ghi təb K-a-zə̀ kə ə? Ngaŋ! Abə laŋ kə mə loʼ ni ghəŋə saa nə̀ a keeli imuu, ghə̂ adzəm a mə ndzəmə naŋŋə laŋ u tii wə, sey nə̀, ghə loʼ ni loʼ tsətsəghə n sə K-a-zə̀.

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

Efesus 4:12

Naamə wən u loʼ ni fuu kədaʼa tə̀ ghə̂ a Kəzə̀ ghə. Seynə ghə i loʼ ni fwaʼ fwaʼ kən Zə̀ kə fuu naŋanə tə̀ ghə, ghəŋŋə nə̀ Ndaw Kəzə̀ zən i loʼnə wû u Klisto wə idzəm, i nyim beyyə dzɔb tsu n ghəə a Kəzə̀.

Efesus 5:23

Kuum nə̀ weynum wən tə khənə wey loʼ kətow tə̀ wey wi ighələ tə̀ Klisto loʼnə tow kə n dzəŋi kə dzûmə tə Klisto. Dzûmə tə Klisto tədzəm tə loʼ tə̀ a loʼ wû u Klisto. Klisto loʼ wù wey tə bəghəshiənə ghə̂ a Kəzə̀ ghə adzəm.

Efesus 5:30

Saa u loʼnə tə̀ a loʼ ubad u zuŋŋə doʼonə n wû u wi.

Kolose 2:19

Ndzoʼo ghə̂ ghən kəm zow way tə Klisto, tə loʼnə tow kə n dzəŋi kə dzûmə tə Klisto, tɔŋɔ wû u wi. À loʼ wi tə kwu keelinə wû wə udzəm nə kəfə kəmɔʼ nə uzuŋ, ghəŋŋə nə̀ wə i nyîmmə n daʼa K-a-zə̀.