1 Kɔrint 6:13 - Kaa n Kəzə̀ n fəghə mə

¹³ Ghə̂ a loʼ ghə a dza soʼo nə̀, “Ghə â ghəŋə ufəzəə tə̀ nəghə wə, ghəŋə soʼo unəghə tə̀ fəzəə wə.” Ow a loʼ isəŋə! A kee loʼ nə̀, Zə̀ kə î ləŋi maʼanu fə̂ u tii wə udzəm. Ghaa khə way ni ney wû i ghaa, ghaa i ghəŋŋə ghəə a laŋŋə ghə tii, ghaa khə ni fəd ney wû i ghaa, ghaa i kɔʼlə Mûkəbii tii. A loʼ Mûkəbii tə fuunə fə key wû u ləghənə.

1 Kɔrint 6:13 ပူးပေါင်းရင်းမြစ်များ

Matyo 15:17

Ghaa khə way nə̀ abə a nyi ndow kə kee kə n dzuu i wù, kə tsuu ndòw nə unəghə, kə n tsəghəshi daŋŋə ndòw a bii ə?

Matyo 15:20

À wən loʼ ghəə ghey a ghəŋŋənə nə̀ wù i dzəə. Ni zə̂ n wɔɔ a dzəə ghə, tə̀ ghə dzanə, ghəŋŋə dzə way nə̀ wù i dzəə.”

Malakus 7:19

N təŋkey, kə nyiə dzə way n fə̀ŋ ə wi, kə ndòw n nəghə u wi, kə n shi daŋŋə.” (Tə â dza sey ni ghəŋə tsu nə̀ ghə keeli tsu nə̀ fəzəə udzəm u dzɔbənu tə̀ wù ni zə̂).

Tùm i dzuŋu zə kuum Yeso Klisto tə Jɔn â tɔɔnə 6:27

Kə̂ ghaa nə̂ fwaʼanə ni keeli fəzəə wey u loʼnə ni bəb, fəd fwaʼ na ni keeli fəzəə wey u doʼlə tsalinə. À wey loʼ fəzəə wey Waa wù sɔŋtsuʼ î fuunə tə̀ ghaa, boʼ nə̀, Bày, tɔŋŋə Kəzə̀ n kuu naŋa tsəə wi n kow wi.”

Tùm i dzuŋu zə kuum Yeso Klisto tə Jɔn â tɔɔnə 6:49

Ghə bày bày a ghaa ghə â zə̂ə mana n mbvən ə ntsaŋ, ghə n nam kpuulə.

Roma 12:1

Waazə ghə, bòʼ sî i kwɔɔlə zən Zə̀ kə khənə n kow saa, n buʼu bə kəwɔɔ tə ghaa nə̀, ghaa fuu may ndow wû i ghaa tə Zə̀ kə tə a loʼ maʼlə wən u loʼnə utaw. Ghaa khə ni fuu may ndow wû i ghaa tə a loʼ maʼlə wən u zownə, dzɔbə soʼo tə̀ Zə̀ kə. À wən ndzəm loʼ jii zən i kpiinə tə̀ ghaa ni ngɔɔmə wi tii.

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

Roma 6:12

Sey, kə ghaa nə̂ bəghəmnə nə̀ ghəə a bəbə a kəm keeli kədaʼa n vən fə uwû fə ghaa, n jìi zey ghəə a bəbə ghə a loʼ ni ghəŋə nə̀ ghaa i ghəŋŋə ndow ghəə a bəbə ghey vən fə uwû fə ghaa fə ləghənə.

Roma 7:4

Waazə ghə, a loʼ soʼo ghə i mɔʼɔ zə ghi ghaa. Abə a bənə n ghəə a kəlaŋ, ghaa loʼ tə̀ a loʼ ghə̂ a kpuu ghə tə̀ laŋ kə n təŋkey, ghaa mâ kpu dzəŋi ghi Klisto. Ghaa nya loʼ nə kəfə kəmɔʼ ghi wù wən Zə̀ kə â zhəm nuu dzəŋŋə bənə nə ivə, sey nə̀, saa loʼ ni ghəŋə ghəə ghey a fuunə kɔʼləmə tə̀ Zə̀ kə.

1 Kɔrint 3:16

Ghaa khə way nə̀ ghaa loʼ Ndaw Kəzə̀ ə? Ghaa khə way nə̀ Zay K-a-zə̀ kə muu n kow ghaa ə?

1 Kɔrint 6:15

Ghaa khə way nə̀ wû i ghaa i loʼ zuŋ u wû u Klisto ə? N loʼnu ni ney kɔʼ zuŋ kə uwû kə Klisto, n təmdzəŋi ndow ghi wû u wù wey tə loʼnə kpala kə ə? I way ni doʼo koʼ sey!

1 Kɔrint 6:19

Ghaa khə way nə̀ wû i ghaa i loʼ Ndaw Kəzə̀ zey Zay kə Zow kə muunə tii nə̀ a fuu bə Kəzə̀ tə ghaa ə? À way dzə ghaa, ghaa khənə wû i ghaa zə, à loʼ Kəzə̀ kə khənə wû i ghaa zə.

2 Kɔrint 11:2

N mbuŋŋə ni keeli nghee tə̀ ghaa loʼnə tii ighələ tə̀ Zə̀ kə mbuŋŋənə ni keeli. N ləghə ni fuu ndow ghaa tə̀ wù umɔʼ tɔŋŋə Klisto nə̀ ghaa khə way bwu i loʼ zə̀, tə̀ bày weyzən wən ghə â nyi naŋanə nə fuu ndownə waa wi wən tə̀ num nə̀ tə ka kam nyəŋi koʼ tsə ghi weynum.

2 Kɔrint 5:15

Tə â kpu n tow u ghə̂ adzəm, sey nə̀ ghə̂ ghey ghə muunə, ghə i muu tə̀ wi, à kəm way dzə tə̀ wû i ghə zə̀, n təŋkey, tə â kpunu, Zə̀ kə n kəm zhəm dzəŋŋə bə wi nə̀ ivə n tow kə ghə.

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Efesus 5:23

Kuum nə̀ weynum wən tə khənə wey loʼ kətow tə̀ wey wi ighələ tə̀ Klisto loʼnə tow kə n dzəŋi kə dzûmə tə Klisto. Dzûmə tə Klisto tədzəm tə loʼ tə̀ a loʼ wû u Klisto. Klisto loʼ wù wey tə bəghəshiənə ghə̂ a Kəzə̀ ghə adzəm.