1 Kɔrint 6:11 - Kaa n Kəzə̀ n fəghə mə

¹¹ À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

1 Kɔrint 6:11 ပူးပေါင်းရင်းမြစ်များ

Matyo 20:4

tə n dza tə̀ ghə nə̀, ‘Ndòw fwaʼa na n sum wuŋ, mə i tsəə ghaa n fə key kə kpiinə ni tsə n fwaʼ key ghaa i fwaʼanə.’

Lukas 18:14

Yeso n dza tə ghə nə̀, “Â way dzə wù Falasi, â fəd loʼ wù kwɔɔ u kəmàʼlə wən tə â loʼ tsətsəghə n sə kə Kəzə̀. Kuum nə̀, abə wù ney kɔʼlə naŋŋə kɔʼnə wû u wi wə, tə i keeli way ngɔɔmə zə, abə wù fəd zûŋ tsunə wû u wi wə, tə n fəd bə keeli ingɔɔmə, ghə n ney kɔʼlə naŋa kɔʼ wi.”

Tùm i dzuŋu zə kuum Yeso Klisto tə Jɔn â tɔɔnə 13:10

Yeso n dza tə̀ Pita nə̀, “Abə wù loʼ nə̀ tə n wû u sow, tə khə kə ni kali kɔʼ ifuu kuum nə̀ wû u wi udzəm u zownu. Ghaa adzəm ghaa zownu, a may kə wù umɔʼ n fəŋŋə kə ghaa tə dzəənə.”

Tùm i dzuŋu zə kuum Yeso Klisto tə Jɔn â tɔɔnə 13:8

Pita n dza tə̀ wi nə̀, “Wə nə sow koʼ way fuu zuŋ zə.” Yeso n dza tə wi nə̀, “Abə n ka sow fuu zə, a sey loʼ nə̀ ghi wɔ kəm khə way ghə i loʼ zə.”

Tùm i dzuŋu zə kuum Yeso Klisto tə Jɔn â tɔɔnə 5:4

boʼnə tsəndəghə ə Kəzə̀ â bəghə zə n bə fə̀nnə kɔʼ tsəm key. Wù dzaŋa wey tə nyi tsunə fu n tsəm key isə abə kə fə̀nnə kɔʼ nə̀, dzaŋ i wi zə n daŋŋə may abə tə mə dzaŋa kənə kee kə.]

Kəfwaʼ 13:39

Sey, ghə̂ ghey adzəm ghə bəghəmnə tə wi, ghə i doʼlənu tsətsəghə n sə K-a-zə̀, loʼ sey nə̀ ghə â way ni doʼo tsətsəghə n sə kə K-a-zə̀ a dza ghə naŋŋə laŋ kə Mushi.

Kəfwaʼ 22:16

Wə nya kəm ləmmə zeeli kee? Nuu kɔʼ ghə fuu wɔ n mmuu n Kəzə̀ mə, wə gɔŋŋə tə Zə̀ kə, tə i sow maʼa ghəə ghə a bəbə ghə.’”

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Roma 3:24

À kee loʼ nə̀ bòʼ ndzuŋ zən Zə̀ kə khənə n kow ghə̂ ghə adzəm, tə n ghəŋə nə̀ ghə i loʼ tsətsəghə n sə kə wi n bam i Yeso Klisto wən tə kùmshi bə nə saa n ghəə a saa a bəbə ghə.

Roma 4:5

À kee loʼ nə̀ ghə̂ a doʼlə dzə way tsətsəghə n sə K-a-zə̀ bòʼ fwaʼ key ghə fwaʼanə, à fəd loʼ bòʼ bəghəm i fə̀ŋ zey ghə khənə n kow Zə̀ kən kə neyzəənə bəb i ghə̂ a bəbə ghə.

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

Roma 5:9

Abə kaŋ tə Klisto tə loʼ ni ghəŋə nə̀ saa doʼo tsətsəghə n sə K-a-zə̀, i sey dii nə̀ tə i teeli bəghəshiə soʼonu saa nə̀ kə Zə̀ kə nə chɔdlɔnə saa.

Roma 8:30

I loʼ soʼo nə̀, ghə̂ ghey Zə̀ kə sày naŋanə, à loʼ soʼo ghə tə tɔŋɔnə nə̀ ghə doʼo ghə̂ a wi. Ghə̂ ghey tə tɔŋɔnə nə̀ ghə doʼo ghə̂ a wi, à loʼ soʼo ghə tə ghəŋənə nə̀ ghə doʼo tsətsəghə n sə kə wi. Ghə̂ ghey tə ghəŋənə nə̀ ghə doʼo tsətsəghə n sə kə wi, à loʼ soʼo ghə tə ghəŋənə nə̀ ghə keeli nkɔʼlə.

Roma 8:33

À loʼ ndee tə loʼ ni ney bə saʼ n kow ghə̂ ghən Zə̀ kə sày naŋanə ə? Wù umɔʼ tsəm way, à may kə Kəzə̀ kə ghəŋŋənə nə̀ ghə doʼo tsətsəghə n sə kə wi.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 12:2

Ghaa mgbaŋ khənu nə̀ n nəŋə zey ghaa â loʼnə nə̀ ghaa kam bəghəm way tə̀ Zə̀ kə, ghə mâ ghaa sìi ndzəŋŋə n ndəmə tə təjìi, nə̀ ghaa i ngɔɔmə muʼu mə nə̀ n ghɔɔmə way.

Galeshia 2:16

Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

Galeshia 3:11

I sey dii tsu nə a way dzə kəlaŋ kə ghəŋŋənə wù doʼo tsətsəghə n sə K-a-zə̀, tə i tɔ̀ɔ doʼo n màʼlə K-a-zə̀ nə̀, “Wù wey tə loʼnə tsətsəghə n sə K-a-zə̀ n bam i bəghəm i fə̀ŋ, tə i keeli imuu.”

Galeshia 3:24

Sey, à saa â keyyə kɔʼ bə kəlaŋ ni bə kùm n nəŋə zey Klisto â bənə tii. Zə â loʼ sey ni ghəŋə tsu nə saa doʼo tsətsəghə n sə K-a-zə̀ n bam i bəghəm i fə̀ŋ.

Galeshia 3:8

I mâ tɔ̀ɔ doʼo zey n màʼlə K-a-zə̀ nə Zə̀ kə i ghəŋə ghə̂ ghən ghə way ghə̂ a Təjuu ghə, i doʼo bə tsətsəghə n bam i bəghəm i fə̀ŋ. Zə̀ kə mâ dza naŋa zey soʼo tûm i dzuŋu zə tə Abraham nə̀, “N bam zə, naʼa tədzəm tə i keeli ibuulə.”

Efesus 5:26

Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.

Efesus 5:8

Keeli tsu na nə̀ ghaa â buʼ loʼ tsə nə kələm, ghaa nya loʼ nə utsə̀ n təŋkey, ghaa loʼ nə kəfə kəmɔʼ ghi Mûkəbii. Sey, i ghəŋŋə ndow na ghəə ghey a kpiilənə tə̀ a loʼ ghə̂ ghey ghə muunə nə̀ utsə̀,

2 Tesalonika 2:13

Waazə ghə, ghey khə ni fuu zɔŋŋə kə nəŋə tədzəm tə̀ Zə̀ kə bòʼ ghaa ghən Mûkəbii ləghənə n təŋkey Zə̀ kə â sày ghaa nə nzeyyə nə̀ ghaa keeli ibəghəshi n daʼa kə Zay kə Zow kə ni ghəŋə nə̀ ghaa doʼo ghə̂ wi a zow ghə. Ghəə ghən ghə a shi nghee tə̀ ghaa bəghəmnə tûm Kəzə̀ zən i loʼnə isəŋə.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 10:29

ghaa moʼlə nə̀ Zə̀ kə i boʼo chɔdlɔ ngee wù wey tə koʼo kiinə waa Kəzə̀, ngɔɔmə way kaŋ tən tə â fəələnə n kaa mən mə â sow maʼanə ghəə a wi a bəbə ghə, kpaalə soʼo Zay kə Zow kən kə ney bənə ndzuŋ ə?

Hibru 2:11

Yeso ghi ghə̂ ghey tə â sow maʼa tsunə bəb i ghə zə, dzəŋi khə bày umɔʼ. À wey loʼ ghə i tii zə Yeso dədlə way n tow kə ni tɔŋɔ ghə nə̀ a loʼ waazə a wi.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.

1 Jɔn 2:12

N tɔ̀ɔ bə ghəə ghən tə ghaa ghən ghaa loʼnə waa ghuŋ ghə, n təŋkey, Zə̀ kə n ghəə a ghaa a bəbə a neyzəə bòʼ ghəə zey Klisto a ghəŋənə tə ghaa.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.