1 Kɔrint 5:11 - Kaa n Kəzə̀ n fəghə mə

¹¹ Mə â dza tə̀ ghaa nə̀ kə̂ ghaa nə̂ təmə dzəŋinə ghi wù wən tə tɔŋŋənə wû u wi wə nə̀ i loʼ dzûmə Klisto, loʼ sey nə̀ tə laŋŋənu, shiə n sə̂ ghə n fə u mbi, ngɔɔmə mmuʼu, khəə təfəghəm, mə̂ə khə̀ə nlə, nkee tsɔŋɔ. Kə̂ ghaa nə̂ buʼu zə̂ə dzəŋinə ghi ndzoʼo wù tii.

1 Kɔrint 5:11 ပူးပေါင်းရင်းမြစ်များ

Matyo 18:17

Abə tə ka nam zow tə̀ ghaa, ney ndòw ghə i tii zə tə̀ ghə̂ a Ndaw Kəzə̀ ghə, tə ghə saʼ bə. Abə tə ka nam zow tə̀ ghə̂ a Ndaw Kəzə̀ ghə, ney ndòw na wi tə̀ a loʼ wù wey tə ka bəghəm tə Zə̀ kə, nkee wù kwɔɔ u màʼlə kə tsow kə.”

Matyo 23:25

Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa tɔʼɔ sòw tsuu kə bii kə ukaŋ nsə wɔɔ tə, fə̀ŋ kə tii kə n loʼ nə̀ kə n luu doʼo n wɔ fə wey wə bəkeelinə nsə mə̂ wə.

Lukas 18:11

Wù Falasi wey n sey təmi ndòw n nəŋə wi, zey ndòw ni gɔŋŋə dza, ‘N fuu bə kəzɔŋŋə tə̀ wɔ a Zə̀ kə, nghee tə n mə̂ə way wù n fə kə, n tsi way wù, n badla way ghəə ghə, n taa zaʼa way wey wuŋ tə ghə̂ a loʼ a ghəŋŋənə. N fuu kəzɔŋŋə tə wɔ nə n way dzə tə̀ a loʼ wù kwɔɔ u kəmàʼlə wey tə teynə fey.

Lukas 21:34

Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 9:17

Sey, Ananyas n nuu ndow, nyi ndow n ndaw zey Sɔl loʼnə tii, gaʼ ndow awɔɔ n kow wi dza nə̀, “Sɔl, n waazə, Mûkəbii tɔŋŋə Yeso wən tə â dii wû wə tə wɔ n jii nə wə bəghə fa, tə tûm bə mə n səə wɔ nə wə loʼ ni kəm koʼ təluʼu, Zay kə Zow kə i loʼ soʼo n kow wɔ naʼ idzəm.”

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

Roma 16:17

Waazə ghuŋ ghə, n buʼu bə kəwɔɔ nə̀ ghaa ney ighə̂mə ghi ghə̂ ghən ghə ghəŋŋə nə̀ ghə̂ ghə i tsɔɔbə kaabə tow wə, fwɔdlɔ aghə̂ nə kə ghə nə təminə bəghəm i fə̀ŋ i ghə, dii soʼo aghə̂ n ghəə a nuu ghə nə̀ a way ghəə ghey ghə â dii ghaa tii. Kə ghaa nə təmə dzəŋinə ndzoʼo ghə̂ ghən.

1 Kɔrint 10:14

Sey, waazə ghuŋ a dzuŋu ghə, kə ghaa nə ngɔɔmənə muʼu mə.

1 Kɔrint 11:21

N sey dza n təŋkey abə ghaa dzəŋi bənə ni zə̂ baa K-a-zə̀, kay wù n ndow kə n sə kə ni zə̂ fəzəə u wi nə̀ tə ka ləmə ghə̂ a loʼ ghə, sey, ghə̂ a loʼ ghə n shi fu n dzəŋ, a loʼ ghə n shi fu nə̀ ghə khəə nlə.

1 Kɔrint 5:13

À loʼ Kəzə̀ tə khənə ni saʼ ghə̂ ghey ghə loʼnə nə̀ a way dzûmə tə Klisto. I kee tɔ̀ɔ doʼo n màlə K-a-zə̀ nə̀, “Ghaa khə ni teeli dzum nuu shi wù bəbə wey tə loʼnə n fəŋŋə kə ghaa.”

1 Kɔrint 6:10

ghə̂ a tsɔŋɔ ghə, ghə̂ ghey ghə shiənə n sə ghə n fə u mbi, ghə̂ a khəə ghə nlə ghə, ghə̂ ghey ghə khəə kaabənə fəghəm tə, nsə ghə̂ a tsɔŋɔ ghə. Ghə̂ ghən adzəm nə̂ way ni zə̂ koʼ Fɔɔ u Kəzə̀.

1 Kɔrint 6:6

Ghaa dzûmə tə Klisto, ghaa fədlə ney ndow a waazu n tay i saʼ. I zey i buʼ bəb tsəghəshinə loʼ nə̀, ghaa ney ndow chɔd n ghaa tə̀ ghə̂ ghən ghə ka bəghəm tə̀ Zə̀ kə nə̀ ghə bayyə.

1 Kɔrint 6:9

Ghaa khə way nə̀ ghə̂ ghey ghə ghəŋŋənə ghəə a bəbə ghə, ghə î zə̂ way Fɔɔ u Kəzə̀ wə ə? Kə̂ wù loʼ nə nəbənə ghaa! N dza bə tə̀ ghaa nə̀, ghə̂ a laŋŋə ghə, ghə̂ ghey ghə ngɔɔmənə muʼu mə, ghə̂ ghən ghə taa zaʼa wû zə, gheynum ghən ghə nyəŋinə n wû i ghə,

1 Kɔrint 7:12

Tə ghə̂ a loʼ ghən, n kee fuu bə ghaa n laŋ kə nə̀ à way dzə laŋ kə Mûkəbii nə̀, abə dzûmə Klisto u loʼ u khənə wey nə̀ tə ka bəghəm tə Zə̀ kə, nə̀ tə kee ləghənu ni muu ghi wi, tə khə way ni dzum shi weyzən ə tii.

1 Kɔrint 7:15

A kee loʼ nə, abə wù wey tə ka bəghəm tə̀ Zə̀ kə ləghənə ni zəghə maʼa ney zə iwû i tii zə, kə wə nə tuunə. Nə̀ tə zəghənu, wɔ wən wə loʼnə dzûmə Klisto, wə kəm khə way ghə i loʼ zə ni ghəŋə n ney zə iwû i tii zə, n təŋkey, Zə̀ kə ləghə nə̀ ghaa i muu nə ibuulə.

1 Kɔrint 8:11

À sey loʼ nə̀ wɔ wən wə moʼlə nə̀ wə ngii khə aghəə, n ghəŋə nə̀ dzûmə Klisto wən tə loʼ nə̀ fə̀ŋ ə wi ka kam tɔʼ beyyə n ghəə a Kəzə̀, tə nyəŋ laʼ n bəghəm i fə̀ŋ i wi, loʼ sey nə̀ Yeso kpu soʼo n tow kə wi.

Galeshia 2:12

I loʼ nə̀, Pita â zəə dzəŋi tsənu ghi ghə̂ ghən ghə way ghə̂ a Təjuu ghə. Ambə ghə̂ a Təjuu a loʼ a ndow bənə nə a ghə tûm bə Jems, Pita n doʼo ndow, kəm zəə dzəŋi way ghi ghə̂ ghən ghə way ghə̂ a Təjuu ghə. Tə â ghəŋə sey, n təŋkey tə â tsəŋə nə̀ kə ghə̂ a Təjuu ghən ghə â tey tənnə nə̀ ghə teeli khə ni səghə tyi kə wù, kə ghə nə sənnə nə nə̀ tə zəə dzəŋi ghi ghə̂ ghən ghə ka səghə tyi u ghə.

Efesus 5:18

Kə ghaa nə məə khəənə lə mə, n təŋkey, lə n ghəŋŋə wù tə n dzəŋsə ghəŋŋə aghəə. Ghaa fəd khə ni ghəŋə nə̀ Zay kə Zow kə i tali ghow kə ibwey kə ghaa kə.

Efesus 5:5

Keeli tsu na nə̀ wù wey tə laŋŋənə nsə wù wey tə khənə mwam u dzəə wə, i zə̂ dzə way fɔɔ u Klisto wə nsə u Kəzə̀ wə, ghi wù wey tə shiənə n sə̂ zə n fə u ghə, n təŋkey, wù wey tə shiənə n sə̂ zə sey ney naŋa bə fə̂ u mbi tə̀ a loʼ Zə̀ kə wi.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

2 Tesalonika 3:14

Ney na ghə̂mə zə ghi ghə̂ ghey ghə tuu ni naŋa ghəə ghən ghey tɔ̀ɔ bənə n maʼlə kən. Kə ghaa i təmə dzəŋi ghi ghə, sey nə̀ ghə keeli tow kə dədlə kə.

2 Tesalonika 3:6

Waazə ghə, ghey dza bə tə̀ ghaa n zəd i Mûkəbii saa Yeso Klisto nə̀ kə̂ ghaa i təmə dzəŋi ghi dzûmə tə klisto tən ghə laynə, ləghə way ni dzûmə ghəə ghən ghey diinə tə ghaa n jìi zey ghaa khə ni muu a tii.

1 Timoti 3:3

Tə khə way ni loʼ ndzoʼo wù wey tə ngii ləghənə lə mə, tə khə soʼo way ni loʼ wù wey tə khənə mbow fə. Tə fəd khə ni loʼ wù wey tə loʼnə zəələ kə wù kə, soʼo way ghɔɔmə zə, shiə soʼo way n sə̂ zə n ghəə ghə ukhəə.

1 Timoti 6:5

Ghə̂ ghən loʼ tən tsə kə ni zuulə n təŋkey, ghə moʼlə tənə kə ghəə a bəbə ghə, kəm ləghə soʼo way isəŋə. Ghə moʼlə kə nə̀ fwaʼ K-a-zə̀ kə loʼ luʼu key ghə loʼ ni keeli ikum tii.

2 Jɔn 1:10

Sey, abə wù loʼ bənə n səə ghaa nə tə ka bə nsə dii zən, kə ghaa nə kpiineynə wi n ndaw tə ghaa, kə ghaa nə buʼu tɔŋɔ zow wù tii tə̀ a loʼ wù Kəzə̀.

Chi dii 2:14

Sə fə aghəə fə loʼ fə loʼnu ghaa ghəŋŋənə nə̀ n ləghə way. Ghə̂ a loʼ a loʼnu n fəŋŋə kə ghaa ghə dzûmənə ghəə ghey Balam diinə. Balam â dii Balak nghee tə loʼ ni sìi ndzəŋ ghə̂ ghə Izree tii n ghəə a bəbə ghə, nə̀ tə nəəbə tsu ghə nə̀ ghə zə̂ fəzəə wən ghə fəələnə tə a loʼ umaʼlə tə muʼu mə, nsə nə ghə i ghəŋŋə ghəə a laŋŋə ghə.

Chi dii 2:20

À kee loʼ nə̀ ghə i loʼ i loʼnu ghaa ghəŋŋənə nə̀ n ləghə way. Ghə i tii i loʼ nə̀, ghaa ka buu naŋa weyzən wən ghə tɔŋŋə nə̀ à loʼ Jezebel, weyzən wən tə tɔŋŋə wû u wi wə nə tə loʼ wù tûm Kəzə̀, nə̀ ghəə ghey tə diinə sìi ndzəŋŋə ghə̂ a kəfwaʼ ghuŋ nə̀ ghə i ghəŋŋə ghəə a laŋŋə ghə, ghəŋŋə soʼo nə̀ ghə i zəə fəzəə wən u loʼ nə̀ ghə n fəələ tə a loʼ umaʼlə tə̀ muʼu mə.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.