1 Kɔrint 4:21 - Kaa n Kəzə̀ n fəghə mə

²¹ Ghaa ləghə ghə i ghaa zə nə̀ n ghəŋə tə̀ ghaa ə? Abə mə i bənə, zə i kpiinu tə̀ mə ni chɔd ghaa nkee zə i kpiinu tə̀ mə ni dii ləghə zuŋ tə̀ ghaa, n dii soʼo ghaa n mwam u dzuŋu wə ə?

1 Kɔrint 4:21 ပူးပေါင်းရင်းမြစ်များ

1 Kɔrint 4:18

Ghə̂ a loʼ ghə n fəŋŋə kə ghaa â moʼlə kə nə̀ mə i kəm bə way n fəŋŋə kə ghaa, sey, ghə u kaʼ ndow ni ghaŋŋə iwû.

1 Kɔrint 5:5

N nəŋə i tii zə, ghaa teeli khə ni fuu tsəghə ndòw wù wən tə̀ Satan, sey nə̀, abə Satan ləŋi maʼa kənə gow uwû wi, fə̀ŋ ə wi i loʼ ni keeli ibəghəshi n tsuʼ fey Mûkəbii i bəghənə tii.

2 Kɔrint 1:23

Zə̀ kə loʼ ni təmi tiilə bòʼ mə nə̀ n dza isəŋə nə̀ ghəə zey mə â doʼonə nə̀ n ka kəm bə n Kɔrint, â loʼ n təŋkey mə̀ â ləghə way ni tɔɔbə n kow ghaa.

2 Kɔrint 10:6

Ghey ləmmə tənə nə̀ ghaa doʼo may bə ghə̂ ghey ghə zownə tə̀ klisto, sey ghey i loʼ ni chɔd ghə̂ ghey ghə zow way tə̀ wi.

2 Kɔrint 10:8

N way dzə ni dəd n tow kə, abə i loʼ kənə nə̀ n ngii tsɔbə fə̀ŋ bòʼ daʼa kən Mûkəbii fuunə tə̀ ghey, tɔŋŋə daʼa kən tə̀ fuunə nə̀ ghey bəghə kɔʼ bə bəghəm i fə̀ŋ i ghaa, a way dzə ni wey maʼa bəghəm i fə̀ŋ i ghaa.

2 Kɔrint 12:18

Mə â buʼ kəwɔɔ tə̀ Taytus nə̀ tə bə n sə̀ə ghaa, mə n tûm bə soʼo waazə ə saa u loʼ wə ghi wi. Ghaa dza i dza nə̀ Taytus â nəəbə zə̂nu ghaa ə? N dza tə â bɔɔmə khə kə ndzoʼo fə̀ŋ zey n khənə ə? N dza tə â bɔɔmə khə soʼo ndzoʼo mwam wən n khənə ə?

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

2 Kɔrint 13:2

N mâ bùʼ kpaa ghaa ghən ghaa â ghəŋŋənə ghəə a bəbə ghə, kpaa tsu soʼo ghə̂ a loʼ ghey adzəm. N fa nam kpaa kpiʼi bə ghə nya wən n way n səə ghaa ighələ tə̀ mâ kpaanə ghə nghee mâ bə koʼonə ghaa ni ghəŋə tənəŋə təbəghə, nə̀ abə mə i kəm bənə, wù ghə umɔʼ î nɔb shi way n wɔɔ kuŋ.

2 Kɔrint 2:1

À wey loʼ ghə i tii zə mə â tsə̀m kɔʼnə n fə̀ŋ zuŋ nə̀ n way dzə ni kəm bə n səə ghaa, n bə ghəŋə ghaa nə̀ ghaa i fəələ n fə̀ŋ tə.

2 Kɔrint 2:3

À wey loʼ ghə i tii zə mə â tɔ̀ɔ bənə màʼlə key mə̀ â bùʼ tûm bənə tə̀ ghaa sey nə̀, abə n bənə, kə̂ ghaa nə ghəŋŋənə nə̀ n fəələ n fə̀ŋ loʼ sey nə̀ à mə loʼ ghə ni ghəŋə mə nə̀ mə i duʼlə. N khənu nə̀ abə n duʼlənə, i sey dii nə̀ ghaa adzəm duʼlə soʼonu.

2 Kɔrint 3:10

Saa loʼ ni ndzəm dza nə̀, tsə u laŋ kə wey kən nya nəmmə may nyiə ndownu, tsə u laŋ fəghə kən u nəmmə koʼo tsə way a kee taw may kɔʼɔ bənə.

Galeshia 6:1

Waazə ghuŋ ghə, abə wù ghaa u loʼ u ghəŋə bəəbə tsunə ghə zə, ghaa ghən ghaa muu nə n daʼa Zay kə Zow kə, ghaa khə ni nyoʼlə bɔɔ teyyə dzəŋŋə bə wù tii n jii ibam, kee ghə̂mə kə nə kə fə kə loʼ kə nə chimmənə ghaa nə ghaa nyi ndow soʼo ni ghəŋə ghəə a bəbə ghə.

1 Tesalonika 2:7

Ghey â tsəm khənu daʼa kə tə̀ a loʼ ngəd tə Klisto ni bəb ghaa n fə̂ wə, ghey n fəd say kɔʼ ni laalə tə̀ ghaa tə̀ này waa nə buulə laalənə tə̀ waa wi.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.