1 Kɔrint 4:19 - Kaa n Kəzə̀ n fəghə mə

¹⁹ N khənu moʼlə zə ni kuʼlə bə taa fey n səə ghaa abə Mûkəbii kpaʼi bəghəmnə. Abə mə i bənə, mə i kəŋ keeli shi kɔʼ nə̀ ghə̂ ghən ghə ghaŋŋənə wû zə maŋ khə kə idzuu mɔ Zə̀ kə n ndzəm fuu ghə n daʼa kə ə.

1 Kɔrint 4:19 ပူးပေါင်းရင်းမြစ်များ

Kəfwaʼ 18:21

A n kee bə tə dza i nuu, tə n dza tə ghə nə̀, “Mə i kəm bəghə dzəŋŋənu ni bə koʼ ghaa abə Zə̀ kə bəghəmnə.” Tə n daŋŋə bə ney kɔʼ kəfən, zəghə tsu naʼ i Efesus.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 20:2

Pɔl n bwey tsəghə bə naʼa tey tədzəm n mboʼo tii, kuu fə̀ŋ tə dzûmə tə Klisto tey fu n ghɔɔmə i wi, ndow daŋŋə n Gris.

Roma 15:32

Ghaa gɔŋŋə sey, sey nə̀ Zə̀ kə ghəŋə nə̀ n bə n səə ghaa nə iduʼlə, n zayyə daŋŋə soʼo n fəŋŋə kə ghaa abə n bənə.

1 Kɔrint 11:34

Wù wey dzəŋ zabənə wi, wù tii n zə̂ tən kɔʼ n ndaw wi, sey nə̀ kə Zə̀ kə nə chɔdlɔnə ghə a dza ghə ka ləmə waazə ghə. N khənu nə̀ ghəə a loʼ a loʼnu n ka kam mɔm, a tii ghə, abə mə i bənə, mə i tiilə dza may bə tə̀ ghaa.

1 Kɔrint 14:5

I mə loʼ ni doʼo ghə i dzuŋu zə abə ghaa adzəm, ghaa mə loʼnə ni ghɔɔmə lii tə təghɔɔmə tə, a kee dzɔb tsəghəshi abə ghaa mə loʼ ni naʼa tûm Kəzə̀. I loʼ nə̀, wù wey tə naʼlənə tûm Kəzə̀ n dzəŋi kə dzûmə tə Klisto tsəghəshi wù wey tə ghɔɔmənə n lii tə təghɔɔmə, a may kə nə̀ wù loʼ loʼnu fuu tə loʼnə ni tɔʼ tiilə dza lii tə təghɔɔmə tən n dzəŋi kə dzûmə tə Klisto ni ghəŋə nə̀ bəghəm i fə̀ŋ i ghə zə i taw.

1 Kɔrint 16:5

Mə i bəghə kə n səə ghaa nə̀ mə n ndow taa dzə n Masedonya, n təŋkey, n moʼlə ni tsəghə jii fu n Masedonya.

1 Kɔrint 16:7

Zuŋ key n ləghə way ni bə koʼ ghaa nya nə̀ n tsəghə daŋŋənu loʼ nə̀, n khə imoʼlə ni bə ndəŋ doʼo kəŋə bə ghi ghaa abə Mûkəbii kpaʼi bəghəmnə.

1 Kɔrint 2:6

Abə n loʼnə n fəŋŋə kə dzûmə tə Klisto tey tə loʼ nə̀ tə n beyyə n bəghəm i fə̀ŋ i ghə, mə n naʼlə tûm tə̀ ghə n tɔb wən Zə̀ kə fuunə. N kee naʼlə dzə way tûm tə̀ ghə n tɔb wən a khənə ghə̂ ghən ghə muunə fa n mbi nkee ghə̂ ghən ghə saʼanə mbi zən. Ghə̂ a mbi ghən loʼ nə̀ daʼa u ghə u nya may bənu.

1 Kɔrint 4:18

Ghə̂ a loʼ ghə n fəŋŋə kə ghaa â moʼlə kə nə̀ mə i kəm bə way n fəŋŋə kə ghaa, sey, ghə u kaʼ ndow ni ghaŋŋə iwû.

1 Kɔrint 4:6

Waazə ghə, n ney kɔʼɔ wû wuŋ ghi Apolos tə a loʼ ghə̂ ghey ghə moʼo dii bənə ghəə ghə tə̀ ghaa, sey nə̀, ghaa i loʼ ni koʼ ney kɔʼ n wɔ ghey ghəə zey i diinə nə̀, “Wə khə way ni ghəŋə ghə i loʼ zə nə̀ i ka tɔ̀ɔ doʼo n màʼlə K-a-zə̀.” Sey, wù ghaa u loʼ u khə way ni ghaŋŋə wû wə nə̀ n dzûmə wù wən, kee koʼo kii u loʼ wey.

2 Kɔrint 1:23

Zə̀ kə loʼ ni təmi tiilə bòʼ mə nə̀ n dza isəŋə nə̀ ghəə zey mə â doʼonə nə̀ n ka kəm bə n Kɔrint, â loʼ n təŋkey mə̀ â ləghə way ni tɔɔbə n kow ghaa.

2 Kɔrint 10:9

N ləghə dzə way nə̀ i doʼo tə̀ n bəmi bə ghaa n màʼlə wən n tɔ̀ɔ bənə.

Hibru 6:3

Abə Zə̀ kə bəghəmnə, saa loʼnu ni zoʼlə aghəə nə̀ ghə n tsəghəshi a ghən.

Jems 4:15

Ghaa mə khə ni dza nə̀, “Abə Mûkəbii kpaʼi bəghəmnə, ghey i muu, ghey ghəŋə ndow ghə i zən nkee i zey.”