1 Kɔrint 4:15 - Kaa n Kəzə̀ n fəghə mə

¹⁵ Abə ghaa bùʼ khə kənə ghə̂ ghə tə a loʼ təkam ighəm ghə dəŋənə ghaa nə̀ ghaa i loʼ nə kəfə kəmɔʼ ghi Klisto, ghaa khə kə bày umɔʼ. A may kə mə, mə â doʼo bə tə̀ a loʼ bày ghaa n təŋkey, ghaa â doʼo bə nə kəfə kəmɔʼ ghi Klisto nə̀ à loʼ mə n ney bənə tûm i dzuŋu zə tə̀ ghaa.

1 Kɔrint 4:15 ပူးပေါင်းရင်းမြစ်များ

Roma 15:20

Dey zuŋ zə â loʼ ni naʼa ndow tûm i dzuŋu zən boʼ Klisto n luʼu tey wù loʼ ka kam naʼa koʼ tsə fuu, sey nə̀, kə n nə bəghənə n tsə kə ndaw nə̀ à səd naŋa wù nuu.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 15:1

Waazə ghə, n dza i zəŋŋə bə ghaa n tûm i dzuŋu zən mə â naʼlə tə̀ ghaa, ghaa n ney naŋa tsu, ghaa u təmi taw tsunə tii n bəghəm i fə̀ŋ i ghaa.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 3:6

À loʼ mə, mə â zəghənə ndzoʼ tə tii tə, Apolos n vəələ tsu. Â kee loʼ Kəzə̀ kə â ghəŋə nə̀ tə nyim.

1 Kɔrint 3:8

Wù wey tə zəghənə ndzoʼ tə loʼ ighələ ghi wù wey tə vəələnə. Sey Zə̀ kə i tsəə kə kay wù n fwaʼ key tə fwaʼanə.

1 Kɔrint 9:12

Abə i kpiinə tə ghə̂ a loʼ ghə ni keeli igaamə n wɔ ghaa, ghaa moʼlə nə̀ i ka kpii tə̀ ghey ni mbɔŋ keeli igaamə n wɔ ghaa buʼ tsəghəshi ghə̂ a loʼ ghey ə? Ghey a ka kee dəm dzə ni teeli ney fə wey wə â kpiinə tə̀ ghey ni ney n wɔ ghaa nghee â tsəm loʼ kənə buʼ kə ghey kə ni ney. Ghey â fəd bəghəm ni fəghə n nəŋə ghey sey nə̀ kə ghey nə təʼlə maʼanə tûm i dzuŋu zən ghey naʼlənə kuum Klisto.

1 Kɔrint 9:14

À loʼ soʼo ighələ, Mûkəbii dzanə nə̀ ghə̂ ghey ghə naʼlə tûm i dzuŋu zə, khə ni zəə soʼo n bam i tûm i dzuŋu zən ghə naʼlənə.

1 Kɔrint 9:16

I loʼ nə̀, n khə way ni tsɔbə fə̀ŋ abə n naʼlənə tûm i dzuŋu zə n təŋkey n khə ni naʼa tûm i tii zə. Mə i keeli ngoʼ abə n ka naʼa tûm i dzuŋu zən.

1 Kɔrint 9:18

Naamə kuŋ kə baa loʼ kee n fwaʼ kən n fwaʼanə ə? Naamə kuŋ kə loʼ ni naʼlə tûm i dzuŋu zə nə̀ kənunu, bəbə way fə kə tii. À wey loʼ ghə i tii zə n ney way fə key kə kpiinə tə̀ mə ni ney tə a loʼ wù wey tə naʼlənə tûm i dzuŋu zə.

1 Kɔrint 9:23

Zuŋ key n ghəŋŋənə ghəə ghən adzəm loʼ nə̀ tûm i dzuŋu zə i zam ndow, sey nə̀, mə i mbɔŋ keeli soʼo ibuulə tii.

2 Kɔrint 4:5

Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

Galeshia 3:24

Sey, à saa â keyyə kɔʼ bə kəlaŋ ni bə kùm n nəŋə zey Klisto â bənə tii. Zə â loʼ sey ni ghəŋə tsu nə saa doʼo tsətsəghə n sə K-a-zə̀ n bam i bəghəm i fə̀ŋ.

Galeshia 3:25

Nya wən bəghəm i fə̀ŋ n kow Klisto i bə dzə nə̀, à kəm way dzə kəlaŋ kə keyyənə saa.

Galeshia 4:19

Waa ghuŋ a dzuŋu ghə! Fɔɔbə zey n zownə nya bòʼ ghaa, loʼ tə a loʼ fɔɔbə zey weyzən zownə abə tə sòʼonə waa. Mə i zow fɔɔbə i tii zə ni ndow kùm n nəŋə zey mə i koʼ bə nə̀ muu i ghaa i nya loʼ tə a loʼ muu i Klisto.

2 Timoti 4:3

N dza sey n təŋkey nəŋə zə i bəghənu ghə̂ ghə i ləghə way ni zəllə ghɔɔmə i Kəzə̀ zən i loʼnə isəŋə, ghə i fədlə dzûmə ndow ghəə ghən fə̀ŋ tə ghə tə ləghənə. Ghə i tɔŋɔ zuŋŋə bə n səə ghə, ghə̂ a dii ghey ghə diinə ghəə ghey tuŋŋə u ghə u ləghənə ni zow.

Taytus 1:4

N tɔ̀ɔ bə màʼlə kən tə̀ wɔ a Taytus, wə ndzəm loʼnə tə̀ a loʼ waa wuŋ u səŋi wə n təŋkey saa dzəŋi bəghəm tə̀ Klisto. N gɔŋŋə nə̀ Zə̀ kə, tə loʼ Bày nsə Yeso Klisto, tə loʼ Bəghəshi saa, dii wɔ n fə̀ŋ i dzuŋu zə, ghə fuu soʼo wɔ n buulə zə.

Filemun 1:19

À tɔ̀ɔ tsu mə Pɔl n wɔ kuŋ kə nə̀ mə i tsəə dzəŋŋənu wɔ. N khə dzə way ni zə̀ŋŋə wɔ nə a loʼ mə, mə â ghəŋənə wɔ nə wə doʼo dzûmə Klisto.

Jems 1:18

 tsəm kɔʼ Kəzə̀ nə saa doʼo bə waa a wi n bam i ghɔɔmə i wi zən i loʼnə isəŋə, sey nə̀, saa loʼ ni doʼo ghə̂ ghey ghə tsəghəshinə fə wən tə bɔmnə fa n mbi udzəm.

1 Pita 1:23

N dza sey n təŋkey n bam i ghɔɔmə i Kəzə̀ zən i fuunə muu zə, i loʼ soʼonə nəŋə tədzəm, ghə n ji kuulə ghaa tə a loʼ waa a wù wey tə kpuu way, nə̀ à way dzə tə a loʼ waa a wù sɔŋtsuʼ wey tə loʼ nə̀ tə kpuunu.