1 Kɔrint 4:14 - Kaa n Kəzə̀ n fəghə mə

¹⁴ N ka ghəə ghən tɔ̀ɔ bə dzə ni dədlə tow kə ghaa, a fəd loʼ ni tsə̀ naŋa bə ghaa tə̀ a loʼ waa ghuŋ ghən n ləghənə.

1 Kɔrint 4:14 ပူးပေါင်းရင်းမြစ်များ

Kəfwaʼ 20:31

Ney na ghə̂mə zə, ghaa i moʼlə tsu nghee tə n fəghə kɔʼ bənə tii nə tənum tətəghə n tsə tə nsə n tsuʼu tə nə̀ n tsəə kə ghaa.

1 Kɔrint 15:34

Fən nyi dzəŋŋə bə n na n tɔb n ghaa, ghaa buu naŋa ghəə a bəbə ghən ghaa ghəŋŋənə. Tə̀ mə, a ngii loʼ tow kə dədlə kə nə̀ ghə̂ a loʼ a loʼ n fəŋŋə kə ghaa nə ghə khə way Zə̀ kə.

1 Kɔrint 4:15

Abə ghaa bùʼ khə kənə ghə̂ ghə tə a loʼ təkam ighəm ghə dəŋənə ghaa nə̀ ghaa i loʼ nə kəfə kəmɔʼ ghi Klisto, ghaa khə kə bày umɔʼ. A may kə mə, mə â doʼo bə tə̀ a loʼ bày ghaa n təŋkey, ghaa â doʼo bə nə kəfə kəmɔʼ ghi Klisto nə̀ à loʼ mə n ney bənə tûm i dzuŋu zə tə̀ ghaa.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

1 Kɔrint 6:5

À wən ngii loʼ tow kə dədlə kə tə̀ ghaa! Abə à loʼnə nə̀ wù umɔʼ way n fəŋŋə kə ghaa dzûmə Klisto, tə khənə tɔb wə ni saʼ chɔd wey ghaa khənə n wû i ghaa.

1 Kɔrint 9:15

Mə â ka kee dəm dzə ni teeli ney fə wən wə â kpiinə tə̀ mə ni ney. N ghəə ghən tɔ̀ɔ bə dzə way nə̀ n moʼlə nə̀ ghaa i ghəŋŋə bə ghəə ghən tə̀ mə. Tə mə ni bəghəm nə̀ wù loʼ bə buu naŋa mə nə̀ n ka tsɔb fə̀ŋ n fə key n teynə tii, n baa kpu kə tii.

2 Kɔrint 11:11

À loʼ kee n ghɔɔmənə sa ə? À loʼ nə̀ n ləghə way ghaa ə? Ngaŋ! Zə̀ kə khənu nə̀ n ləghənu ghaa.

2 Kɔrint 12:19

Ghaa moʼlə nə̀ ghey ləghə ni bəghəshi wû i ghey n sə̂ kə ghaa n ghəə ghən adzəm ghey dzanə fa ə? À way dzə sey. Ghey dza isəŋə n sə K-a-zə̀ n jìi zey Klisto i ghəŋŋənə nə̀ ghey ghɔɔmə. Waazə ghuŋ a dzuŋu ghə, ghəə ghən adzəm ghey ghəŋŋənə loʼ ni bəghə kɔʼ bə bəghəm i fə̀ŋ i ghaa.

2 Kɔrint 7:3

N ghəə ghən dza dzə way ni dza nə̀ ghaa n ghəŋə bəəbə. Mə n buʼ dza tə̀ ghaa nə̀ ghaa loʼ n fə̀ŋ tə ghey n jìi zey abə saa muunə, saa dzəŋi muunu, nə̀ saa kpuunu, saa dzəŋi kpu soʼonu.

Kolose 1:28

Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

1 Tesalonika 2:11

Ghaa khənu nə̀ ghey muu ghi ghaa tə̀ bày waa nə̂ muunə ghi waa a wi ghə.

1 Tesalonika 5:14

Ghey buʼu kəwɔɔ a waazə ghə nə̀ ghaa i kpaa tsu ghə̂ ghey ghə ləghə way ni fwaʼ, tsəmmə ndow a ghey ghə tsəŋənə, gaamə ghə̂ ghey ghə ka kam tɔʼ beyyə n bəghəm i fə̀ŋ i ghə, kow fə̀ŋ ghi ghə̂ ghə adzəm.

2 Tesalonika 3:14

Ney na ghə̂mə zə ghi ghə̂ ghey ghə tuu ni naŋa ghəə ghən ghey tɔ̀ɔ bənə n maʼlə kən. Kə ghaa i təmə dzəŋi ghi ghə, sey nə̀ ghə keeli tow kə dədlə kə.

Filemun 1:10

N buʼu bə kəwɔɔ tə wɔ n tow kə Onesimus tə loʼnə waa wuŋ n ndaw Kəzə̀. Mə â doʼo bə bày wi nə n loʼ fa n ndaw tsaʼ.

1 Jɔn 2:1

Waa ghuŋ a dzuŋu ghə, n tɔ̀ɔ bə ghəə ghən tə ghaa nə̀ kə ghaa nə ghəŋŋə ghə i bəbə zə. Sey nə̀, abə wù ghaa u loʼ u kpaʼi ghəŋə ghə i bəbə zə, saa khə wù loʼ tə buʼunə wɔɔ kə n wɔ Bày n tow u saa tɔŋɔ Yeso Klisto, tə loʼnə wù wey tə loʼnə tsətsəghə.

3 Jɔn 1:4

Ghə i loʼ i way i fuu mə n duʼlə zə tsəghəshi ni zow nə̀ waa ghuŋ a muu nə isəŋə.