1 Kɔrint 16:22 - Kaa n Kəzə̀ n fəghə mə

²² Ngoʼ loʼ n kôw wù wey tə ləghə way Mûkəbii. Bəghə a Mûkəbii ghey!

1 Kɔrint 16:22 ပူးပေါင်းရင်းမြစ်များ

Matyo 10:37

Wù wey tə ləghənə bày wi nkee này wi tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ. Tə wey tə ləghənə waa wi ù nûm wə̀ nkee ù zən wə̀ tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ.

Tùm i dzuŋu zə kuum Yeso Klisto tə Jɔn â tɔɔnə 14:15

Yeso n nam dza ndow tə̀ ngəd tə wi tə nə̀, “Abə ghaa ləghənə mə, ghaa khə ni naŋŋə laŋ wuŋ wə.

Tùm i dzuŋu zə kuum Yeso Klisto tə Jɔn â tɔɔnə 14:21

Wù wey tə zow laŋ wuŋ wə, bɔɔmə bwey ndow tii, a wey loʼ wù wey tə baa ləghənə mə. Wù wey tə ləghənə mə, Bày wuŋ i ləghənu wi, mə i ləghə soʼo wi, n dii bə soʼo wû wuŋ tə wù tii.”

Tùm i dzuŋu zə kuum Yeso Klisto tə Jɔn â tɔɔnə 14:23

Yeso n beeli ndow wi nə̀, “Abə wù ləghənə mə, tə khə ni naŋŋə ghɔɔmə zuŋ zə, Bày wuŋ i ləghə soʼo wi, mə ghi Bày wuŋ i bə muu dzəŋi bə ghi wi.

Tùm i dzuŋu zə kuum Yeso Klisto tə Jɔn â tɔɔnə 15:24

Abə a mə loʼ nə̀ ghə â ka koʼ fwaʼ key mə â fwaʼnə n fəŋŋə kə ghə nə̀ wù loʼ ka kam fwaʼ koʼ tsə, a mə loʼ nə̀ ghə ka kam ghəŋə bəəbə dzə ghə i loʼ zə. A sə fa loʼ kə nə̀ ghə n koʼ, ghə a nam ndow kə n sə kə ni bàa mə ghi Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 16:14

Zay kə Zow kə nə ghəŋə nə̀ n keeli nkɔʼlə, n təŋkey, tə nə ney kɔʼɔ ghɔɔmə zuŋ tə tiilə dza bə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 8:42

Yeso n dza ndòw tə̀ ghə nə̀, “Abə Zə̀ kə mə ndzəm loʼnə bày ghaa, ghaa mə ləghə mə, n təŋkey, n nuu bə n səə Zə̀ kə, n ka bə dzə n ngəŋ zuŋ, a mə tûm bə Kəzə̀.

Kəfwaʼ 23:14

Ghə n ndow koʼ ndow ghə fɔɔngili a nii ghə nsə ngəd tə inaʼ tə, dza tə ghə nə̀, “Ghey n zə̂ kaa mə nə ghey i gaʼ way fə kə nə idzuu nə ghey ka wey tsu dzə Pɔl.

Roma 9:3

N dza sey n təŋkey, abə a mə loʼ kə tə̀ mə, mə bəghəm nə̀ Zə̀ kə tsɔɔmə mə, kə dzawwə nuu shi bə mə ghi Klisto abə i loʼ dzə ni gaamə waazə ghuŋ ghən ghə ghə tuunə ni dzûmə Kəzə̀ nə̀ ghi ghə dzəŋi shinə nə inaʼ imɔʼ.

1 Kɔrint 12:3

N ləghə nə̀ ghaa keeli tsu nə̀, wù loʼ way dzə abə tə ghɔɔmənə n daʼa key Zə̀ kə fuunə tə̀ wi, tə loʼnə ni dza tsu nə̀, “Yeso i koʼo kəbaŋ kaʼ.” Wù loʼ way soʼo tə loʼnə ni dza nə̀, “Yeso loʼ Mûkəbii.” Nə̀ a way Zay kə Zow kə, kə ghəŋə nə̀ tə dza sey.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Efesus 6:24

N gɔŋŋə nə̀ ndzuŋ ə Kəzə̀ i loʼ ghi ghə̂ ghən adzəm ghə ləghənə Mûkəbii ə saa Yeso Klisto n fə̀ŋ tə ghə tə tədzəm.

Filipi 4:5

Ghaa khə ni dii ndow tə̀ ghə̂ ghə adzəm nə̀ ghaa zuŋ loʼnu n mwam u ghaa, tənkey, nəŋə i Mûkəbii i fənə bə zə n shɔd.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

1 Pita 1:8

Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.

1 Pita 2:7

Tay zən loʼ tay i səŋi zə tə ghaa ghey ghaa bəghəm fuunə tə Klisto. A kee bə ghə̂ ghey ghə ka bəghəm fuu, i tɔ̀ɔ doʼo n màʼlə K-a-zə̀ nə̀, “Tay i mɔʼɔ zey ghə̂ a bəghə a təndaw ghə â tuu maʼanə nə̀ i way kəfə, N kəm bə doʼo tay i səŋi zə tsəghəshi atay adzəm.”

1 Jɔn 4:19

Saa khə iləghə n wû i saa nsə tə Zə̀ kə, n təŋkey, Zə̀ kə a khə ləghə zey bə saa isə.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

Chi dii 22:20

Wù wey tə tiilə dza bənə ghəə ghən, dza nə̀, “Ndzəm ndzəm! Mə i kuʼlə bəghənu!” Zə i loʼ kə sey. Bəghə a Mûkəbii Yeso!