1 Kɔrint 16:18 - Kaa n Kəzə̀ n fəghə mə

¹⁸ Ghə n kuu soʼo fə̀ŋ zuŋ ighələ tə̀ ghə kuunə fə̀ŋ tə ghaa tə. I ndzəm kpiinu ni fuu ndzoʼo ghə̂ ghən n kɔʼləmə.

1 Kɔrint 16:18 ပူးပေါင်းရင်းမြစ်များ

Roma 15:32

Ghaa gɔŋŋə sey, sey nə̀ Zə̀ kə ghəŋə nə̀ n bə n səə ghaa nə iduʼlə, n zayyə daŋŋə soʼo n fəŋŋə kə ghaa abə n bənə.

2 Kɔrint 7:13

Sey, a wən loʼ fə key kə tsəmmənə ghey n fə̀ŋ. Ghəə zey zə â kuu soʼonə fə̀ŋ tə ghey tə â loʼ nə̀, Taytus â ngii duʼlənu n jìi zey ghaa â kpii neynə wi tii, sey ghaa n ghəŋə nə̀ fə̀ŋ ə wi tsu kay tsu.

Kolose 4:8

Zuŋ key n tûm bənə wi tə ghaa loʼ nə tə bə kuu bə fə̀ŋ tə ghaa n fwaʼ kə ghaa, tə tiilə dza bə soʼo tə ghaa nghee ghey loʼnə fa tii.

1 Tesalonika 5:12

Ghey buʼu bə kəwɔɔ a waazə ghə nə̀ ghaa fuu ingɔɔmə tə ghə̂ ghey ghə fwaʼanə n fəŋŋə kə ghaa. Ghə tsə̀ə ghaa dii soʼo ghaa n jìi zey Zə̀ kə ləghənə nə̀ ghaa muu tii.

Filemun 1:20

N waazə, n buʼu bə kəwɔɔ tə wɔ n zəd i Mûkəbii nə̀ wə fuu mə n gaamə zən. Wɔ, tə a loʼ wù wən tə loʼnə nə kəfə kəmɔʼ ghi Klisto, ghəŋə nə̀ fə̀ŋ zuŋ i zow dzɔbə.

Filemun 1:7

N waazə, n ngii duʼlənu, fə̀ŋ zuŋ u zow soʼo n ndzoʼo ləghə zey wə diinə tə ghə̂ a Kəzə̀ ghə. Ləghə zey wə diinə n kuu fə̀ŋ tə ghə̂ a Kəzə̀ ghə adzəm.

Hibru 13:7

Kə ghaa nə neyzəənə ghə̂ ghey ghə â diinə ghaa n jìi, tɔŋŋə ghə̂ ghən ghə a khəənə ghəə a Kəzə̀ ghə tə̀ ghaa. Moʼlə tsuu n na jìi zey ghə â muunə tii, ghaa dzûmə ndow ghow kə ibwey kə ghə n bəghəm i fə̀ŋ zey ghə â khənə n kow Zə̀ kə.

3 Jɔn 1:4

Ghə i loʼ i way i fuu mə n duʼlə zə tsəghəshi ni zow nə̀ waa ghuŋ a muu nə isəŋə.