1 Kɔrint 16:15 - Kaa n Kəzə̀ n fəghə mə

¹⁵ Waazə ghə, ghaa khənu nə̀ Stefanas ghi ghə̂ ghey n ndaw wi â loʼ ghə̂ a sə isə ghə ni fəd doʼo bə dzûmə tə Klisto n mboʼo Akaya. Ghə a fuu may ndownə wû i ghə zə ni fwaʼa tə̀ ghə̂ a Kəzə̀ ghə.

1 Kɔrint 16:15 ပူးပေါင်းရင်းမြစ်များ

Kəfwaʼ 18:12

A n kee bə nghee ghə naŋa kɔʼnə Galio tə aloʼ gɔvənɔ n mboʼo Akaya, ghə̂ a Təjuu ghey fu n Kɔrint n zuŋŋə kɔʼ, kwu kɔʼ Pɔl, ghəŋŋə nə̀ ghə ney ndow wi n ndaw tsə nə̀ ghə saʼ wi.

Roma 12:13

Ghaa khə ni buu n wɔɔ kə ni fuu ndow tə dzûmə tə Klisto tey tə laʼanə fə kə n fəŋŋə kə ghaa. Fuʼu n təndaw n ghaa n khə ni loʼ tən kə təghə tə̀ ghə̂ ghən ghə bwey bəghənə.

Roma 15:25

Nyisa wən, n loʼ n jii n ndownə n Yerosalem ni ndow fuu igaamə tə̀ ghə̂ a Kəzə̀ ghey fu.

Roma 15:31

Ghaa gɔŋŋə nə̀ Zə̀ kə bəghəshi mə n wɔɔ kə ghə̂ a Judeya ghən ghə khə way bəghəm i fə̀ŋ zə. Ghaa gɔŋŋə soʼo nə̀ ghə̂ a Kəzə̀ ghey fu, ghə i loʼ ni bəghəm fə wən n ndownə n ghii wə ni fuu tə ghə, ghə bəghəm soʼo fwaʼ kuŋ.

Roma 16:2

N dza nə̀ abə tə i bənə n səə ghaa, ghaa kpiiney wi n zəd i Mûkəbii n jii zey ghə̂ a Kəzə̀ a ghəŋŋənə tii. Ghaa fu wi n gaamə zey tə ləghənə n təŋkey, tə n gaamə ndəmə aghə̂, gaamə soʼo mə.

Roma 16:5

Tɔŋɔ zow ndow n na dzûmə tə Klisto tey tə nyiənə n ndaw ghə. Ghaa tɔŋɔ zow ndow soʼo wù fə wuŋ u dzuŋu wə tɔŋɔ Epenetus. Â loʼ wi wù sə̂ isə̂ n mboʼo Eshya ni bəghəm tə Klisto.

1 Kɔrint 1:16

N moʼlə soʼonu nə̀ n mâ fuu soʼo mmuu n Kəzə̀ mə tə̀ ghə̂ ghey n ndaw Stefanas. À may kə ghə̂ ghən n taŋŋə tsunə fa, mə â fuunə ghə n mmuu n Kəzə̀ mə, n moʼo nə̀ wù loʼ kəm way dzə.

1 Kɔrint 16:1

Nyisa, n ləghə ni ghɔɔmə bòʼ ghəə ghən ghaa â tɔ̀ɔ bəb bənə bòʼ khəə wey ghaa â zuŋŋənə ni fuu tə̀ dzûmə tə Klisto tey n naʼ i Yerosalem. Ghaa khə ni bɔɔmə dzûmə ndow ghəə ghey mə â dzanə tə̀ dzəŋi u dzûmə tə Klisto wə n naʼ i Galeshya.

1 Kɔrint 16:17

N ngii duʼlənu nghee Stefanas, Fɔchunatus nsə Akaykus bənə fa, n təŋkey, ghə n mə fa ngii gaamə nghee ghaa â way fa.

2 Kɔrint 8:4

Ghə n buʼu bə kəwɔɔ tə̀ ghey n fə̀ŋ tə ghə tə tədzəm nə̀ ghey mə fuu ghə n buʼ kə nə̀ ghə təmdzəŋi ni gaamə dzûmə tə Klisto tey n mbuʼu Judeya.

2 Kɔrint 9:1

N khənu nə̀ zuŋ kə ighəə kə loʼ kə way dzə tə̀ mə ni tɔ̀ɔ zeeli kəmàʼlə tə̀ ghaa bòʼ gaamə zey ghaa dza i fuu tə̀ dzûmə tə Klisto tey n Judeya.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

Filemun 1:7

N waazə, n ngii duʼlənu, fə̀ŋ zuŋ u zow soʼo n ndzoʼo ləghə zey wə diinə tə ghə̂ a Kəzə̀ ghə. Ləghə zey wə diinə n kuu fə̀ŋ tə ghə̂ a Kəzə̀ ghə adzəm.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

1 Pita 4:10

Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.

Chi dii 14:4

À wən loʼ ghə̂ ghən ghə â ka dzəələ wû i ghə ghi gheyzən ghə, boʼnə ghə â doʼo tən kə nə̀ ghə ka nyəŋi koʼ ghi weyzən. Ghə n dzûmə Waa Nji zey n luʼu tey tədzəm tə ndownə. Ghə loʼ ghə̂ ghən ghə bəghəshi bənə ghə n wɔɔ kə wù sɔŋtsuʼ. Ghə loʼ fə u sə isə wən u fən bə nə usum, saa fuu ndownə tə̀ Zə̀ kə nsə tə̀ Waa Nji.