1 Kɔrint 15:52 - Kaa n Kəzə̀ n fəghə mə

⁵² Tə wù ni chi asə̂, à nə loʼ nə̀ ghəə a tii ghə n ney tsəghə bənə kə. I loʼ sey n təŋkey, n nəŋə zey sɔŋ i Kəzə̀ zə i fuŋ nyi ndownə, Zə̀ kə i zhəm nuu dzəŋŋə bə dzûmə tə Klisto tən tə kpu dzənə, ghə i keeli bə wû i fəghə zə, saa ghən a nam loʼnə utaw, Zə̀ kə i kwey nuu bə soʼo wû i saa.

1 Kɔrint 15:52 ပူးပေါင်းရင်းမြစ်များ

Matyo 24:31

Ghə i daŋŋə zow mbwule i fuŋunə, tə i tûm shi ndòw tsətəndəghə tə Kəzə̀ n badla tə mbi tən n təkaykə, ghə i zuŋŋə naŋa bə ghə̂ a wi ghən tə sàynə n luʼu tədzəm fa mbi.”

Tùm i dzuŋu zə kuum Yeso Klisto tə Jɔn â tɔɔnə 5:25

N dza bə isəŋə tə̀ ghaa nə̀ nəŋə i bəghənu, nəŋə i tii zə n buʼ kpi. Ghə̂ a kpuu a nə̂ zow dzə̂ ə Waa Kəzə̀, a ghey ghə nə zownə, bəghəm ghə i tii zə, ghə nə keeli bə imuu.

Tùm i dzuŋu zə kuum Yeso Klisto tə Jɔn â tɔɔnə 5:28

Kə̂ dzuu i nə zumnə ghaa n ghɔɔmə zən, n təŋkey, nəŋə i bəghənu ghə̂ a kpuu ghey nə təsay a nə̂ zownə dzə̂ ə Waa Kəzə̀.

1 Kɔrint 15:23

A kee loʼ nə̀ kay wù i zhəm dzəŋŋə bə kə nə ivə nə ulii. Klisto â loʼ wù sə̂ isə wə ni zhəm dzəŋŋə bə nə ivə. Abə Klisto i bəghə dzəŋŋənə fa n mbi, ghə̂ ghən adzəm ghə loʼ nə̀ a loʼ ghə̂ a wi, ghə nə zhəm dzəŋŋə bə soʼo nə ivə.

1 Kɔrint 15:42

À wən bɔɔmə loʼ tə zə i loʼnə tii abə Zə̀ kə i zhəm dzəŋŋə bənə ghə̂ ghə nə ivə. Abə ghə tsəllə tsunə vən i wù zə, tə fwaynu, abə Zə̀ kə i kee zhəm nuu dzəŋŋə bənə ghə̂ ghə nə ivə, ghə nə kəm fway way.

1 Kɔrint 15:50

Waazə ghə, ghəə zey n dzanə i loʼ nə̀, wû u wù sɔŋtsuʼ u way dzə ni nyi n fɔ̀ɔ u Kəzə̀. Gow uwû zən i fwaynə, way dzə ni nyi n fɔɔ u Kəzə̀ wən fə u fway way fu.

1 Tesalonika 4:15

Ghəə a ghən ghey dii bənə tə ghaa nyisa ndzəm loʼ ghɔɔmə i Mûkəbii. I loʼ nə, saa ghən saa i loʼnə utaw n tsuʼ fey Mûkəbii i bəghənə, saa i nuu dzə way isə̂ tə ghə̂ ghey ghə kpuu dzənə.

2 Pita 3:10

A kee loʼ soʼo nə̀ tsuʼ fey Mûkəbii i bəghənə tii, wù loʼ i keeli naŋa way. Tə i bəghə nə̀ ghaa ka keeli naŋa tə̀ wù tsɔŋɔ nə bəghə nə̀ ghaa ka keeli. N tsuʼ fə tii fə, dəm kə nə kwɔɔ nghee dəŋ kə saŋa nuulə nyiə ndownə. Zə̀ kə nə ləŋi maʼa fə wən udzəm u loʼnə idəŋ nə uvələ. Ghəlikətsə nsə fə wən udzəm u loʼnə tii i saŋ nuu tsu.

Chi dii 8:13

Mə n laalə ndow, mə n zow ndow boʼo tûm i zəʼlə kaabə idəŋ idəŋ, zə n dey shi bə n dzə̂ i taw zə nə̀, “Ohooo! Ohooo! Ngoʼ i faalə i bəghənu tə ghə̂ ghən fa a ghəlitsə bòʼ ghəə zən zə i shiənə abə tsətəndəghə tə Kəzə̀ tən tətəghə i tɔŋɔnə sɔŋ tə ghə tə.”

Chi dii 8:2

Mə n daŋŋə koʼ ndow tsətəndəghə tə Kəzə̀ tə tii tə təsəghəmbəghə tə tey n səə Kəzə̀, ghə n fuu ndow ghə n sɔŋ tə təsəghəmbəghə.