1 Kɔrint 15:34 - Kaa n Kəzə̀ n fəghə mə

³⁴ Fən nyi dzəŋŋə bə n na n tɔb n ghaa, ghaa buu naŋa ghəə a bəbə ghən ghaa ghəŋŋənə. Tə̀ mə, a ngii loʼ tow kə dədlə kə nə̀ ghə̂ a loʼ a loʼ n fəŋŋə kə ghaa nə ghə khə way Zə̀ kə.

1 Kɔrint 15:34 ပူးပေါင်းရင်းမြစ်များ

Matyo 22:29

Yeso n beeli ndòw ghə nə̀, “Ghaa n nyəŋ laʼ ni bəghəm nə̀ zhəm dzəŋŋə zə ivə i way n təŋkey, ghaa khə way ghəə zey ghɔɔmə i Kəzə̀ i diinə, ghaa khə soʼo way daʼa K-a-zə̀ kə.

Tùm i dzuŋu zə kuum Yeso Klisto tə Jɔn â tɔɔnə 5:14

Yeso n kəm koʼ tsu wù tii n Ndaw Kəzə̀ i nii zey n Yerosalem, dza ndòw tə̀ wi nə̀, “Koʼo, nya wən wə taw doʼo bənə, kə wə nə̀ kəm ghəŋŋənə ghəə a bəbə ghə, kə̂ ghəə i loʼ zə i bəb tsəghəshinə i zən i nə̂ shiənə n kow wɔ.”

Tùm i dzuŋu zə kuum Yeso Klisto tə Jɔn â tɔɔnə 8:11

Weyzən wey n beeli ndòw wi nə̀, “Ngaŋ! Mûkəbii, wù loʼ ka doʼo səə dzə.” Yeso n dza ndòw tə̀ wi nə̀, “Mə soʼo n way ni dza sey. Nuu ndòw i zə zə̀, kə wə nə̂ kee kəm ghəŋŋə ghəə a bəbə ghə.”]

Kəfwaʼ 26:8

A loʼ kee i tawnə tə ghaa ghən ghaa loʼnə fa, ni bəghəm nə Zə̀ kə loʼnu ni zhəm nuu dzəŋŋə bə wù nə ivə?

Roma 1:28

Nghee ghə kii maʼanə ghəə a Kəzə̀ ghə, Zə̀ kə n zəghə maʼa ghə nə̀ ghə i ghəŋŋə ndow ghəə ghə n jii zey moʼlə tə ghə tə bɔɔ doʼonə tii. À wey loʼ ghə i tii zə ghə ghəŋŋənə ghəə ghey a ka kpii tə̀ wù ni ghəŋə.

Roma 13:11

Ghaa khə ni dii ndow ləghə zə n təŋkey, ghaa khənu nə̀ nəŋə zə n shɔd tə ghaa ni zhəm nuu bə nə təmbweeli. N dza sey n təŋkey, nəŋə zey Zə̀ kə i bəghəshiənə saa tii, zə n kuʼlə nya tsəghəshi n nəŋə zey saa bùʼ bəghəmnə tii tə̀ Yeso Klisto.

1 Kɔrint 4:14

N ka ghəə ghən tɔ̀ɔ bə dzə ni dədlə tow kə ghaa, a fəd loʼ ni tsə̀ naŋa bə ghaa tə̀ a loʼ waa ghuŋ ghən n ləghənə.

1 Kɔrint 6:5

À wən ngii loʼ tow kə dədlə kə tə̀ ghaa! Abə à loʼnə nə̀ wù umɔʼ way n fəŋŋə kə ghaa dzûmə Klisto, tə khənə tɔb wə ni saʼ chɔd wey ghaa khənə n wû i ghaa.

1 Kɔrint 8:7

À kee loʼ nə̀ à way dzə aghə̂ adzəm ghə khənə isəŋə zən. Ghə̂ a loʼ ghə n khəələ doʼo n ghəə ghə mmuʼu n jìi zey abə ghə zəənə fəzəə wey ghə fuunə tə a loʼ umaʼlə tə̀ muʼu mə, fə̀ŋ tə n fəmmə ghə, ghə sə loʼ nə̀ fə̀ŋ tə ghə tə ka kam tɔʼ beyyə n ghəə a Kəzə̀, ghə n moʼlə kə nə̀ ghə sey dzəələ dzə wû i ghə n sə K-a-zə̀.

Efesus 5:14

Kuum nə̀, a loʼ utsə u ghəŋŋənə nə̀ ghəə a doʼo bə n mgbaŋ. À wən loʼ ghə i tii zə ghə dzanə nə̀, “Nuu kɔʼ idəŋ, wɔ wən wə bweelinə, Zhəm nuu dzəŋŋə bə nə ivə. Tsə u Klisto wə i baŋa n kow wɔ.”

1 Tesalonika 4:5

Kə ghaa nə̂ muunə ni zhwɔdlɔ kaabə tsə tə̀ a loʼ nghee ghə̂ ghey ghə ka bəghəm tə̀ Zə̀ kə a ghəŋənə.