1 Kɔrint 15:20 - Kaa n Kəzə̀ n fəghə mə

²⁰ Isəŋə kee loʼ nə̀, Zə̀ kə mâ zhəm dzəŋŋə bə Klisto nə ivə, dii tsu nə̀ ghə̂ a kpu ghə i zhəm dzəŋŋə bə soʼonu nə ivə.

1 Kɔrint 15:20 ပူးပေါင်းရင်းမြစ်များ

Kəfwaʼ 2:24

Zə̀ kə n kee zhəm dzəŋŋə bə wi nə ivə, bəghəshi bə wi n wɔɔ kə ivə, n təŋkey, və zə â ndɔm way ni kwu naŋa wi.

Kəfwaʼ 26:23

Ghə â dza naŋa nə̀, ‘Wù wey Zə̀ kə â dza naŋa nə̀ i tûm bənu khə ni teeli bə fəghə, tə kpu tsu dzə, a loʼ soʼo wi ni doʼo wù sə̂ isə̂ ni zhəm dzəŋŋə nə ivə, sey tə i naʼlə bə tûm bòʼ ibəghəshi i loʼnə tə a loʼ kədaa tə ghə̂ a Təjuu nsə ghə̂ ghən ghə way ghə̂ a Təjuu ghə.’”

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

1 Kɔrint 15:23

A kee loʼ nə̀ kay wù i zhəm dzəŋŋə bə kə nə ivə nə ulii. Klisto â loʼ wù sə̂ isə wə ni zhəm dzəŋŋə bə nə ivə. Abə Klisto i bəghə dzəŋŋənə fa n mbi, ghə̂ ghən adzəm ghə loʼ nə̀ a loʼ ghə̂ a wi, ghə nə zhəm dzəŋŋə bə soʼo nə ivə.

1 Kɔrint 15:6

Ambə tsuʼu n loʼ n tsəghə tsunə, tə n kəm dii soʼo wû u wi tə̀ dzûmə tə wi tə nə̀ ghə dzəŋi doʼonu nə̀ ghə n tsəghəshi bɔm mə ntaa. Ndəmə dzûmə tə Klisto tən tə â diinə wû wə tə̀ ghə nam loʼnu utaw nya, a loʼ ghə a loʼ nə̀ ghə n kpu.

Kolose 1:18

Klisto loʼ tow kə dzəŋi kə dzûmə tə Klisto, i loʼnə wû u wi wə. À loʼ wi wù sə isə Zə̀ kə â zhəm dzəŋŋə bənə nə ivə ni ghəŋə nə̀ tə i loʼ tow kə nə aghəə adzəm.

1 Tesalonika 4:16

I loʼ sey n təŋkey, nəŋə zey Mûkəbii n wû u wi wə î tsu bə idəŋ, tə î naʼa tsu kəbɔŋ kə taw kə, tsəndəghə ə Kəzə̀ u nii wə i naʼa tsu soʼo kəbɔŋ, sɔŋ i Kəzə̀ zə i fuŋ tsu, sey dzûmə tə Klisto tən tə â kpu dzənə i zhəm dzəŋŋə bə isə̂ nə̀ ivə.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 14:13

Sey, mə n zow dzə̀ i loʼ zə idəŋ i ghɔɔmə nə̀, “Tɔ̀ɔ naŋa tsu nə̀, ni ney nuu tsu nya, ndow n sə kə, Zə̀ kə i buulə ghə̂ ghən ghə kpunə nə̀ ghə fwaʼa fwaʼ kə Mûkəbii!” Zay kə Zow kə dza nə̀, “Ndzəm ndzəm, ghə i keelinu zayyə zə n fwaʼ kə taw kən ghə fwaʼanə, n təŋkey, ghəə a dzuŋu ghey ghə ghəŋŋənə dii bə fə key ghə loʼnə ghii kə.”