1 Kɔrint 15:10 - Kaa n Kəzə̀ n fəghə mə

¹⁰ N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 15:10 ပူးပေါင်းရင်းမြစ်များ

Matyo 10:20

Ghɔɔmə i tii i nə way ghɔɔmə i ghaa, a i loʼ Zay kə Bày ghaa tə khəə shiə bənə ghəə ghə n kow ghaa.”

Matyo 25:16

Wù wey tə â khənə mbəghə wə ukhəə wə utaa n daŋŋə kaʼ ndòw ni ghəŋə bikiwən tii, keeli kpiʼi kɔʼ təbənə tii nə umbəghə utaa.

Roma 11:1

N bəbə nə̀, à loʼ nə̀ Zə̀ kə n tuu maʼa ghə̂ a wi ghə ə? Ngaŋ à way dzə sey. Wû wuŋ, n loʼ wù Izree, waa waa Abraham n sali ndaw i Benjamin.

Roma 12:3

Nghee tə̀ Zə̀ kə diinə mə n ndzuŋ ni fuu mə n daʼa kə, n dza bə tə ghaa adzəm nə̀, kə ghaa nə kɔʼlə naŋŋənə wû i ghaa zə tsəghəshiə nghee ghaa khə ni kɔʼlə tii, ghaa khə ni fəd ney ighə̂mə n ghəə ghey ghaa sàynə ni ghəŋə. Kay wù khə ni ghəŋŋə ndow ghəə ghə tə̀ Zə̀ kə fuunə wi n bəghəm i fə̀ŋ zə.

1 Kɔrint 15:11

Sey nə̀ a loʼ kə mə nkee ghə̂ a loʼ ghey a naʼa bənə tûm i dzuŋu zə tə̀ ghaa, ghə imɔʼ i loʼ nə̀, ghey dzəŋi naʼlə kə ghə i mɔʼɔ zə, bəghəm i fə̀ŋ i ghaa i fa bəghə doʼo kə n ghə i tii zə.

1 Kɔrint 15:2

À loʼ tûm i dzuŋu zən zə i ghəŋŋənə nə̀ Zə̀ kə bəghəshi ghaa abə ghaa tɔʼ kwu keeli tsu dzənə ghɔɔmə i Kəzə̀ zən mə â naʼanə tə̀ ghaa. Nə̀ à way sey, i sey dii nə̀ ghəə zey ghaa â bəghəmnə tii, ghaa â maŋ bəghəm nə kənunu.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 3:6

À loʼ mə, mə â zəghənə ndzoʼ tə tii tə, Apolos n vəələ tsu. Â kee loʼ Kəzə̀ kə â ghəŋə nə̀ tə nyim.

1 Kɔrint 4:7

À loʼ ndee tə ghəŋənə nə̀ ghaa a loʼ ghə i loʼ n nəŋ n fəŋŋə kə ghə̂ a loʼ ghey ə? À loʼ fə̂ kə ghaa kə ghaa keeli koʼ tsənə nə̀ à way Kəzə̀ kə fuunə tə̀ ghaa ə? Abə à loʼ nə̀ a loʼ Kəzə̀ kə fuunə fə̂ u tii wə udzəm tə̀ ghaa, a loʼ kee ghaa ghaŋŋənə wû zə tə a ka fuu wi fə u tii wə tə̀ ghaa ə?

2 Kɔrint 12:11

N loʼ wù laʼlə nə̀ a ghəŋə ghaa, kuumnə â loʼ ghaa ni kɔʼlə mə. N təŋkey abə i loʼ kənə nə̀ n way wù, n təbə dzə way n sə̂ kə ghə̂ a nii a ghaa ghey ghaa tɔŋŋə nə̀ a loʼ təngəd.

2 Kɔrint 3:5

Ghey dza dzə way nə̀ ghey kɔʼ kpiinu ni fwaʼ ghəə ghən n ngəŋ ə ghey, à loʼ Kəzə̀ kə fuunə ghey n daʼa kə tii kə.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Galeshia 2:8

 loʼ Zə̀ kə mɔʼɔ kə, kə â fuunə mə n daʼa kə nə n fwaʼ tə a loʼ ngəd tə Yeso tə ghə̂ ghən ghə way ghə̂ a Təjuu, ighələ tə̀ tə â fu nə tə Pita nə doʼo tsəndəghə ə Yeso tə ghə̂ a Təjuu ghə.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Filipi 4:13

N loʼnu ni ghəŋə aghəə adzəm n daʼa key Klisto fuunə tə̀ mə.

1 Tesalonika 5:12

Ghey buʼu bə kəwɔɔ a waazə ghə nə̀ ghaa fuu ingɔɔmə tə ghə̂ ghey ghə fwaʼanə n fəŋŋə kə ghaa. Ghə tsə̀ə ghaa dii soʼo ghaa n jìi zey Zə̀ kə ləghənə nə̀ ghaa muu tii.

1 Timoti 4:10

À wən loʼ zuŋ key saa fwaʼanə, dəmə soʼo ni keeli ghəə ghən, n təŋkey, saa gaʼ fə̀ŋ tə saa n kow Zə̀ kən kə loʼnə utaw, tə loʼnə bəghəshi tə ghə̂ ghə adzəm, a ka tsəm dza ghə̂ ghən ghə bəghəm fuunə tə wi.