1 Kɔrint 14:6 - Kaa n Kəzə̀ n fəghə mə

⁶ Waazə ghə, zə i gaamə ghaa n kee abə n bənə n səə ghaa, ghɔɔmə kə n lii tə təghɔɔmə, tə̀ Zay kə Zow kə fuu bənə, ka chi dii ghəə a Kəzə̀, ka tiilə dza tɔb u Kəzə̀, ka naʼa tûm Kəzə̀ i loʼ zə, ka fuu ghaa n tsə̀ i loʼ zə ə?

1 Kɔrint 14:6 ပူးပေါင်းရင်းမြစ်များ

Matyo 11:25

Yeso n gɔŋŋə tsu n nəŋə i tii zə nə̀, “N fuu bə kəzɔŋŋə tə̀ wɔ a Bày wuŋ, Muu ə kədəŋ nsə ghəlitsə kə, n təŋkey, wə̀ â nyi naŋa ghəə ghən tə̀ ghə̂ a tɔbə ghə nsə ghə̂ a kəmàʼlə ghə, wə̀ u dii fu tsunə tə̀ ghinətəghə ghə.

Matyo 16:17

Sey, Yeso n beeli ndòw wi nə̀, “Buulə i loʼ tə̀ wɔ a Shimun waa Jona, n təŋkey, à way dzə wù sɔŋtsuʼ tə chi diinə ghəə ghən tə̀ wɔ, à loʼ Bày wuŋ idəŋ.

Matyo 16:26

Naamə kə wù kə loʼ kee abə tə keelinə fə u mbi wə udzəm, tə kee guŋu tow kə wi ə? Nkee, wù î loʼ ni fuu ndzoʼo fə kə ghaa kə ni zuu tow kə wi ə?

Kəfwaʼ 2:42

Ghə n fuu nyi ndow wû i ghə ni zoʼlə ghəə ghey ngəd tə Yeso tə diinə, təmə dzəŋi ghi ghə, gɔŋŋə, zəə dzəŋi soʼo baa K-a-zə̀ ghi ghə.

Roma 15:14

Waazə ghə, n ndzəm khənu nə̀ ghaa khənu fə̀ŋ i dzuŋu zə ni ghəŋŋə ghəə ghey Zə̀ kə ləghənə, ghaa u loʼ soʼo nə̀ Zə̀ kə n fuu ghaa n tɔb wə naʼ idzəm. Ghaa n ndzəm kɔʼ kpii ni dii tiilə wû i ghaa zə.

Roma 16:17

Waazə ghuŋ ghə, n buʼu bə kəwɔɔ nə̀ ghaa ney ighə̂mə ghi ghə̂ ghən ghə ghəŋŋə nə̀ ghə̂ ghə i tsɔɔbə kaabə tow wə, fwɔdlɔ aghə̂ nə kə ghə nə təminə bəghəm i fə̀ŋ i ghə, dii soʼo aghə̂ n ghəə a nuu ghə nə̀ a way ghəə ghey ghə â dii ghaa tii. Kə ghaa nə təmə dzəŋinə ndzoʼo ghə̂ ghən.

Roma 6:17

N fuu kəzɔŋŋə tə̀ Zə̀ kə nə̀ ghaa ghən ghaa â bùʼ loʼ tsənə tə a loʼ ukɔd ni ghəŋŋə ghəə a bəbə ghə, ghaa n fə̀ŋ tə ghaa tə kweyyə. Ghaa nay dzûmə isəŋə zey ghə â diinə tə̀ ghaa.

1 Kɔrint 10:33

À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 14:1

Waazə ghə, ghaa khə ni dii ləghə zə tə̀ ghə̂ ghə. Kuu tsu na səŋ zə ni keeli naamə wən Zay kə Zow kə fuunə. N ləghə nə̀ ghaa ndəŋ kuu tsu isəŋ ni ghəŋə nə̀ Zay kə Zow kə fuu ghaa n naamə kə ni naʼlə tûm Kəzə̀.

1 Kɔrint 14:7

À loʼ soʼo ighələ n fə̂ u buʼu wən u khə way muu zə tə a loʼ ndɔŋ zən ghə tɔŋɔnə nsə bəghəm kən ghə buʼunə. Abə ghə tsɔɔbə buʼunə, zəghə u tii u way ni kwu, wù i way ni zowkeeli soʼo ndzaŋ zey ghə buʼunə.

2 Kɔrint 11:6

Abə i loʼ kə nə̀ n khə way ni ghɔɔmə, n kee laʼlə dzə way. Ghey n dii may tə̀ ghaa nə təjìi tədzəm nsə nə̀ aghəə adzəm nə̀ ghey khənu tɔb wə.

2 Kɔrint 12:1

N khə ni tsəm ndow kə n sə kə ni tsɔbə fə̀ŋ. Abə i loʼ kə nə̀ i khə way gaamə i loʼ zə, n dza n dza bə ghaa n ghəə ghey Mûkəbii diinə tə̀ mə̀ nə ujim nsə ghəə a nyiə doʼo ghey tə chi diinə tə̀ mə.

2 Kɔrint 12:7

Sey, nghee tə̀ mə â loʼ nə̀ mə n koʼ ndəmə nfaalə, mə n keeli kɔʼ dzaŋ i loʼ zə n wû wuŋ, zə̀ n loʼ tə̀ a loʼ tsəndəghə Satan tə̀ tûmnə ni chɔd mə, sey nə̀ kə̂ n nə̂ ghaŋŋənə wû wə.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Efesus 3:4

Abə ghaa i tɔŋɔ kɔʼnə ghəə a tii ghə, ghaa i zoʼlə aghəə boʼ ghəə ghey n zowkeelinə n ghəə ghey Klisto â nyì naŋanə.

Filipi 3:15

À wən loʼ jìi zey saa ghən adzəm saa beyyə dzənə n ghəə a Kəzə̀, saa khə ni koʼo ghəə ghə tii. Abə wù loʼ khənə ghə i loʼ zə tə tɔʼɔ zowkeeli way, n moʼlə nə̀ Zə̀ kə î chiə diinu ghə i tii zə soʼo tə̀ wi.

2 Timoti 2:14

I zəŋŋə zeeli ndow ghə̂ a Kəzə̀ ghə n ghəə ghən n dza bənə tə wɔ. Wə khə ni teeli kii naŋa ndow ghə n sə K-a-zə̀ nə̀ kə ghə nə ngii baŋŋənə fəghəm tə n ghɔɔmə i laʼlə zə. Ndzoʼo ghɔɔmə tə tii tə buʼ khə way gaamə i loʼ zə, tə fədlə sàʼà maʼa tɔb u ghə̂ ghey ghə zəllə bənə.

2 Timoti 3:10

A kee bə wɔ a Timoti, wə khənu ghəə ghey mə â diinə ghə̂ ghə tii nsə muu zuŋ zə idzəm. Wə khənu jìi zey n bəghəmnə tii tə̀ Klisto nsə fə key n kəŋənə fa n mbi, ləghə zey n khənə n kow ghə̂ ghə, nsə nə̀ n khənu ni kow fə̀ŋ n fwaʼ K-a-zə̀ abə ghəə a taw kə ngee.

2 Timoti 3:16

À loʼ Kəzə̀ kə ghəŋŋənə nə̀ ghə̂ a tɔ̀ɔ ghəə ghey a tɔ̀ɔ doʼonə n màʼlə K-a-zə̀. Ghɔɔmə i Kəzə̀ zən loʼ ni dii ghə̂ ghə nə̀ isəŋə tii, kpaa ghə̂ ghey ghə ghəŋŋənə ghəə a bəbə ghə tii, ni dza ndow ghəə ghey ghə̂ a ghəŋə bəəbənə sey nə̀, ghə loʼ ni ghəŋə ghəə a dzuŋu ghə tii. Ghɔɔmə i Kəzə̀ i tii i loʼ soʼo ni tsə̀ə ghə̂ ghə tii nə̀ ghə i muu n jìi zey i loʼnə tsətsəghə.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

2 Pita 1:5

À wən loʼ ghə i tii zə, ghaa khə ni ngii dəm tsu ni koʼ nə̀ nghee ghaa khənə bəghəm i fə̀ŋ zə, ghaa keeli tsu soʼo fə̀ŋ i dzuŋu zə, nghee ghaa khənə fə̀ŋ i dzuŋu zə, ghaa keeli tsu soʼo ghəə a Kəzə̀.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

2 Jɔn 1:9

Wù wən tə ndow kə n sə kə, nə tə bɔɔmə bwey ndow way tə Klisto diinə, wù tii way dzə nə kəfə kəmɔʼ ghi Zə̀ kə. Wù wey tə dzûmənə dii i Klisto zə, tə loʼ nə kəfə kəmɔʼ ghi Bày nsə Waa.