1 Kɔrint 14:37 - Kaa n Kəzə̀ n fəghə mə

³⁷ Wù wey tə moʼlənə nə̀ i loʼ wù tûm Kəzə̀ nkee ghəə ghey tə ghəŋŋənə, a fuu Zay kə Zow kə wi n daʼa kə tii kə, wù tii khə ni keeli tsu nə̀, ghəə ghən n dza bənə fa, à loʼ Mûkəbii n wû u wi wə, tə tsəʼlə bənə laŋ kə tii kə.

1 Kɔrint 14:37 ပူးပေါင်းရင်းမြစ်များ

Lukas 10:16

Wù wey tə zownə tə ghaa, sey zow soʼo tə mə, tə wey tə tuu maʼanə ghaa, sey tuu maʼa soʼo mə. Wù wey tə tuu maʼanə mə, sey tuu maʼa soʼo wù wey tə tûmnə mə.”

Roma 12:3

Nghee tə̀ Zə̀ kə diinə mə n ndzuŋ ni fuu mə n daʼa kə, n dza bə tə ghaa adzəm nə̀, kə ghaa nə kɔʼlə naŋŋənə wû i ghaa zə tsəghəshiə nghee ghaa khə ni kɔʼlə tii, ghaa khə ni fəd ney ighə̂mə n ghəə ghey ghaa sàynə ni ghəŋə. Kay wù khə ni ghəŋŋə ndow ghəə ghə tə̀ Zə̀ kə fuunə wi n bəghəm i fə̀ŋ zə.

1 Kɔrint 14:29

Abə ghaa təmdzəŋi bənə n dzəŋi kə dzûmə tə Klisto, ghə̂ ghey ghə naʼlənə tûm Kəzə̀ khə ni loʼ kə abəghə nkee atəghə ni ghɔɔmə, ghə̂ a loʼ ghey khə ni tɔʼ zəllə ghəə ghey ghə dzanə, ni koʼ nə̀ i kpiilə kənu.

1 Kɔrint 14:36

Keeli tsu na nə̀, ghɔɔmə i Kəzə̀ zə â ka kaʼ nuu bə dzə n kow ghaa. Ghaa keeli tsu soʼo nə̀ a kad way kə tə ghaa, ghə â bə naʼanə ghəə a Kəzə̀ ghən.

1 Kɔrint 14:38

Wù wey tə ka ney ghəə ghən n taŋ, tə keeli tsu nə̀ ghəə ghey tə dzanə, ghə̂ ghə i ney soʼo way n taŋ.

1 Kɔrint 2:15

Wù wey Zay kə Zow kə loʼnə n kow wi, loʼnu ni saʼ aghəə adzəm, wù wey Zay kə Zow kə kee way n kow wi, way dzə ni saʼ wù wey Zay kə Zow kə loʼnə n kow wi.

1 Kɔrint 3:1

Waazə ghə, mə â way dzə ni ghɔɔmə tə̀ ghaa tə̀ n ghɔɔmənə tə̀ ghə̂ ghey Zay kə Zow kə loʼnə n kow ghə. Mə â fəd khə ni ghɔɔmə tə̀ ghaa tə̀ a loʼ ghə̂ ghey ghə nam loʼnə n muu i mbi zən, loʼ soʼo tə à loʼ aghinətəghə n bəghəm i fə̀ŋ i ghə n kow Klisto.

1 Kɔrint 7:25

N ghəə ghən ghaa a tɔ̀ɔ bəb bənə kuum ghə̂ ghən ghə ka kam ney iwû, n khə way laŋ kə loʼ kə Mûkəbii fuu bənə. Nghee Mûkəbii kwɔɔlənə sî zə n kow mə, ghəŋə nə̀ ghə̂ a loʼ ni gaʼ fə̀ŋ n kow mə, n kee fuu bənu saalə kuŋ kə.

1 Kɔrint 7:40

N kee dza bə n moʼlə zuŋ nə̀ a loʼ ghə i dzuŋu zə tə̀ wi ni doʼo sey nə̀ tə ka num ney. N moʼlə nə̀ Zə̀ kə n fuu soʼo mə n Zay kə Zow kə ni mbɔŋ fuu bə tsə̀ zən.

1 Kɔrint 8:2

Wù wey tə moʼlənə nə̀ tə khənu ghəə ghə, tə kam khə dzə way ghəə ghə nghee tə mə khənə ni keeli.

2 Kɔrint 10:12

À way dzə nə̀ ghey foʼlə iwû nkee ghey baalə ghi ghə̂ ghey ghə kɔʼlənə wû zə nə̀ ghə loʼ ghə̂ a səŋi ghə. Abə ghə fòʼlənə wû i ghə zə sey, baalə soʼo sey n wû i ghə, ghə sey laʼlə maʼa wû i ghə.

2 Kɔrint 10:7

Ghaa maŋa laalə kə aghə̂ a bii. Wù wey tə̀ khənə nə̀ tə ndzəm bəghəmnu tə̀ Klisto, tə kəm tɔʼ moʼlə tsu n wû u wi n təŋkey, ghey loʼ nə kəfə kəmɔʼ ghi Klisto tə̀ ghə loʼ soʼonə nə kəfə kəmɔʼ ghi wi.

2 Kɔrint 11:4

N dza sey n təŋkey ghə̂ a loʼ ghə n bə n fəŋŋə kə ghaa, ghə a diinə ghaa n ghəə ghə bòʼ Yeso u nuu wə nə̀ à way Yeso wey ghey â diinə ghaa tii. Ghə ləghə ni fuu ghaa n zày kə nuu kə nə̀ à way kə key Zə̀ kə â fuunə tə̀ ghaa n nəŋə zey ghaa â bəghəmnə tii tə̀ Klisto. Ghə naʼlə bə tûm i nuu zə tə̀ ghaa, ghaa n bəghəm tûm i tii zə loʼ sey nə̀ à way tûm i dzuŋu zən mə â naʼanə tə̀ ghaa bòʼ Klisto. Abə ghə ghəŋŋənə ghəə ghən, ghaa n mbad bəghəm naŋa ghəə a tii ghə adzəm.

Galeshia 6:8

Wù wey tə ghəŋŋənə ghəə ghey gow uwû wi ləghənə, i keeli ivə. Wù wey tə kee ghəŋŋə nə̀ ghəə ghey Zay kə Zow kə ləghənə, i keeli muu zə itsali.

2 Pita 3:2

N ləghə nə̀ ghaa i moʼlə tsu ghɔɔmə zey tûm tə Kəzə̀ tə zow tə â dza naŋanə tə̀ ghaa n num tə ibam tə, ghaa i moʼlə tsu soʼo laŋ wey ngəd tə Yeso tə â fuunə tə̀ ghaa nə̀ u nuu bə n wɔ Mûkəbii saa nsə bəghəshi ə saa.

1 Jɔn 4:6

Saa fəd loʼ ghə̂ a Kəzə̀. Ghə̂ ghən ghə loʼnə ghə̂ a Kəzə̀ ghə, ghə zownu tə saa. Abə ghə mə way ghə̂ a Kəzə̀ ghə, ghə mə way ni zow tə saa. À wən loʼ nghee saa keelinə wù wey tə khənə zày key kə ghəŋŋənə nə̀ wù i dza isəŋə nkee zày key kə ghəŋŋənə nə̀ wù i badla ghəə ghə.

Màʼlə kə Jud tə̀ ghə̂ a Kəzə̀ ghə 1:17

Waazə ghuŋ a dzuŋu ghə, ghaa moʼlə tsu ghəə ghey ngəd tə Mûkəbii saa Yeso Klisto â dza naŋa zey bənə.