1 Kɔrint 14:31 - Kaa n Kəzə̀ n fəghə mə

³¹ I loʼ nə̀ ghaa khə ni fuu tsuu bùʼ kə tə̀ ghə̂ ghey ghə naʼlənə tûm Kəzə̀ nə̀ ghə i nuulə naʼlə umɔʼ umɔʼ ni ghəŋə nə̀ ghə̂ a zoʼlə kɔʼ ghəə a tii ghə nsə ni kuu fə̀ŋ tə ghə.

1 Kɔrint 14:31 ပူးပေါင်းရင်းမြစ်များ

Roma 1:12

N ləghə ni bə n səə ghaa sey nə̀, mə i loʼ ni təm tawwə ghaa n bəghəm i fə̀ŋ i ghaa, ghaa i mbɔŋ təm tawwə bə soʼo mə n bəghəm i fə̀ŋ zuŋ.

1 Kɔrint 14:19

A kee loʼ nə̀, abə n khə ni ghɔɔmə n dzəŋi kə dzûmə tə Klisto, à kpii nə̀ n ghɔɔmə shi bə kə aghəə ataa ni tsə̀ aghə̂ nə̀ ghə zowkeeli tsəghəshi ni ghɔɔmə aghəə təkam ighəm n ghɔɔmə i loʼ zə nə̀ ghə̂ a zowkeeli way.

1 Kɔrint 14:3

Wù wey tə naʼlənə tûm Kəzə̀ kee ghɔɔmə tə̀ ghə̂ ghə, tə ghɔɔmə ni bəghə kɔʼ bə muu i Kəzə̀ i ghə, ni kuu fə̀ŋ tə ghə nsə ni tsəmmə fə̀ŋ tə ghə.

1 Kɔrint 14:30

Abə Zə̀ kə kee chi dii bənə ghə i loʼ zə tə̀ wù loʼ tə doʼnə nə̀ wù loʼ mə ghɔɔmənu, wù wey tə mə ghɔɔmənə, khə ni buu doʼo tsu ni ghɔɔmə.

1 Kɔrint 14:32

I loʼ nə̀, ghə̂ ghey Zay kə Zow kə fuunə ghə n naamə kə ni naʼlə bə ghəə ghey Zə̀ kə dzanə loʼnu ni kwu keeli wû i ghə tə̀ ghə ni ghɔɔmə umɔʼ umɔʼ.

1 Kɔrint 14:35

Abə ghə khənə ghə i loʼ zə ni bəb zow shi kɔʼ, ghə khə ni bəb tə̀ num a ghə ghə n ndaw, n təŋkey, à loʼ tow kə dədlə kə abə weyzən ghɔɔmənə n dzəŋi kə dzûmə tə Klisto.

2 Kɔrint 1:4

Tə tsəmmə saa n chɔd n saa ndzəm, sey nə̀ saa i loʼ soʼo ni tsəmmə ghə̂ ghey ghə loʼnə nə uchɔd n jìi zey Zə̀ kə tsəmmənə ghey tii.

Efesus 6:22

À wey loʼ zuŋ key n tûm bənə wi n səə ghaa nə̀ ghaa keeli tsu nghee ghey muunə tii nsə nə̀ tə kuu bə soʼo fə̀ŋ tə ghaa.

Kolose 2:2

N sa dəmə ni kuu fə̀ŋ tə ghə nə̀ ghə i loʼ nə kəfə kəmɔʼ bòʼ ləghə zən ghə khənə n wû i ghə, sey nə̀, ghə i loʼ ni ndzəm zowkeeli nə̀ ghəə zey Zə̀ kə â nyì naŋanə, loʼ Klisto.

1 Tesalonika 4:18

Nghee tə̀ i loʼnə sey, ghaa khə ni kuu tiilə fə̀ŋ tə ghaa tə n ghɔɔmə zən.

1 Tesalonika 5:11

Sey, ghaa khə ni kuu tiilə fəŋ tə̀ ghaa tə, gaamə tiillə soʼo i wû i ghaa zə ni ghəŋə nə̀ ghaa nyim n bəghəm i ghaa, ighələ tə̀ ghaa ghəŋənə.

1 Tesalonika 5:14

Ghey buʼu kəwɔɔ a waazə ghə nə̀ ghaa i kpaa tsu ghə̂ ghey ghə ləghə way ni fwaʼ, tsəmmə ndow a ghey ghə tsəŋənə, gaamə ghə̂ ghey ghə ka kam tɔʼ beyyə n bəghəm i fə̀ŋ i ghə, kow fə̀ŋ ghi ghə̂ ghə adzəm.

1 Tesalonika 5:20

I kə ghaa nə kii maʼanə ghɔɔmə zey i loʼ nə̀ a chi dii bə Kəzə̀ tə wù loʼ.