1 Kɔrint 14:26 - Kaa n Kəzə̀ n fəghə mə

²⁶ Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.

1 Kɔrint 14:26 ပူးပေါင်းရင်းမြစ်များ

Roma 1:13

Waazə ghə, n ləghə nə̀ ghaa keeli tsu nə̀, mə n bayyə naŋa wû wə ndəmə tənəŋə ni bə taa n səə ghaa, à kee loʼ nə̀, nəŋə tədzəm abə n bayyə tsunə wû wə ni bə, ghə i loʼ zə maŋ bə təʼlə maʼa kɔʼ mə. Ghə i tii i loʼ nə, n ləghə ni bə fwaʼ soʼo n fəŋŋə kə ghaa ni ghəŋə nə̀ ghə̂ a loʼ ghə a doʼo bə dzûmə tə̀ klisto, ighələ tə n ghəŋənə n naʼa tə loʼ tən ghə way ghə̂ a Təjuu.

Roma 12:7

Abə Zə̀ kə fuu wɔ n naamə kə ni gaamə dzûmə tə Klisto, wə n gaamə ndow ghə n fə̀ŋ zə idzəm, nə̀ tə fuu wɔ n naamə kə ni dii dzûmə tə Klisto, wə n dii ndow n fə̀ŋ zə idzəm.

Roma 14:19

À wey loʼ ghə i tii zə saa khə ni ghəŋŋə ghəə ghey ghə i ghəŋŋənə nə̀ saa i muu nə ibuulə, ghəŋŋə soʼo nə̀ dzûmə tə Klisto tə loʼ tən tə taw may kɔʼ bə n bəghəm i fə̀ŋ i ghə.

Roma 15:2

Saa khə ni ghəŋŋə ndow ghəə ghey a dzɔbənə tə̀ dzûmə tə Klisto tə loʼ tey nə̀ ghə i loʼ nə iduʼlə, sey nə̀ saa loʼ ni bəghə kɔʼ bə bəghəm i fə̀ŋ i ghə.

1 Kɔrint 14:15

Ghəə zey i kpiinə tə̀ mə ni ghəŋə à loʼ nə n khə ni gɔŋŋə n fə̀ŋ, gɔŋŋə soʼo n jìi zey n loʼnə ni zowkeeli. Nə n zhim aghəə, n khə ni zhim n fə̀ŋ zuŋ, zhim soʼo n jìi zey n loʼ ni zowkeeli.

1 Kɔrint 14:2

N sey dza n təŋkey, wù wey tə ndzəmə ghɔɔmənə lii tə təghɔɔmə, ghɔɔmə dzə way tə̀ ghə̂ ghə, tə ghɔɔmə tə Zə̀ kə. Ghə̂ a zowkeeli dzə way ghəə ghey tə dzanə n təŋkey, tə ghɔɔmə ghəə ghey a nyi doʼonə nghee tə̀ Zay kə Zow kə diinə tə̀ wi.

1 Kɔrint 14:27

I ka kpii dzə nə̀ aghə̂ abəghə nkee atəghə, ghə i ghɔɔmə n ghɔɔmə tə naʼa tə nuu tə nə inəŋə imɔʼ. Wù umɔʼ khə ni ghɔɔmə may tsu dzə, wù loʼ wey n daŋŋə ney kɔʼ. Abə ghə ghɔɔmənə, wù loʼ khə ni loʼ tə tiilə dzanə ghəə ghey ghə ghɔɔmənə.

1 Kɔrint 14:40

Kee maʼa tsu na wû zə ni ghəŋŋə kɔʼɔ ndow ghəə ghə n jìi zey i kpiilənə nsə nə ulii.

2 Kɔrint 12:19

Ghaa moʼlə nə̀ ghey ləghə ni bəghəshi wû i ghey n sə̂ kə ghaa n ghəə ghən adzəm ghey dzanə fa ə? À way dzə sey. Ghey dza isəŋə n sə K-a-zə̀ n jìi zey Klisto i ghəŋŋənə nə̀ ghey ghɔɔmə. Waazə ghuŋ a dzuŋu ghə, ghəə ghən adzəm ghey ghəŋŋənə loʼ ni bəghə kɔʼ bə bəghəm i fə̀ŋ i ghaa.

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

Efesus 4:12

Naamə wən u loʼ ni fuu kədaʼa tə̀ ghə̂ a Kəzə̀ ghə. Seynə ghə i loʼ ni fwaʼ fwaʼ kən Zə̀ kə fuu naŋanə tə̀ ghə, ghəŋŋə nə̀ Ndaw Kəzə̀ zən i loʼnə wû u Klisto wə idzəm, i nyim beyyə dzɔb tsu n ghəə a Kəzə̀.

Efesus 4:16

À loʼ Klisto tə təm naŋa dzəŋinə saa nə kəfə kəmɔʼ tə̀ a loʼ wû u wi, a loʼ wi tə zuŋŋə naŋa bənə saa. Sey, abə badla tə uwû tə saa tədzəm tə fwaʼa dzɔbənə n dəŋə kə ghə, gaamə tiilə iwû, wû udzəm wə n nyîmmə dzɔbə nə iləghə.

Efesus 4:29

I kə ghɔɔmə i dzəə i nə̂ shiənə n dzuu i ghaa, a may kə ghɔɔmə zey i bəghənə ghə̂ ghə n muu i ghə, sey nə̀, ghəə ghey ghaa ghɔɔmənə, ghə i fuu gaamə zə tə̀ ghə̂ ghən ghə zəllənə ghəə ghey ghaa dzanə.

Efesus 5:19

Ghaa khə ni ghɔɔmə tiilə n wû i ghaa nə təndzaŋa, zhim ndzaŋa tən tə fuunə kɔʼləmə tə̀ Zə̀ kə, nsə ndzaŋa tey Zay kə Zow kə fuunə tə̀ ghaa. Ghaa khə ni zhim dzaŋa tən tə fuunə kɔʼlə mə tə̀ Mûkəbii n fə̀ŋ tə ghaa tə tədzəm,

1 Tesalonika 5:11

Sey, ghaa khə ni kuu tiilə fəŋ tə̀ ghaa tə, gaamə tiillə soʼo i wû i ghaa zə ni ghəŋə nə̀ ghaa nyim n bəghəm i ghaa, ighələ tə̀ ghaa ghəŋənə.