1 Kɔrint 14:20 - Kaa n Kəzə̀ n fəghə mə

²⁰ Waazə ghə, kə ghaa nə moʼlə nə̀ ghəə ghə tə̀ a loʼ aghinətəghə. Abə i bənə ni ghəŋə ghəə a bəbə ghə, ghaa khə ni loʼ tə a loʼ aghinətəghə. A kee bə n jìi zey ghaa zowkeelinə ghəə ghə tii, ghaa khə ni loʼ tə a loʼ agheynyim.

1 Kɔrint 14:20 ပူးပေါင်းရင်းမြစ်များ

Matyo 11:25

Yeso n gɔŋŋə tsu n nəŋə i tii zə nə̀, “N fuu bə kəzɔŋŋə tə̀ wɔ a Bày wuŋ, Muu ə kədəŋ nsə ghəlitsə kə, n təŋkey, wə̀ â nyi naŋa ghəə ghən tə̀ ghə̂ a tɔbə ghə nsə ghə̂ a kəmàʼlə ghə, wə̀ u dii fu tsunə tə̀ ghinətəghə ghə.

Matyo 18:3

dza tə̀ ghə nə̀, “N kuum dza bə tə̀ ghaa nə̀, a may kə nə̀ ghaa kwey kɔʼnu, doʼo tsu tə̀ a loʼ aghinətəghə, ghaa nə̂ way ni nyi n fɔɔ wə idəŋ.

Matyo 19:14

Yeso n dza ndòw tə̀ ghə nə̀, “Zəghə na ghiinətəghə ghey ghə bə n səə mə, kə̂ ghaa nə buu naŋŋənə ghə, bòʼ nə̀, fɔɔ wə idəŋ u loʼ tə ghə̂ ghey ghə loʼ tə̀ a loʼ ghə.”

Matyo 19:4

Yeso n beeli ndòw ghə nə̀, “Ghaa ka kam tɔŋɔ koʼ tsə n màʼlə K-a-zə̀ nə̀ nəŋə zey Zə̀ kə â bɔmnə mbi, tə n bɔm tsu aghə̂ weynum ghi weyzən ə?

Malakus 10:15

N kuum dza bə isəŋə tə̀ ghaa nə̀, abə wù ka bəghəm fɔɔ u Kəzə̀ tə̀ a loʼ winətəghə, tə nə̂ nyi koʼ way fu.”

Lukas 18:17

Keeli tsu na nə̀, wù wey tə ney way ghəə a fɔɔ u Kəzə̀ wə tə a loʼ wiinətəghə, tə nə nyi koʼ way fu.”

Roma 1:13

Waazə ghə, n ləghə nə̀ ghaa keeli tsu nə̀, mə n bayyə naŋa wû wə ndəmə tənəŋə ni bə taa n səə ghaa, à kee loʼ nə̀, nəŋə tədzəm abə n bayyə tsunə wû wə ni bə, ghə i loʼ zə maŋ bə təʼlə maʼa kɔʼ mə. Ghə i tii i loʼ nə, n ləghə ni bə fwaʼ soʼo n fəŋŋə kə ghaa ni ghəŋə nə̀ ghə̂ a loʼ ghə a doʼo bə dzûmə tə̀ klisto, ighələ tə n ghəŋənə n naʼa tə loʼ tən ghə way ghə̂ a Təjuu.

Roma 16:19

Ghə̂ adzəm keeli may nə̀ ghaa dzûmə i dzuŋu zən ghə diinə ghaa tii. Ghə i tii zə n ghəŋə nə̀ mə i duʼlə. N ləghə nə̀ ghaa tɔʼ chi kɔʼ sə̂ a ghaa ni keeli ghəə zey i dzɔbənə, khə soʼo way wɔɔ kə n ghəə zey i bəbənə.

1 Kɔrint 13:11

Nghee mə a loʼnə winətəghə, mə n ghɔɔmə tə̀ a loʼ winətəghə, moʼlə tuŋ tə n loʼ moʼlə tə winətəghə, mə n ghəŋŋə soʼo aghəə tə̀ a loʼ winətəghə. Ambə n nyəm kɔʼnə n wù, mə n zəghə maʼa ndow ghəə ghə a ghinətəghə.

1 Kɔrint 14:19

A kee loʼ nə̀, abə n khə ni ghɔɔmə n dzəŋi kə dzûmə tə Klisto, à kpii nə̀ n ghɔɔmə shi bə kə aghəə ataa ni tsə̀ aghə̂ nə̀ ghə zowkeeli tsəghəshi ni ghɔɔmə aghəə təkam ighəm n ghɔɔmə i loʼ zə nə̀ ghə̂ a zowkeeli way.

1 Kɔrint 2:6

Abə n loʼnə n fəŋŋə kə dzûmə tə Klisto tey tə loʼ nə̀ tə n beyyə n bəghəm i fə̀ŋ i ghə, mə n naʼlə tûm tə̀ ghə n tɔb wən Zə̀ kə fuunə. N kee naʼlə dzə way tûm tə̀ ghə n tɔb wən a khənə ghə̂ ghən ghə muunə fa n mbi nkee ghə̂ ghən ghə saʼanə mbi zən. Ghə̂ a mbi ghən loʼ nə̀ daʼa u ghə u nya may bənu.

Efesus 4:13

Fwaʼ K-a-zə̀ kən khə ni ndow kə sey ni ndow kuum n nəŋə zey saa adzəm i doʼo bənə nə kəfə kəmɔʼ n bəghəm i fə̀ŋ i saa nsə nə̀ saa tɔʼ keeli tsu wù wey Waa Kəzə̀ loʼ ghii kə. N nəŋə zey saa i tɔʼ beyyə tsunə n doʼo i saa ghi Klisto, saa i loʼ ni muu n jìi zey Klisto â muunə tii.

Filipi 1:9

N gɔŋŋə nə̀ ləghə zey ghaa khənə n wû i ghaa zə i nyîmmə kɔʼɔ ndòw naʼ idzəm. N gɔŋŋə soʼo nə ghaa i loʼ ni keeli isəŋə zey i loʼ nə bòʼ Kəzə̀ sey nə̀ ghaa loʼ ni keeli ghəə zey i kpiilənə nsə i zey i kpiilə way,

Filipi 3:15

À wən loʼ jìi zey saa ghən adzəm saa beyyə dzənə n ghəə a Kəzə̀, saa khə ni koʼo ghəə ghə tii. Abə wù loʼ khənə ghə i loʼ zə tə tɔʼɔ zowkeeli way, n moʼlə nə̀ Zə̀ kə î chiə diinu ghə i tii zə soʼo tə̀ wi.

1 Pita 2:2

Ghaa i mbuŋŋə ni nyɔŋ ghii n Zay kə Zow kə n loʼnə ghɔɔmə i Kəzə̀ zə tə̀ waa nə mbuŋŋənə ni nyɔŋ ghii n nay wi, sey nə̀, abə ghaa məənə ghii n tii mə, ghaa i loʼ ni tɔʼ beyyə taw tsu n bəghəm i fə̀ŋ i ghaa, Zə̀ kə i bəghəshi soʼo ghaa.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.