1 Kɔrint 14:16 - Kaa n Kəzə̀ n fəghə mə

¹⁶ Ney kɔʼ na nə̀ abə wə gɔŋŋənə n ghɔɔmə zey Zay kə Zow kə fuunə, nə̀ wù loʼ loʼ fu nə̀ tə zowkeeli way ghəə zey wə dzanə, tə i loʼ ngee ni bəghəm dzəŋi ghi wɔ nə̀, “Zə i loʼ sey” n kali wey u fuunə tə Zə̀ kə, loʼ sey nə̀ tə zowkeeli way ghəə zey wə dzanə ə?

1 Kɔrint 14:16 ပူးပေါင်းရင်းမြစ်များ

Matyo 15:36

Sey tə n ney kɔʼ baa wey usəghəmbəghə nsə tsəghə tey, fuu ndòw zɔŋŋə K-a-zə̀, boʼlə fu ndòw tə̀ ngəd tə wi tə nə ghə dzawwə fu ndow, ghə n dzawwə fu ndòw tə̀ ghə̂ ghey.

Matyo 28:20

dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Malakus 16:20

Ngəd tə wi tə n kaʼ ndòw ni naʼa tûm i dzuŋu zə nə təluʼu tədzəm. Mûkəbii n fwaʼa ghi ghə, gaamə ghə nə̀ ghə i ghəŋŋə faalə mə ni dii tsu nə̀ ghəə ghey ghə naʼlənə, a nuu bə n wɔ K-a-zə̀.

Tùm i dzuŋu zə kuum Yeso Klisto tə Jɔn â tɔɔnə 21:25

Ndəmə ndəmə tə aghəə tə loʼ tə loʼnu Yeso â ghəŋə nə̀ ghə â ka tɔ̀ɔ naŋa. Abə ghə â tɔ̀ɔ may tsuunə ghəə ghey Yeso â ghəŋənə, tə buʼ kə mə way ni naŋa maʼlə u tii wə fa n mbi.

Tùm i dzuŋu zə kuum Yeso Klisto tə Jɔn â tɔɔnə 7:15

Dzuu zə n zum ngəd tə Təjuu n ghɔɔmə i wi, ghə n bəbə nə̀, “Wù wən lɔʼlə keeli ngee ghəə ghən adzəm nə̀ tə ka ndow n ndaw kəmàʼlə ə?”

Kəfwaʼ 4:13

Nghee ghə koʼnə jìi zey Pita ghi Jɔn ghɔɔmənə tii nə ghə tsəŋə way, koʼ tɔb kɔʼ soʼo nə a maŋ loʼ laŋa tə aghə̂ nə ghə ka basə nyi dzə n ndaw kəmàʼlə, dzuu zə n ngii zum ghə. Ghə sey daŋŋə koʼ keeli ndownu nə̀ ghə â loʼ dzəŋi tsə ghi Yeso.

1 Kɔrint 11:24

tə n buulə i tsu, boʼlə fuu ndow tə̀ ngəd tə wi tə, dza tə̀ ghə nə̀, “À wən loʼ wû wuŋ n fuu ndownə n tow u ghaa. À wən loʼ ghəə zey ghaa khə ni ghəŋŋə nəŋə tədzəm ni moʼlə tsuu mə a tii.”

1 Kɔrint 14:14

Abə n gɔŋŋənə n ghɔɔmə zə inaʼ i nuu zə, à gɔŋŋə n fə̀ŋ zuŋ, tɔb wuŋ u kee zowkeeli dzə way ghəə zey n dzanə.

1 Kɔrint 14:2

N sey dza n təŋkey, wù wey tə ndzəmə ghɔɔmənə lii tə təghɔɔmə, ghɔɔmə dzə way tə̀ ghə̂ ghə, tə ghɔɔmə tə Zə̀ kə. Ghə̂ a zowkeeli dzə way ghəə ghey tə dzanə n təŋkey, tə ghɔɔmə ghəə ghey a nyi doʼonə nghee tə̀ Zay kə Zow kə diinə tə̀ wi.

1 Kɔrint 16:24

N ləghə ghaa ghən adzəm ghaa loʼnə nə kəfə kəmɔʼ ghi Yeso Klisto. À may kuum kə sey.

2 Kɔrint 1:20

I loʼ sey n təŋkey, à loʼ Klisto tə luulənə ghəə ghey Zə̀ kə â təb naŋanə adzəm. À loʼ n bam i wi ghey loʼnə ni bəghəm dzəŋi nə̀, “Zə̀ i loʼ sey.” Fuu ndow nkɔʼlə n dzəm tə̀ Zə̀ kə.

Chi dii 22:20

Wù wey tə tiilə dza bənə ghəə ghən, dza nə̀, “Ndzəm ndzəm! Mə i kuʼlə bəghənu!” Zə i loʼ kə sey. Bəghə a Mûkəbii Yeso!

Chi dii 5:14

Fə wey ukaykə u loʼnə utaw n dza tsu nə̀, “Zə i loʼ sey.” Ngəd tey n təm ndow tənguʼ aghəd, fuu ndow ingɔɔmə tə̀ wù wey tə â doʼnə n kuu kə fɔɔ key nsə Waa Nji zey.

Chi dii 7:12

Ghə n dza, “Zə i loʼ kə sey. Ukali nsə kɔʼlə mə, utɔb, nsə zɔŋŋə kə fuu kə, nsə ngɔɔmə zə, kədaʼa nsə taw zə a khə Zə̀ kə ghey tə̀ mbi nə bə may. Zə i loʼ sey!”