1 Kɔrint 14:15 - Kaa n Kəzə̀ n fəghə mə

¹⁵ Ghəə zey i kpiinə tə̀ mə ni ghəŋə à loʼ nə n khə ni gɔŋŋə n fə̀ŋ, gɔŋŋə soʼo n jìi zey n loʼnə ni zowkeeli. Nə n zhim aghəə, n khə ni zhim n fə̀ŋ zuŋ, zhim soʼo n jìi zey n loʼ ni zowkeeli.

1 Kɔrint 14:15 ပူးပေါင်းရင်းမြစ်များ

Kəfwaʼ 21:22

A nya jiə tsu n ngee? Ghə i teeli keelinu nə wə n bə.

Roma 1:9

Zə̀ kən n fwaʼanə tə wi n fə̀ŋ zuŋ idzəm ni naʼlə tûm i dzuŋu zə bòʼ Waa wi Yeso, loʼnu ni təmi tiilə nə̀ n moʼlə tsənu ghaa nəŋə tədzəm.

Roma 3:5

Ghə̂ a loʼ a loʼnu ni kee dza nə̀, “Ghəə a bəbə ghən ghey ghəŋŋənə, a dzɔbənu n təŋkey, a ghəŋŋə nə̀ ghə̂ ghə i loʼ ni tɔʼ koʼ bə nə̀ Zə̀ kə loʼ tsətsəghə. Abə i loʼnə sey, saa loʼnu ni dza nə̀ Zə̀ kə ka ghəŋə dzɔb abə tə chɔdnə saa bòʼ ghə i tii zə ə?”

Roma 8:31

À loʼ ghə i ghaa zə saa loʼ ni kəm dza bòʼ ghəə zən ə? Abə Zə̀ kə taʼanə ghi saa, à loʼ ndee ni ballə ghi saa a?

1 Kɔrint 10:19

Ghəə ghən n dzanə dii dzə way nə̀ fəzəə wey ghə fuunə tə a loʼ umaʼlə tə̀ muʼu mə, khənu daʼa kə loʼ kə nkee ni dza nə̀ muʼu n khənu daʼa kə loʼ kə.

1 Kɔrint 14:14

Abə n gɔŋŋənə n ghɔɔmə zə inaʼ i nuu zə, à gɔŋŋə n fə̀ŋ zuŋ, tɔb wuŋ u kee zowkeeli dzə way ghəə zey n dzanə.

1 Kɔrint 14:19

A kee loʼ nə̀, abə n khə ni ghɔɔmə n dzəŋi kə dzûmə tə Klisto, à kpii nə̀ n ghɔɔmə shi bə kə aghəə ataa ni tsə̀ aghə̂ nə̀ ghə zowkeeli tsəghəshi ni ghɔɔmə aghəə təkam ighəm n ghɔɔmə i loʼ zə nə̀ ghə̂ a zowkeeli way.

1 Kɔrint 14:26

Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.

Efesus 6:18

Ghaa khə ni ghəŋŋə ghəə ghən, gɔŋŋə nəŋə tədzəm, nə təjìi tədzəm, nɔɔ ndow igaamə tə̀ Zə̀ kə, gɔŋŋə nəŋə tədzəm tə̀ Zay kə Zow kə fuunə ghaa n daʼa kə. Sey, ghaa khə ni tey tən n fuu zə, kə̂ ghaa nə̂ buu doʼlənə ni gɔŋŋə, gɔŋŋə tə̀ ghə̂ a Kəzə̀ adzəm.

Filipi 1:18

Nə̀ ghə ghəŋə kə ngee, chɔd u way! N duʼlə kə nə̀ ghə naʼlə tûm kùm Klisto. Abə à loʼ kə n moʼlə tə dzuŋu tə nkee n moʼlə tə bəbə tə, mə î nam duʼlə kənu.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Jems 5:13

Abə wù loʼ loʼnə n fəŋŋə kə ghaa tə fəʼlənə, tə n gɔŋŋə ndow tə̀ Zə̀ kə. Nə̀ wù loʼ, loʼ n fəŋŋə kə ghaa fə̀ŋ ə wi duʼlənə, tə n fuu kali u Kəzə̀ nə izhim.

Màʼlə kə Jud tə̀ ghə̂ a Kəzə̀ ghə 1:20

Abə ghaa a waazə ghuŋ a dzuŋu ghə, ghaa dəm tsu kə ni bəghə kɔʼ bə bəghəm i fə̀ŋ i ghaa. I gɔŋŋə na n daʼa key Zay kə Zow kə fuunə tə ghaa.