1 Kɔrint 14:13 - Kaa n Kəzə̀ n fəghə mə

¹³ A wey loʼ ghə i tii zə ghə̂ ghey ghə loʼnə ni ghɔɔmə lii tə təghɔɔmə, ghə khənə ni ngii gɔŋŋə nə̀ Zə̀ kə fuu ghə n daʼa kə ni tiilə dza bə ghəə ghey ghə ghɔɔmənə.

1 Kɔrint 14:13 ပူးပေါင်းရင်းမြစ်များ

Malakus 11:24

Sey, n dza bə tə̀ ghaa nə̀, abə wə bəbnə fə kə nə igɔŋŋə, keeli tsu bəghəm zə n fə̀ŋ nə̀, wə n keeli fə kə tii kə. Wə i keeli fə kə ghaa kə wə mə bəbnə.

Kəfwaʼ 1:14

Ghə n təmə dzəŋi nəŋə tədzəm ni gɔŋŋə ghi gheyzən a loʼ ghə nsə Maria nay Yeso ghi waazə a wi ghə.

Kəfwaʼ 8:15

Ambə ghə ndow nyi ndownə fu, ghə n gɔŋŋə n tow u ghə̂ ghey ghə â bəghəmnə tûm i dzuŋu zə, nə̀ ghə mbɔŋ keeli Zay kə Zow kə.

1 Kɔrint 12:10

Zay kə Zow kə fuu wù loʼ n daʼa kə ni ghəŋə ghəə zum ghə idzuu ghəə, tə n fuu wù loʼ n tɔb wə ni tiilə dza tûm Kəzə̀, tə u loʼ wə, tə n fuu kədaʼa ni koʼ keeli zay u bəbə wə nsə zay u dzuŋu wə, tə n fuu wù loʼ n daʼa kə ni ghɔɔmə lii tə təghɔɔmə, tə n kee fuu wù loʼ n daʼa kə ni tiilə dza lii tə təghɔɔmə tən Zay kə Zow kə fuunə tə̀ ghə̂ ghə nə̀ ghə ghɔɔmə.

1 Kɔrint 12:30

A dzə aghə̂ adzəm ghə khənə daʼa kə ni baŋŋə ghə̂ ghə nkee ni ghɔɔmə n lii tə təghɔɔmə. A way soʼo aghə̂ adzəm ghə khənə daʼa kə ni tiilə dza ghəə ghey Zə̀ kə dii bənə.

1 Kɔrint 14:12

Nghee ghaa ngii ləghənə ni keeli naamə wən Zay kə Zow kə fuunə, ngii kuu tsu na səŋ zə ni keeli naamə wən ubəghə kɔʼɔ bənə dzəŋi kə dzûmə tə Klisto tə.

1 Kɔrint 14:14

Abə n gɔŋŋənə n ghɔɔmə zə inaʼ i nuu zə, à gɔŋŋə n fə̀ŋ zuŋ, tɔb wuŋ u kee zowkeeli dzə way ghəə zey n dzanə.

1 Kɔrint 14:26

Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.