1 Kɔrint 12:28 - Kaa n Kəzə̀ n fəghə mə

²⁸ Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

1 Kɔrint 12:28 ပူးပေါင်းရင်းမြစ်များ

Malakus 16:17

À wən loʼ tsəə tən tə i dzûmə ghə̂ ghey ghə i bəghəmnə ghəə ghey ghaa dzanə; Ghə i keeli kədaʼa ni dzùm shi zay u bəbə wə n zəd zuŋ, ghə i kaʼ ni ghɔɔmə ndəmə ghɔɔmə tə tətùm,

Lukas 6:14

Ghə â loʼ; Shimun tə wən tə â tsə̀ tsu zəd i wi zə nə̀ a loʼ Pita, ghi waazə wi Andria; Jem ghi Jɔn, Filip ghi Batolomio;

Kəfwaʼ 11:27

À wən loʼ nəŋə zən ghə̂ a tətûm a Kəzə̀ a loʼ ghə â zəghə tsunə Yerosalem ndow n Antyɔk.

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

1 Kɔrint 10:32

Kə ghaa nə ghəŋŋənə ghəə zey zə i fuunə chɔd wə tə̀ ghə̂ a Təjuu ghə, ghə̂ ghən ghə way ghə̂ a Təjuu ghə nkee tə̀ ghə̂ a Kəzə̀ ghə.

1 Kɔrint 12:18

Isəŋə loʼ nə̀, a loʼ Kəzə̀ tə kuu zuŋ uwû wə udzəm n kow wù n jìi zey tə ləghənə nə̀ u doʼo tii.

1 Kɔrint 12:29

A way dzə aghə̂ adzəm ghə loʼnə ngəd tə Yeso tə, nkee ghə̂ ghey ghə naʼlənə tûm Kəzə̀ nkee ghə̂ ghey ghə diinə ghɔɔmə i Kəzə̀ zə. A way dzə aghə̂ adzəm ghə loʼ ni ghəŋə nfaalə.

1 Kɔrint 12:30

A dzə aghə̂ adzəm ghə khənə daʼa kə ni baŋŋə ghə̂ ghə nkee ni ghɔɔmə n lii tə təghɔɔmə. A way soʼo aghə̂ adzəm ghə khənə daʼa kə ni tiilə dza ghəə ghey Zə̀ kə dii bənə.

1 Kɔrint 14:2

N sey dza n təŋkey, wù wey tə ndzəmə ghɔɔmənə lii tə təghɔɔmə, ghɔɔmə dzə way tə̀ ghə̂ ghə, tə ghɔɔmə tə Zə̀ kə. Ghə̂ a zowkeeli dzə way ghəə ghey tə dzanə n təŋkey, tə ghɔɔmə ghəə ghey a nyi doʼonə nghee tə̀ Zay kə Zow kə diinə tə̀ wi.

1 Kɔrint 14:4

Wù wey tə ghɔɔmənə lii tə təghɔɔmə tə, bəghə kɔʼɔ bə bəghəm i fə̀ŋ i wi, wù wey tə naʼlənə tûm Kəzə̀ kee bəghə kɔʼɔ bə bəghəm i fə̀ŋ i dzûmə tə Klisto.

1 Kɔrint 14:5

I mə loʼ ni doʼo ghə i dzuŋu zə abə ghaa adzəm, ghaa mə loʼnə ni ghɔɔmə lii tə təghɔɔmə tə, a kee dzɔb tsəghəshi abə ghaa mə loʼ ni naʼa tûm Kəzə̀. I loʼ nə̀, wù wey tə naʼlənə tûm Kəzə̀ n dzəŋi kə dzûmə tə Klisto tsəghəshi wù wey tə ghɔɔmənə n lii tə təghɔɔmə, a may kə nə̀ wù loʼ loʼnu fuu tə loʼnə ni tɔʼ tiilə dza lii tə təghɔɔmə tən n dzəŋi kə dzûmə tə Klisto ni ghəŋə nə̀ bəghəm i fə̀ŋ i ghə zə i taw.

Efesus 2:20

Ghaa loʼ soʼo dzəŋi kə dzûmə tə Klisto kə səd doʼonə n tsə̂ kə ngəd tə Yeso nsə tûm tə Kəzə̀ tə. Yeso Klisto n wû u wi wə, loʼ tə a loʼ tay i bow i ndaw n ndaw tii.

Efesus 3:5

N tsuʼu n sə̂ i sə mə, Zə̀ kə â ka chi dii ghəə a tii ghə tə̀ ghə̂ ghə. Zə̀ kə chi dii bə ghəə a tii ghə nyisa n daʼa kə Zay kə Zow kə tə̀ tûm tə Kəzə̀ tə nsə ngəd tə Yeso tə zow tə.

1 Timoti 5:17

Dzûmə tə Klisto tə khə ni laalə tə ngəd tə dzəŋi kə dzûmə tə Klisto tə, tsəə dzɔbə soʼo ghə, a ka ndɔm taŋ a ghən ghə naʼlənə ghəə a Kəzə̀ ghə, dii soʼo aghə̂.

Hibru 13:17

Ghaa i zow tə̀ ghə̂ ghey ghə diinə ghaa n jìi, ghəŋŋə ndow ghəə ghey ghə dzanə. À loʼ ghə, ghə laalənə tow u ghaa wə, à i tiilə dza soʼo ghə tə̀ Zə̀ kə ghəə ghey adzəm ghə â fwaʼnə tə̀ ghaa. Abə ghaa zownə tə̀ ghə, ghə i fwaʼa fwaʼ kə ghə kə tə̀ ghaa nə iduʼlə. Abə ghaa zow way tə̀ ghə, ghə i fwaʼa fwaʼ kə ghə kə nə imow. Abə ghə fwaʼanə nə imow, zə i gaamə way ghaa n ghə i loʼ zə.

Hibru 13:24

Ghaa tɔŋɔ zow ghə̂ ghey ghə diinə jìi tə̀ ghaa nsə ghə̂ a Kəzə̀ ghə adzəm. Waazə a saa ghən n naʼ i Itali tûm bə itɔŋɔ zow tə̀ ghaa.