Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔrint 12:18 - Kaa n Kəzə̀ n fəghə mə

18 Isəŋə loʼ nə̀, a loʼ Kəzə̀ tə kuu zuŋ uwû wə udzəm n kow wù n jìi zey tə ləghənə nə̀ u doʼo tii.

အခန်းကိုကြည့်ပါ။ ကော်ပီ




1 Kɔrint 12:18
18 ပူးပေါင်းရင်းမြစ်များ  

N nəŋə i tii zə, Zay kə Zow kə n ghəŋə nə̀ Yeso ngii keeli iduʼlə. Kə n ghəŋə nə̀ Yeso dza tsu nə̀, “N fuu kəzɔŋŋə tə wɔ a Bày, wə loʼ Mûkəbii idəŋ nsə n ghəlikətsə, wə nyi naŋa ghəə ghən tə̀ ghə̂ a tɔbə ghə nsə ghə̂ ghə umaʼlə ghə, kee dii fu tsu tə̀ ghinətəghə ghə. Â sey loʼ nghee wə a ləghənə nə̀ ghəə ghə a doʼo tii, a Bày.”


Sey, kə̂ ghaa nə tsəŋənə, abə ghaa təbə kənə, n təŋkey Bày ngii duʼlənu ni fu ghaa n fɔɔ u wi.


Nghee tə̀ Zə̀ kə diinə mə n ndzuŋ ni fuu mə n daʼa kə, n dza bə tə ghaa adzəm nə̀, kə ghaa nə kɔʼlə naŋŋənə wû i ghaa zə tsəghəshiə nghee ghaa khə ni kɔʼlə tii, ghaa khə ni fəd ney ighə̂mə n ghəə ghey ghaa sàynə ni ghəŋə. Kay wù khə ni ghəŋŋə ndow ghəə ghə tə̀ Zə̀ kə fuunə wi n bəghəm i fə̀ŋ zə.


I loʼ nə̀, nghee tə̀ Zə̀ kə khənə fə̀ŋ i dzuŋu zə, tə n fuu kay wù saa n naamə kə wi kə n nəŋ. Abə à loʼ nə̀ Zə̀ kə naamə wɔ n naamə kə ni naʼlə tûm Kəzə̀, wə khə ni teeli naʼlə ndow sey tə̀ Zə̀ kə fuunə wɔ n bəghəm i fə̀ŋ zə.


Ghəə ghən adzəm a fuu bə Zay kə Zow kə mɔʼɔ kə, à tsə̀mə tsuu soʼo wi ndzoʼo naamə key tə i fuunə tə̀ kay wù.


Ney kɔʼ na nə̀ bə wû udzəm mə loʼ kə nə̀ a loʼ isə̂, wù mə zow ngee ghəə ghə? Nkee abə wû udzəm mə loʼ kənə tuŋŋə kə, wù mə ləmizow ngee luʼu tə?


Abə vən fə uwû fə mə khə kə zuŋ kə kəmɔʼ, tə wû udzəm u mə loʼ ghee?


Saa baa naŋŋə way sə̂ zə n luʼu tə uwû tə səŋi tən tə ngii khənə fwaʼ kə, n təŋkey, Zə̀ kə fəd bayyə naŋa wû u wù n jìi zey, zuŋ u wû wən u ngii khə way fwaʼ kə, à fəd loʼ tə ghii saa ngii laalənə tii.


Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.


Zə̀ kə n kee fuu ndow ndzoʼ ə tii n wû wey tə ləghənə, nə̀ a loʼ kə sam i ghaa zə wə mə zəghənə, Zə̀ kə n fuu ndow sam i tii zə n wû wey u kpiinə tə̀ ghii zə.


Apolos ghi Pɔl buʼ loʼ ghə ndee? Ghə maŋ loʼ ghə̂ a kəfwaʼ a Kəzə̀, Zə̀ kə ghəŋənə ghə nə̀ ghə ghəŋə nə̀ ghaa keeli bəghəm i fə̀ŋ n kow Klisto. Kay wù fwaʼa ndòw kə fwaʼ key Mûkəbii fuu naŋanə tə̀ wi nə̀ tə fwaʼ.


tə mâ khə bayyə naŋa nə̀ saa i bə doʼlə waa a wi n bam i Yeso Klisto, n təŋkey, â loʼ ghəə zey tə â tsəm tsu ni fwaʼ n fə̀ŋ ə wi i dzuŋu zə.


Tə chi dii bə ghəə a wi ghey ghə â nyì doʼonə tə̀ saa, tə̀ tə â bayyə naŋa n ləghə i fə̀ŋ i wi ni fwaʼ n bam i Klisto.


“Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ