1 Kɔrint 11:34 - Kaa n Kəzə̀ n fəghə mə

³⁴ Wù wey dzəŋ zabənə wi, wù tii n zə̂ tən kɔʼ n ndaw wi, sey nə̀ kə Zə̀ kə nə chɔdlɔnə ghə a dza ghə ka ləmə waazə ghə. N khənu nə̀ ghəə a loʼ a loʼnu n ka kam mɔm, a tii ghə, abə mə i bənə, mə i tiilə dza may bə tə̀ ghaa.

1 Kɔrint 11:34 ပူးပေါင်းရင်းမြစ်များ

1 Kɔrint 11:33

À wey loʼ ghə i tii zə a waazə ghə, n dza bənə tə̀ ghaa nə̀ abə ghaa təmdzəŋi bənə ni zə̂ baa K-a-zə̀, ghaa n ləmə may tsu awaazu.

1 Kɔrint 16:1

Nyisa, n ləghə ni ghɔɔmə bòʼ ghəə ghən ghaa â tɔ̀ɔ bəb bənə bòʼ khəə wey ghaa â zuŋŋənə ni fuu tə̀ dzûmə tə Klisto tey n naʼ i Yerosalem. Ghaa khə ni bɔɔmə dzûmə ndow ghəə ghey mə â dzanə tə̀ dzəŋi u dzûmə tə Klisto wə n naʼ i Galeshya.

1 Kɔrint 16:2

N tsuʼu mə inaʼ mə nkala, kay wù khə ni ney naŋŋə kɔʼɔ bəghə fə fəghə fə n khəə wey tə keelinə nə iwən, tə n nyì naŋa ndow, sey nə̀, abə mə i bənə, ghaa i ka kəm fəmmə wû i ghaa ni zuŋŋə khəə u tii wə.

1 Kɔrint 16:5

Mə i bəghə kə n səə ghaa nə̀ mə n ndow taa dzə n Masedonya, n təŋkey, n moʼlə ni tsəghə jii fu n Masedonya.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

1 Kɔrint 4:19

N khənu moʼlə zə ni kuʼlə bə taa fey n səə ghaa abə Mûkəbii kpaʼi bəghəmnə. Abə mə i bənə, mə i kəŋ keeli shi kɔʼ nə̀ ghə̂ ghən ghə ghaŋŋənə wû zə maŋ khə kə idzuu mɔ Zə̀ kə n ndzəm fuu ghə n daʼa kə ə.

1 Kɔrint 7:17

I loʼ kə nə̀, kay wù khə ni muu kə tə̀ a loʼ dzûmə Klisto n jii i ghaa zə Mûkəbii naŋanə wi tii, tɔŋŋə jìi zey tə â buʼ loʼnə tii n nəŋə zey Zə̀ kə â tɔŋɔnə wi. À wən loʼ laŋ key n fuunə tə̀ dzəŋi u dzûmə tə Klisto wə udzəm.

Taytus 1:5

Zuŋ key mə â naŋa taʼa tsunə wɔ n Krit â loʼ nə̀ wə bayyə naŋa may kaabə bə ghəə ghey ghə â doʼo səənə, nsə nə̀ wə sày naŋa kɔʼ təngəd n dzəŋi u dzûmə tə Klisto n naʼa mey ndzəm n dəŋə kə tii kə. Bɔɔmə ghəŋə ndow tə̀ mə â dzanə tə̀ wɔ.