1 Kɔrint 11:30 - Kaa n Kəzə̀ n fəghə mə

³⁰ À wey loʼ ghə i tii zə ndəmə aghə̂ n fəŋŋə kə ghaa loʼnə nə̀ ghə khə way nuŋ wə, dzaŋa, à loʼ ghə a loʼ nə̀ ghə n kpuulə.

1 Kɔrint 11:30 ပူးပေါင်းရင်းမြစ်များ

Kəfwaʼ 13:36

Ghɔɔmə zən way dzə bòʼ fɔ̀ɔ Devid, n təŋkey, fɔ̀ɔ Devid mâ fwaʼ fwàʼ key Zə̀ kə a ləghə nə̀ tə fwaʼ n num tə wi. Ambə tə bə kpu tsunə, ghə tsəllə ndow wi ghi ghə bày a wi ghə, vən i wi i mâ fway nə isay.

Kəfwaʼ 7:60

Tə n bwu ndow nə anyi, dey shi kɔʼ n dzə i taw zə dza, “Mûkəbii, kə wə nə ney naŋŋənə bəb zən n tow u ghə.” Ambə tə dza tsunə sey, tə n kpu i tsu.

1 Kɔrint 11:29

N sey dza n təŋkey, wù wey tə zə̂ənə baa kə Mûkəbii kə, mə̂ə soʼo lə n wi nə̀ tə fuu way ngɔɔmə zə tə̀ wû u Klisto wə, tə sey ney bə uchɔd n wû u wi nghee tə mə̂ənə sey, zə̂ə soʼo.

1 Kɔrint 11:31

Abə saa kee tɔʼ laalə tsunə wû i saa zə ni koʼ nə̀ saa khə way bwu i loʼ zə, Zə̀ kə i chɔd dzə way saa.

1 Kɔrint 11:32

Abə Mûkəbii tsəm buʼ chɔd kənə saa, tə teyyə naŋŋə bə saa tsətsəghə sey nə̀ kə Zə̀ kə nə chɔdlɔ dzəŋinə saa ghi ghə̂ a bəbə ghən fa n mbi.

1 Kɔrint 15:51

Koʼo n na! N dza n chi dii bə ghaa nə̀ isəŋə i loʼ zə, zə â nyi doʼonə. I loʼ nə̀, à way dzə saa ghən adzəm saa loʼnə dzûmə tə Klisto tə, saa i kpuunə, Zə̀ kə nə kee maŋa nuu kwey kɔʼɔ kə wû i saa.

1 Tesalonika 4:14

N sey dza n təŋkey saa khənu nə Yeso â kpuunu kəm zhəm dzəŋŋə nə ivə. Saa u khə soʼo nə̀ Zə̀ kə i zhim dzəŋə bənu dzûmə tə̀ Klisto tən ghə kpu dzənə nə̀ ivə, ghə i nuu dzəŋi ghi Yeso abə tə i bənə.

Chi dii 3:19

Ghə̂ ghən adzəm n ləghənə, mə n kpaa tsu ghə, mə n chɔd tsu ghə. Sey, ghaa khə ni ndzəm khə nə̀ ghaa numnu nkee ghaa kaynu, ghaa kweyyə nuu bə soʼo fə̀ŋ tə ghaa n ghəə a bəbə ghə.