1 Kɔrint 11:25 - Kaa n Kəzə̀ n fəghə mə

²⁵ Ambə ghə zə̂ may kɔʼnə, tə n ney kɔʼ wɔ̀ɔ nlə fuu ndow tə̀ ghə, dza tsu nə̀, ney na lə mən, “À wən loʼ kaŋ tuŋ, tə loʼnə ni bayyə kaa n fəghə mən Zə̀ kə sədnə ghi ghə̂ a wi ghə.” Nəŋə tədzəm abə ghaa mə̂ənə n wɔ̀ zən, ghaa sey ghəŋŋə ni moʼlə mə.

1 Kɔrint 11:25 ပူးပေါင်းရင်းမြစ်များ

Lukas 22:20

Ambə ghə zə̂ may kɔʼnə, tə n ney pkiʼi kɔʼ wɔɔ nlə, fu ndow tə ghə dza, “Wɔɔ nlə zən loʼ nkaa n fəghə mə ghaa zəə ghi Zə̀ kə n kaŋ tuŋ n fəələnə bòʼ ghaa.

1 Kɔrint 10:16

Wɔ̀ zey saa dzəŋi mə̂ə shiə kɔʼɔnə tii fuu soʼo kəzɔŋŋə tə Zə̀ kə, à sey way kaŋ tə Klisto saa dzəŋi mə̂ənə ə? Abə saa boʼlə zə̂ənə baa kə, a sey way wû u Klisto saa dzəŋi zə̂ənə ə?

1 Kɔrint 11:24

tə n buulə i tsu, boʼlə fuu ndow tə̀ ngəd tə wi tə, dza tə̀ ghə nə̀, “À wən loʼ wû wuŋ n fuu ndownə n tow u ghaa. À wən loʼ ghəə zey ghaa khə ni ghəŋŋə nəŋə tədzəm ni moʼlə tsuu mə a tii.”

2 Kɔrint 3:14

Sey, fə̀ŋ tə ghə tə n taw doʼo i tsu. Ni bə kùm na, abə ghə zow tsu nghee ghə tɔŋŋənə kaa n wey mə, a n loʼ tə a loʼ ndzə̂ tey tə nam tsəd doʼo kə n tûm usə̂ u ghə, n təŋkey, à loʼ kə n bam i Klisto ghə loʼnə ni tsɔʼ nuu ndzə̂ tə tii tə.

2 Kɔrint 3:6

À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

Hibru 13:20

N gɔŋŋə nə̀ Zə̀ kən kə fuunə buulə zə, tə wən tə â zhəm dzəŋŋə bənə Mûkəbii saa Yeso nə ivə, wù baʼa u tənjì u səŋi wə, tə wən tə â ney kɔʼnə kaŋ tə wi tə, zə̂ kɔʼ kaa mən n nə may koʼ way,