1 Kɔrint 11:20 - Kaa n Kəzə̀ n fəghə mə

²⁰ Abə ghaa təmə dzəŋinə, jìi zey ghaa zə̂ənə tii, way dzə jìi zey ghə zə̂ənə baa K-a-zə̀ kə.

1 Kɔrint 11:20 ပူးပေါင်းရင်းမြစ်များ

Kəfwaʼ 2:42

Ghə n fuu nyi ndow wû i ghə ni zoʼlə ghəə ghey ngəd tə Yeso tə diinə, təmə dzəŋi ghi ghə, gɔŋŋə, zəə dzəŋi soʼo baa K-a-zə̀ ghi ghə.

Kəfwaʼ 2:46

Ghə n təmə dzəŋi tsuʼu n dzəm n ndaw Kəzə̀ i nii zə, ghə n bweyyə kaabə ndaw tə ndaw, zəə dzəŋi nə iduʼlə nsə n fə̀ŋ tə dzuŋu tə, zəə soʼo baa K-a-zə̀.

1 Kɔrint 11:17

N ghəə ghən n dza i ghɔɔmə bə tə̀ ghaa nya, n kali dzə way ghaa tii, n dza i fəd kii naŋa bə ghaa, n təŋkey, abə ghaa dzəŋi bənə tə a loʼ ghə̂ a Kəzə̀, à n shiə kə ghəə a bəbə ghə loʼ sey nə̀ a mə khə ni loʼ ghəə a dzuŋu ghə.

1 Kɔrint 11:19

À loʼ kənu ghə i dzuŋu zə nə̀ ghaa khənu ni dzawwə doʼo n wû i ghaa, sey nə̀, ghə loʼ ni tɔʼɔ koʼo keeli bə ghə̂ ghey ghə ndzəm loʼnə dzûmə tə Klisto tə.

1 Kɔrint 11:21

N sey dza n təŋkey abə ghaa dzəŋi bənə ni zə̂ baa K-a-zə̀, kay wù n ndow kə n sə kə ni zə̂ fəzəə u wi nə̀ tə ka ləmə ghə̂ a loʼ ghə, sey, ghə̂ a loʼ ghə n shi fu n dzəŋ, a loʼ ghə n shi fu nə̀ ghə khəə nlə.

Hibru 10:25

Mwam wən saa khənə ni təmə dzəŋi nəŋə tədzəm, kə saa nə buu naŋŋənə tə̀ ghə̂ a loʼ ghey ghəŋŋənə. Saa khə ni fəd ghəŋə nə̀ saa i ndəŋə təmə dzəŋi zeeli ni kuu fə̀ŋ tə saa tə, n təŋkey, ghaa n koʼ nə̀ tsuʼ fey Mûkəbii i bəghənə tii, nya kuʼlə bənu.

2 Pita 2:13

Zə̀ kə i chɔdlɔ ghə̂ ghən ni tsə dzəŋŋə ghə n ghəə a bəbə ghən ghə ghəŋŋənə. Ghə ney nə̀ à loʼ ghə i dzuŋu zə tə̀ ghə ni zəələ wû i ghə zə, ghəŋŋə kaabə tsə dzəə dzəə tə aghəə n mgbala tsə tə. Ghə loʼ tə a loʼ tɔɔlə tə dzəə tə, tə ngii ney bənə tow kə dədlə kə n fəŋŋə kə ghaa abə ghə zəələnə wû zə n ghəələ n ghə n tsɔŋɔ mey.

Màʼlə kə Jud tə̀ ghə̂ a Kəzə̀ ghə 1:12

Ghə̂ ghən loʼ tə a loʼ udzə, u dzəələnə ghaa abə ghaa ghi ghə dzəŋi zə̂ənə n kuubə tə. Ghə zə̂ə ghi ghaa nə̀ ghə khə way tow kə dədlə kə loʼ kə, ghə sə laalə tsu kənə ghow kə ibwey kə ghə kə. Ghə maŋ loʼ tə a loʼ mbaʼ tə ighow n bikighow, zəŋ maŋa fəəbə kaabə tsənə nə̀ tə way ni fuu koʼ ighow. Ghə loʼ soʼo tə a loʼ kaʼ fən abə nùm tii bənə, tam wə n way ni mə̂ koʼ tsə tii. Ghə loʼ tə a loʼ kàʼ mən ghə dənnə nuu shi kɔʼ bənə a ghəlitsə, mə u loʼ nə̀ mə n fɔɔ zum nuu.