1 Kɔrint 10:33 - Kaa n Kəzə̀ n fəghə mə

³³ À wey loʼ soʼo nghee n dəmənə ni muu nə̀ n khə way chɔd wə ghi wù loʼ n ghəə ghey n ghəŋŋənə. N ghəŋŋə dzə way ghəə ghey a dzɔbə kənə tə̀ mə, n fədlə ghəŋŋə ghəə ghey ghə i gaamənə ndəmə aghə̂, sey nə̀, ghə i loʼ ni keeli ibəghəshi.

1 Kɔrint 10:33 ပူးပေါင်းရင်းမြစ်များ

Roma 11:14

N moʼlə nə̀ fwaʼ kə tii kə loʼ ni ghəŋə nə̀ waazə ghuŋ, ghə̂ a Təjuu ghə i ghoʼo fə key ghə̂ ghən ghə way ghə̂ a Təjuu a khənə, sey, mə i loʼ ni gaamə ghə nə̀ ghə keeli ibəghəshi.

Roma 12:5

À loʼ ighələ ghi saa ghən saa bəghəmnə tə Klisto, nghee tə saa loʼ kənə n ndəm, saa dzəŋi loʼ tə a loʼ uwû umɔʼ, saa u dzəŋi gaamə tiilənə wû i saa zə.

1 Kɔrint 10:24

Kə̂ wə nə ghəŋŋənə ghəə ghə nə̀ wə laalə tsu kə i zey i dzɔbənə tə̀ wɔ, i laalə ndow soʼo a ghey a dzɔbə soʼonə tə̀ ghə̂ a loʼ ghə.

1 Kɔrint 13:5

Ləghə i ghəŋŋə way nə̀ wù i tsayyə ghə̂ a loʼ ghə. I ghəŋŋə way nə̀ wù i dey tənə kə sə̂ fə wi fə. I ghəŋŋə way nə̀ wù i zaŋŋə fəələ n nəghə wə. I ghəŋŋə way nə̀ wù i kwɔɔ naŋŋə wù n fə̀ŋ ə wi.

2 Kɔrint 12:14

À nya ndòw tənəŋə tətəghə n bayyənə ni bə n səə ghaa, sey, mə î nam nɔɔ dzə way gaamə i loʼ zə n wɔ ghaa, n təŋkey n ləghə dzə way fə̂ u ghaa wə, à loʼ ghaa n ləghənə. I loʼ nə̀, ghinətəghə a way dzə ni kəŋə fuu tə̀ ghə bày a ghə ghə, a fəd loʼ ghə bày, ghə kəŋə fuunə tə̀ waa a ghə ghə.

2 Kɔrint 12:19

Ghaa moʼlə nə̀ ghey ləghə ni bəghəshi wû i ghey n sə̂ kə ghaa n ghəə ghən adzəm ghey dzanə fa ə? À way dzə sey. Ghey dza isəŋə n sə K-a-zə̀ n jìi zey Klisto i ghəŋŋənə nə̀ ghey ghɔɔmə. Waazə ghuŋ a dzuŋu ghə, ghəə ghən adzəm ghey ghəŋŋənə loʼ ni bəghə kɔʼ bə bəghəm i fə̀ŋ i ghaa.

Galeshia 1:10

Ghaa moʼlə nə̀ n kəŋə kɔʼlə n wù sɔŋtsuʼ mɔ kɔʼlə n Kəzə̀ ə? Nkee ghaa moʼlə nə̀ n fwaʼa nə ghə̂ ghə i kali bə mə ə? Abə à mə loʼ nə n nam fwaʼa nə ghə̂ ghə i kali bə mə, i sey dii nə̀ n way dzə wù Kəfwaʼ a Klisto.

Filipi 2:21

Ghə̂ a loʼ ghey adzəm, kay wù laalə tsu kə ghəə a wi, laalə way ghəə a Yeso Klisto ghə.

1 Tesalonika 2:16

Ghə ndeemi iwû ni buu naŋa ghey nə̀ kə̂ ghey nə̂ naʼlənə ghɔɔmə i Kəzə̀ zə tə̀ ghə̂ ghən ghə way ghə̂ a Təjuu ghə, nə̀ ghə mbɔŋ keeli ibəghəshi. Ghə n sey zuŋŋə naŋa kɔʼ bə ghəə a bəbə ghə, sey, ngoʼ ə Kəzə̀ n bə n kow ghə.