1 Kɔrint 1:5 - Kaa n Kəzə̀ n fəghə mə

⁵ Nghee tə̀ ghaa loʼnə nə kəfə kəmɔʼ ghi Klisto, tə n fuu ghaa n kuum zə nə ufə̂ udzəm, ghəŋə nə̀ ghaa i khə ghɔɔmə tə dzuŋu tə nə idzuu ni naʼa tûm wi, ghəŋə soʼo nə̀ ghaa i khə tɔb wə n ghəə a Kəzə̀ adzəm.

1 Kɔrint 1:5 ပူးပေါင်းရင်းမြစ်များ

Kəfwaʼ 2:4

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Roma 11:12

Ghəə a bəbə ghən ghə̂ a Təjuu ghə â ghəŋənə ni tuu maʼa Klisto, â ngii ney bə ibuulə tə̀ mbi. Ghəə bəbə a tii ghə n ghəŋə soʼo nə̀ Zə̀ kə ngii fuu buulə i wi tə̀ ghə̂ ghən ghə way ghə̂ a Təjuu ghə. Buulə i tii zə i boʼo doʼlə ngee abə ghə̂ a Təjuu adzəm a loʼ ni təmdzəŋi bə ni bəghəm tə̀ Klisto ə?

Roma 15:14

Waazə ghə, n ndzəm khənu nə̀ ghaa khənu fə̀ŋ i dzuŋu zə ni ghəŋŋə ghəə ghey Zə̀ kə ləghənə, ghaa u loʼ soʼo nə̀ Zə̀ kə n fuu ghaa n tɔb wə naʼ idzəm. Ghaa n ndzəm kɔʼ kpii ni dii tiilə wû i ghaa zə.

Roma 15:4

Ghɔɔmə i Kəzə̀ zən ghə â tɔ̀ɔ naŋanə, â loʼ ni tsə̀ saa. Ghɔɔmə i tii zə â loʼ ni kuu fə̀ŋ tə saa, ghəŋŋə soʼo nə̀ saa i loʼ ni kow fə̀ŋ ni ləmə fə key Zə̀ kə â təb naŋanə tə̀ saa.

1 Kɔrint 12:10

Zay kə Zow kə fuu wù loʼ n daʼa kə ni ghəŋə ghəə zum ghə idzuu ghəə, tə n fuu wù loʼ n tɔb wə ni tiilə dza tûm Kəzə̀, tə u loʼ wə, tə n fuu kədaʼa ni koʼ keeli zay u bəbə wə nsə zay u dzuŋu wə, tə n fuu wù loʼ n daʼa kə ni ghɔɔmə lii tə təghɔɔmə, tə n kee fuu wù loʼ n daʼa kə ni tiilə dza lii tə təghɔɔmə tən Zay kə Zow kə fuunə tə̀ ghə̂ ghə nə̀ ghə ghɔɔmə.

1 Kɔrint 12:8

Zay kə Zow kə ghəŋŋə wù wən tə n ghɔɔmə ghəə ghey a khənə tɔb wə, Zay kə Zow kə mɔʼɔ kə n ghəŋə wù loʼ wey n kee khə utɔb ni khəə aghəə n jìi zey ghə̂ ghə i zowkeelinə.

1 Kɔrint 13:2

Abə n tsəm khə kənə naamə kən kə ghəŋŋənə nə̀ mə i loʼ ni naʼlə tûm Kəzə̀, n zowkeeli ghəə ghən adzəm a nyi doʼonə bòʼ Kəzə̀, n keeli may aghəə adzəm fa n mbi, n keeli soʼo bəghəm i fə̀ŋ zən i loʼ ni zəb nuu kɔʼ ukaʼ, nə̀ n kee dii way ləghə zə tə̀ ghə̂ ghə, n sey maŋ loʼ kənunu.

1 Kɔrint 13:8

Tûm Kəzə̀ zən ghə̂ naʼlənə nə maynu, lii tə təghɔɔmə tən ghə̂ a ghɔɔmənə nə bə maynu, tɔb wən fa mbi nə may tsəghə soʼonu, à kee loʼ nə̀ ləghə i nə may koʼ way.

1 Kɔrint 14:26

Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.

1 Kɔrint 8:11

À sey loʼ nə̀ wɔ wən wə moʼlə nə̀ wə ngii khə aghəə, n ghəŋə nə̀ dzûmə Klisto wən tə loʼ nə̀ fə̀ŋ ə wi ka kam tɔʼ beyyə n ghəə a Kəzə̀, tə nyəŋ laʼ n bəghəm i fə̀ŋ i wi, loʼ sey nə̀ Yeso kpu soʼo n tow kə wi.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

2 Kɔrint 6:10

Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.

2 Kɔrint 8:7

Nyisa, nghee tə̀ ghaa fwaʼa dzɔbənə nə aghəə adzəm, tɔŋŋə, n bəghəm i fə̀ŋ i ghaa, n ghɔɔmə i ghaa, n tɔb u ghaa, n zày zey ghaa khənə ni gaamə ghə̂ ghə, nsə n ləghə zey ghaa khənə n kow ghey. Ghey ləghə nə̀ ghaa i fwaʼa dzɔbə soʼo n fwaʼ kə dzuŋu kən ni fuu tə̀ ghə̂ ghə.

2 Kɔrint 9:11

Tə n ghəŋə ghaa nə̀ ghaa i ngii kûm nə̀ təjìi tədzəm, ghaa loʼ ni fuu ndòw tə̀ ghə̂ ghə nəŋə tədzəm, sey nə̀ ndəmə aghə̂ ghə i fuu zɔŋŋə kə tə̀ Zə̀ kə bòʼ gaamə zən ghaa fuunə tə̀ ghey nə̀ ghey fuu tə̀ ghə.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Efesus 2:7

Zə̀ kə â ghəŋə sey, sey nə̀, n num tən tə bəghənə, tə i loʼ ni dii ndzuŋ ə wi naʼ idzəm tə̀ ghə̂ ghə nsə ləghə i wi zən i ghəŋŋə nə̀ saa i loʼ nə kəfə kəmɔʼ ghi Yeso Klisto.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Efesus 6:19

Ghaa i gɔŋŋə soʼo tə̀ mə, nə̀ Zə̀ kə fuu mə n ghəə zey n khə ni dza, abə buʼ kə shinə tə̀ mə ni ghɔɔmə, sey nə̀ mə i loʼ ni chi dii ghəə ghən a nyi doʼonə n tûm i dzuŋu zə n fə̀ŋ idzəm nə̀ n khə way tsəŋ i loʼ zə.

Filipi 1:9

N gɔŋŋə nə̀ ləghə zey ghaa khənə n wû i ghaa zə i nyîmmə kɔʼɔ ndòw naʼ idzəm. N gɔŋŋə soʼo nə ghaa i loʼ ni keeli isəŋə zey i loʼ nə bòʼ Kəzə̀ sey nə̀ ghaa loʼ ni keeli ghəə zey i kpiilənə nsə i zey i kpiilə way,

Kolose 2:3

Ghəə ghən adzəm saa loʼ ni keeli kùm Kəzə̀, nyì doʼo n kow Klisto. À may kə wi tə loʼ ni chi dii ghəə a tii ghə.

Kolose 3:10

Kaʼ ndow na ni muu muu i fəghə zən Zə̀ kə fuunə tə ghaa, ghaa tɔʼ zoʼlə keeli kɔʼ soʼo wù wey tə loʼnə ghii wə, ghaa doʼo bə tə a loʼ wi.

Jems 3:13

Abə wù loʼnə n fəŋŋə kə ghaa tə moʼlənə nə̀ i tɔbənu, zowkeeli soʼo aghəə, tə dii tsu ghəə a tii ghə n jìi zey tə muunə tii. Ghəə a dzuŋu ghey tə ghəŋŋənə nsə buulə kə umwam kə wi kə dii bənu nə̀ tə khənu tɔb wə.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.