1 Kɔrint 1:27 - Kaa n Kəzə̀ n fəghə mə

²⁷ Zə̀ kə n kee ndzəm sày kɔʼ ghəə ghey wù sɔŋtsuʼ ney nə̀ a loʼ ghəə a laʼlə ghə ni dədlə tow kə ghə̂ ghey ghə moʼlə nə̀ ghə tɔbənu, sày kɔʼ soʼo ghəə ghey wù sɔŋtsuʼ neynə nə̀ à loʼ ghəə a lay ghə ni dədlə tow kə ghə̂ ghey ghə moʼlənə nə̀ ghə khə kədaʼa.

1 Kɔrint 1:27 ပူးပေါင်းရင်းမြစ်များ

Matyo 11:25

Yeso n gɔŋŋə tsu n nəŋə i tii zə nə̀, “N fuu bə kəzɔŋŋə tə̀ wɔ a Bày wuŋ, Muu ə kədəŋ nsə ghəlitsə kə, n təŋkey, wə̀ â nyi naŋa ghəə ghən tə̀ ghə̂ a tɔbə ghə nsə ghə̂ a kəmàʼlə ghə, wə̀ u dii fu tsunə tə̀ ghinətəghə ghə.

Matyo 21:16

Sey ghə n bəb ndòw tə̀ Yeso nə̀, “Wə̀ zownu ghəə ghən ghinətəghə ghən dzanə ə?” Yeso n beeli ndòw ghə nə̀, “Ow n zownu. Ghaa ka kam tɔŋɔ koʼ n màʼlə K-a-zə̀ nə̀, ‘À loʼ aghinətəghə nsə waa ghey ghə nam nyɔŋɔnə ghii zə, ghə kɔʼlə dzɔbənə Zə̀ kə ə?’”

Matyo 9:9

Yeso n zəghə tsu luʼu key, nghee tə̀ tə ndownə, tə n kòʼ ndow wù kwɔɔ u kəmàʼlə ù loʼ wə ghə â tɔŋŋə nə̀ à loʼ Matyo, nə̀ tə loʼ n luʼu key ghə kwɔɔnə maʼlə kə tsow kə tii. Tə n dza tə̀ wi nə̀, “Dzûmə bə mə.” Matyo n nuu kɔʼ, nuu ndòw n bàa wi.

Lukas 21:15

Boʼnə n nə fuu ghaa n ghɔɔmə i tii zə nsə tɔb wə n jìi zey ghə̂ a təngəmə a ghaa a nə way ni buʼ khə̂mə ghaa.

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 7:35

À loʼ Mushi wən ghə â tuu maʼanə wi, bəb tə wi nə̀, ‘À wɔ naŋa ndee nə̀ kətow nə̀ wə i saʼa ghey ə?’ À loʼ Mushi u mɔʼɔ wən Zə̀ kə â tûm bənə nə̀ tə bə doʼo tow kə ghə nsə bəghəshi ə ghə n bam i tsəndəghə Kəzə̀ zən zə â dii bənə wû wə tə̀ wi n mbvən ə ntsaŋ.

Kəfwaʼ 7:54

Ambə ghə̂ a ndaw tsə a zow tsu ghəə ghən Sətifən dzanə, ghə n ngii fəələ n fə̀ŋ tə, tsowwə asɔŋ n kow wi.

1 Kɔrint 1:20

Sey, ghə̂ ghey ghə moʼlə nə̀ ghə tɔbənu, ghə loʼ ghee? Ghə̂ a dii a kəlaŋ ghə, ghə loʼ ghee? Ghə̂ ghey ghə dza nə̀ ghə tɔʼ khə ni khəə ghəə ghə, ghə loʼ ghee? Zə̀ kə n mgbaŋ dii nə̀ tɔb wən ghə̂ a mbi a moʼlə nə̀ ghə khənu loʼ ilaʼlə.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 2:12

À kee loʼ nə̀ ghey khənu nə̀ naamə udzəm u nuu bə n wɔ Zə̀ kə, n təŋkey, Zə̀ kə ka fuu dzə ghey n zay kə wù wey tə muunə fa n mbi, tə fəd fuu ghey n Zay kə wi kə.

2 Kɔrint 10:10

N dza sey n təŋkey, ghə̂ a loʼ a dza nə̀, “Màʼlə u wi u khə kəzən, taw, abə tə kee teynə n wû u wi wə, tə way ni dza ghə i səŋi i loʼ zə.”

2 Kɔrint 4:7

Ghey khə ndzoʼo fə u səŋi wən n tɔ̀ɔ tə itsaʼ, ni dii tsu nə̀ faalə faalə kə kədaʼa kən ghey khənə nuu bə n wɔ Kəzə̀, a way dzə kə ghey kə.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?