1 Kɔrint 1:20 - Kaa n Kəzə̀ n fəghə mə

²⁰ Sey, ghə̂ ghey ghə moʼlə nə̀ ghə tɔbənu, ghə loʼ ghee? Ghə̂ a dii a kəlaŋ ghə, ghə loʼ ghee? Ghə̂ ghey ghə dza nə̀ ghə tɔʼ khə ni khəə ghəə ghə, ghə loʼ ghee? Zə̀ kə n mgbaŋ dii nə̀ tɔb wən ghə̂ a mbi a moʼlə nə̀ ghə khənu loʼ ilaʼlə.

1 Kɔrint 1:20 ပူးပေါင်းရင်းမြစ်များ

Matyo 13:22

Abə tə tey tə â tsɔʼlənə n fəŋŋə kə udzɔŋɔmgbay, a loʼ ghə̂ ghey ghə zow tsuu ghɔɔmə i tii zə, nghee ghə kee gaʼ fə̀ŋ tə n fə̂ u mbi, nsə nə ikum, wə n kwu zɔʼlə naŋa tsu ghɔɔmə i tii zə, zə n ka mə̂ utam.

Tùm i dzuŋu zə kuum Yeso Klisto tə Jɔn â tɔɔnə 12:31

Nəŋə zə n kpii tə̀ Zə̀ kə ni saʼ ghə̂ a mbi. À loʼ nya ghə i dzum maʼa shiənə Satan, tə loʼnə də̀ŋ kə mbi kə.

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Roma 1:20

I loʼ sey n təŋkey, ni ney nuu bə tə mbi a kaʼnə, Zə̀ kə n ghəŋŋə nə̀ ghə̂ a keeli nə̀ tə loʼ Kəzə̀ n ghəə ghey tə̀ ghəŋŋənə. Ghə̂ ghə n koʼ soʼo daʼa kə wi kən kə doʼo tənnə. Tə n dii soʼo wû u wi wə n fə wey tə bɔmnə. Sey, ji i loʼ i way dzə tə̀ ghə ni dza nə̀ ghə khə way nə̀ Zə̀ kə loʼnu.

Roma 1:22

Ghə fəd doʼo kɔʼ ghə̂ a laʼlə, kee khə kə nə̀ ghə tɔbənu.

1 Kɔrint 1:19

I tɔ̀ɔ doʼo n màʼlə K-a-zə̀ nə̀, “Mə i ghəŋŋə ghə̂ ghən ghə moʼlə nə̀ ghə khə tɔb u nii wə, Ghə keeli tsu nə̀ tɔb u tii u maŋ loʼ kənunu. N ghəŋə nə̀ ghə̂ ghən ghə moʼlə nə̀ ghə ngii tɔbənu, Ghə keeli tsu nə̀, tɔb u ghə u tii u khə way fwaʼ kə loʼ kə.”

1 Kɔrint 1:26

Waazə ghuŋ ghə, moʼlə tsu na fə key ghaa â loʼnə ghii kə n nəŋə zey Zə̀ kə â tɔŋɔnə ghaa nə̀ ghaa doʼo ghə̂ a wi. Ndəmə ghaa â way dzə ghə̂ a tɔbə ghə n sə kə wù sɔŋtsuʼ, ndəmə ghaa n khə way daʼa kə, ndəmə ghaa n way soʼo ghə̂ a səŋi ghə.

1 Kɔrint 1:27

Zə̀ kə n kee ndzəm sày kɔʼ ghəə ghey wù sɔŋtsuʼ ney nə̀ a loʼ ghəə a laʼlə ghə ni dədlə tow kə ghə̂ ghey ghə moʼlə nə̀ ghə tɔbənu, sày kɔʼ soʼo ghəə ghey wù sɔŋtsuʼ neynə nə̀ à loʼ ghəə a lay ghə ni dədlə tow kə ghə̂ ghey ghə moʼlənə nə̀ ghə khə kədaʼa.

1 Kɔrint 1:28

Zə̀ kə sày kɔʼ ghə̂ ghən ghə̂ a mbi a koʼo kiinə, ney ghə nə ghə maŋ loʼ kənunu, ni ghəŋə nə̀ ghə̂ ghən ghə̂ a mbi a neynə nə̀ a loʼ ghə̂ a səŋi ghə, ghə doʼo bə kənunu.

1 Kɔrint 11:32

Abə Mûkəbii tsəm buʼ chɔd kənə saa, tə teyyə naŋŋə bə saa tsətsəghə sey nə̀ kə Zə̀ kə nə chɔdlɔ dzəŋinə saa ghi ghə̂ a bəbə ghən fa n mbi.

1 Kɔrint 2:6

Abə n loʼnə n fəŋŋə kə dzûmə tə Klisto tey tə loʼ nə̀ tə n beyyə n bəghəm i fə̀ŋ i ghə, mə n naʼlə tûm tə̀ ghə n tɔb wən Zə̀ kə fuunə. N kee naʼlə dzə way tûm tə̀ ghə n tɔb wən a khənə ghə̂ ghən ghə muunə fa n mbi nkee ghə̂ ghən ghə saʼanə mbi zən. Ghə̂ a mbi ghən loʼ nə̀ daʼa u ghə u nya may bənu.

1 Kɔrint 2:8

Wù umɔʼ way dzə n ghə̂ ghən ghə saʼanə mbi n num tən nya tə â zowkeelinə ghəə ghən, n təŋkey, abə ghə â zowkeelinə, tə̂ ghə â ka baa Mûkəbii wən ghə fuunə kɔʼləmə n dzəm n zat kə fəkaʼ.

1 Kɔrint 3:18

Kə̂ ghaa nə̂ nəbənə wû i ghaa zə, abə wù ghaa u loʼ u moʼlənə nə̀ tə khə utɔb n ghəə a mbi, tə khə ni doʼo tə̀ a loʼ wù laʼlə, tə i baa loʼ ni keeli tsu utɔb.

1 Kɔrint 3:19

I loʼ nə̀, fə̂ key mbi tɔŋŋənə nə̀ a loʼ utɔb, a loʼ ilaʼlə n sə K-a-zə̀. I loʼ tə i tɔ̀ɔ doʼonə n màʼlə K-a-zə̀ nə̀, “Zə̀ kə biilə kwɔɔ kɔʼɔ kə ghə̂ a tɔbə ghə n tɔb wey ghə dza ghə khənu.”

1 Kɔrint 6:2

Ghaa khə way nə̀ nəŋə zə i bəghənu, a i loʼ ghə̂ a Kəzə̀ ghə i saʼanə mbi zən ə? Abə à loʼnə ghaa, ghaa i saʼanə mbi, ghaa ka kɔʼ kpii ni saʼa nyaŋi mə nghəələ mən n fəŋŋə kə ghaa ə?

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.