ZEKARIA 9:2 - OTSAO BAIBEL (BSI)

² Hadrak longzipong angkya Hamath ngaxchu chix kux wüi changpu. Ija lailaile Tair hia Sidon tingnubu tamchu ima tüikya mwot mankya khünakbu pangwüi chix kux changpu.

ZEKARIA 9:2 ပူးပေါင်းရင်းမြစ်များ

EZEKEL 28:12

“Ziün angkya khünak, Tair nok wanghompa-e apong angkya shoma bama soplax. Jowanpa Khüthak Zang-e kue chix füi akax ngokya ija kax chix hato hokox: Onox ma nang a okhonguile tüikya kaxpan ang laxle tüikya. Ipongma nang chemtukux jetüi hwonlangle tamchu osün müile tüikya dai!

JEREMIA 49:23

Ija a Damaska bama akaxkya Jowanpa kax changle: “Kaxho chimüikya atatlaxle Hamath hia Arpad angkya khünaknu khosam ashukle ngo. Tuita tinu ningle künbüt-mongbane hwom to alum, ilaxle hwome nazak lax ang chitho.

OBADIA 1:20

Shuakuxchi Israel nok zanda ang ngokya süpahibu chatlaxle shuakux chu Zarefat alople Foinesia nok tingtakle dongüi. Jerusalem angkya zanda ang paokyabu opang Sarah-e to tüipuix hwome shuathongchi Judah angkya tingnubu tingtakle kopüi.

AMOS 6:14

“Hulax, onok tuita hünzom füi ku alünle ajongüi, O Israel nok homkha”, le Jowanpa Khüthak Zang-e thüile; “ilaxle hwome Hamath lomnu makhange hwome hünzom to Arabah Shuasa alople sikangünle thomüi.”

2 WANGHOMBU 25:21

Ipongma wanghompa a Hamath haxtok angkya tingnu Riblah ma tüikya. Ikhato wanghompa-e hwom to chakmok ilaxle langle awüt. Ile Judah angkya khünaknu a hwom haxtok angkya zanda ang tsuile pao.

2 WANGHOMBU 23:33

Ijip nok wanghompa Neko-e, Hamath nok angkya Riblah ma chix da tuita ang koplaxle pao ilaxle khop a otuak ma 3400 ilaxle hun a otuak ma 34000, Judah nok ma süi tuita ningle laxkya ma chixe apünkya ashuk.

1 WANGHOMBU 17:9

“Athaxpi Sidon zui angkya tinglong Zarefat to paolaxle ikhato ngolax. Ikhato ngole tüikya thanucha tuita ang nang tux angkya hanpakma kue kaxtom koxle thomdaoa.”

HUAKE LAIPEX 13:21

Idaile ibu khünakbu shuakux chito donglaxle shuakuxchi angkya Hamath Pongkhyet zui makhange Rehob alop angkya lomjang fole Zin faonu angkya sak-hax haxtok pangwüi to hule wan.

JEREMIA 47:4

Filistia amüt angkya tunu-wansa nguile hüidaoa, Tair hia Sidon nyi füi atale tüikya ofong-otsox ojem atsai ang. Ku, Jowanpae Filistia nok amütüi, Kret nok tinu kax tokya nguikya pangnusa a.

EZEKEL 47:16

ilaxle Berothah hia Sibraim tingnu nyi (tingnu ija nyi a Damaska wangting hia Hamath wangting nyi zo ma tüile), tamchu Tikon tingnu (ija a Hauran haxsüt longzipong ma tüile) to nguile tüile.

EZEKEL 27:1

Jowanpae ku füi akax:

EZEKEL 28:1

Jowanpa Khüthak Zang-e ku füi akaxle thüi:

AMOS 1:3

Jowanpae thüile: “Damaska angkya khünaknue chatchatnaole ochax lyenle hüile, ilaxle ija khokho ma kue hwom to sikangün angkya changle. Gilid angkya khünakbu to hwome mongtsik abakle hwonle.