ZEKARIA 7:9 - OTSAO BAIBEL (BSI)

⁹ “Kue ku khünaknu ang kaxtom ibu kaiwüi koxle thomdaoa: ‘Hünzome sukya kaxfün fa angkya wüi changle, ilaxle tata hato chingcha mongkün aho angkya wüi changle.

ZEKARIA 7:9 ပူးပေါင်းရင်းမြစ်များ

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

WANWÜNKAX 21:3

Masüi-mix-chilüile chem supuix ija moklax; ijae Jowanpa ang chix hato tö apüile koxkya thak to mong amüile.

JEREMIA 7:5

“Hünzom ngole hüikya olom lüilax ilaxle hünzome mokle ngokya mwotbu zaklax. Hünzome tata füi mapai-mixzünkya taxtüi.

JUHAN 7:51

“Chix kax apa ilaxle chem mokpuix, ija ma atat tanto, ongat to khünak tuita ang thaile le kaxfün fa ang kem wanlom ma müntho angkya changle.”

KAXHO MÜIKYA LUK 11:42

Hünzom farisibu, hünzom maxsax! Chemthüikoxle hünzome suingan hia büza üntoxle mama suilai oli pangnu akiakle Zang mün ma bün ma thomta koxpu, ikoxle otya ma kaxfünkya hia Zang mongkün hünzome awütle toxpu. Ibu mokkya hünzome mamabuchu wüi awütle chitoxle mok angkya oli changle.

MATHI 23:23

“Wanlom nwotmix hia farisi, künkux-mongkwombu! Hünzom maxsax! Otutu ma alaikya suilaibu angkya hünzome bün ma thomta fapu; ikoxle wanlom khama akhokyabu, chingcha, mongong, kaxfün sule fakya, iningkyabu a awütpu. Ofüi angkyabuchu hwome mokdaose ilaxle otho angkyabuchu dantoxse chichang.

ZEKARIA 7:7

Ija a pongwang angkya nguapabu makhange Jowanpae akaxkya kax. Hepongma Jerusalem ahak-aluale tamchu khünaknue awang laxle tüikya. Tingnu akhople tüikya ting-nok to tata le chichangle shuathongchi angkya haxnu chabu to lünle khünaknu huanuma tüikya.

AMOS 5:24

Itülüi, sukya kaxfün a shuasa ningle jenle ju ang tomkox, ilaxle otsao a tamchu chizopkya shuanu ningle jen ang tomkox.

EZEKEL 45:9

Jowanpa Khüthak Zang-e thüi: “Hünzom Israel nok apün-awangkyabu, hünzome okuilole ochax lyenle ngodaoa! Hünzom changnong-pünthomle ngokya hia mix to afangle thomkya zakün. Chem changpuix tamchu supuix ija moklax. Hünzome ku khünaknu ija haxtok angkya tamchatle jwonle chiapao angkya oli. Ku, Jowanpa Khüthak Zang-e hünzom füi ija kax akax ngopu.

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

LIWI 19:15

“Wanlom ma kaxfün fa angkya zangwün azut pongma olom ma tamchu sule mokkox; mixshix-zasabu to asongle hu ikoxle saxpu-luawang to angakle hule mapai-mixzünkya chitüile tomzi bama sukya kaxfün laxkox.

JUHAN 7:24

Otok osün to hulaxle kaxfün fakya zakün, ilaxle kaxfün changle fakox.”

TSAITONG-KAXTONG 22:1

“Nange owawa Israel khünak tomtom kux maihu chichangba chun, ozu dale zikle aham ngokya jangngün, ija to naxchang koxle taxhu; ija hopupa hato apüile laxkox.

2 SAMUEL 9:7

Dawid-e thüi: “Taxza, hünpa Jonathan khoma kue nang ang chingcha ahoüi. Hünpu Sol haxtok pangwüi kue nang ang achatle koxüi, ilaxle nang ku fongsüt ma wom angkya jento pongle koppu.”

JOB LAIPEX 6:14

Iningle sikngün pongma, kue Zang chiawüt koxlax awüt koxlax, kue ma to akhüixkya zuikhuibu lompu.

JEREMIA 22:3

“Jowanpa, kue nang ang chem supuix tamchu otsing changpuix ija mok angkya nang ang kaxtom koxpu. Mixdyen mixlale ngokyabu chak tokya dyen-lale asam thomkyabu kho-awa kox. Ma zuikhui nokbu, khaxsabu, thanubu, ibu to chichangchizangle taxhwon; ilaxle ija otsao nui ma chemngax chichangkya mix mik max ang taxtom.

EZEKEL 18:8

Chixe olap kop angle ngun koxle münthom. Chixe ochax mwot münmokle angamle ilaxle tütaningle alakya zangwünchu chixe sukya lom ma fün-wün tsuakle kox.

ZEKARIA 7:8

Jowanpae Zekariah hato chix kaxho apüi:

JOB LAIPEX 31:20

ku chun mun makhange zingle alaikya, züchao füi zingkya nyiwun kue chix ang koxpu. Ilaxle chixe mongbakle ku achuak-achenpu.

HOSIA 12:7

Jowanpae thüi: “Israel khünaknu a Kanan nok füi tomwüi chisu-chitangle tüile; hwome hwom kux shak-sünkya mix to tuak-thüt ma dyenkya mongzom müile.