ZEKARIA 7:7 - OTSAO BAIBEL (BSI)

⁷ Ija a pongwang angkya nguapabu makhange Jowanpae akaxkya kax. Hepongma Jerusalem ahak-aluale tamchu khünaknue awang laxle tüikya. Tingnu akhople tüikya ting-nok to tata le chichangle shuathongchi angkya haxnu chabu to lünle khünaknu huanuma tüikya.

ZEKARIA 7:7 ပူးပေါင်းရင်းမြစ်များ

JEREMIA 17:26

Judah tingnu hia Jerusalem akhople tüikya tingkhuabu tokhange khünakbu nguiüi; hwom a Benjamin haxsüt tokyabu nguiüi, haxchabu tokya, haxhuabu tokya, ilaxle shuathong Judah tokyabu nguiüi. Hwome ku Zangshwom-Homnu to zokle ashunkya tö hia zangjang tö saxziak tö, ongan müikya so, ibu pangwüi apüiüi. Hwome münchong fakya töbu chuwüi apüiüi.

JEREMIA 32:44

Ibu a khünaknue shakle laxüi, ilaxle shakkya laiza sohi shingle zaüi, ilaxle ngünmixbu kaxkhün laiza tüiüi. Ija a Benjamin haxsüt, Jerusalem akhople tüikya tingkhuabu, Judah tinglongbu, ilaxle haxhua tokya tinglongbu, haxcha tokya tinglongbu, ilaxle shuathongchi Judah, ibu onuibu ma changle hüiüi. Kue khünaknu a hwom chaxwan towüi chatle ating-anokle chang ang tomüi. Ku, Jowanpae ija kax akaxdaoa.”

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

JEREMIA 7:5

“Hünzom ngole hüikya olom lüilax ilaxle hünzome mokle ngokya mwotbu zaklax. Hünzome tata füi mapai-mixzünkya taxtüi.

JEREMIA 33:13

Haxhua tokya, haxcha tokya hia shuathongchi Judah tokya, Benjamin haxsüt ma tüikya tinglongbu, Jerusalem akhople tüikya tingkhuabu ilaxle Judah angkya tinglongbu ma chunnyetmixbue tamchatle hwom chunbu akiakle changüi. Ija kax Jowanpa, kue akaxdaoa.”

JEREMIA 22:21

Nang ahak-aluale tüipongma Jowanpae nang füi zangwünpu, ikoxle nange mün-apapule angam. Nange nang tsün-tsün ma ilele wüi mokle hüipu; nange Jowanpa kax ma otuechu chilaxpu.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

TSAITONG-KAXTONG 34:3

Judah haxtok shuathong chikao; ilaxle Zoar makhange pam pün awangle tüikya Jeriko tingnu alople tüikya haxsha.

JEREMIA 13:19

Shuathong angkya Judah tingnubu a hwople kopüi khakha ma tüile; hwom kai laxle owachu le ang müntho. Judah angkya khünaknu pangwüi a zanda ang koplaxle paodaoa.”

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.

ZEKARIA 7:6

Ilaxle chemtue hwome sax-hi-lingle changpuix, ija a hwom mongzom ma müi angkya hanpak changkya.”

ZEKARIA 7:8

Jowanpae Zekariah hato chix kaxho apüi:

ZEKARIA 7:12

ilaxle hwom mongtsangbu longnu büta tsakle chang ang tom. Kaitanto ngokya ku aje makhange kue anwot-anole fakya ibu to hwome ojao na chitha, ikhoma ku ang huanuma mongtsik.