ZEKARIA 5:3 - OTSAO BAIBEL (BSI)

³ Ifüima chixe ku ang thüi: “Ija ma chaxwannu haxtok pangkha towüile angkya othuak-ozom zalaxle tüile. Ija laiza kaochima haxtok angkya ahuxmixbu amüt angkya zale tüile; ilaxle ata kaoma a tsaosax lejao kaxthai zang wünkya khünak pangwüi tswonle paoüi.

ZEKARIA 5:3 ပူးပေါင်းရင်းမြစ်များ

LAIPAO 20:15

“Taxahux.

ISAIA 48:1

Ija to apalax, Israel khünaknu, hünzom Judah su-sa hwom: Hünzome Jowanpa mün ma tsaosax ilaxle Israel nok Zang to shwompule akax — ikoxle hünzome akaxkya kax hünzom ojao chimok.

ISAIA 43:28

ilaxle hünzom lompabue Zang mün ama zangshwomnui. Ikhoma kue Israel nok hato thama ahüi; kue ku khünaknu ajao-adale chang ang kox.”

ISAIA 24:6

Ikhoma Zang-e chaxwannu to othuak-ozom takdünle akax. Khünaknue a hwome mokdaokya tsangthomle ngopu. Ozün ma ngokya sühi-sühile hile pao.

JAKOP 5:12

Kutüi kunaohom, pangnu thakma ija changle, hünzome zangkangting mün ma, chichangba ma tüta mün machu tsao saxle taxatsao, ikoxle hünzom kaxfün ma chiwom angkya kuxma, hünzom zangwün “jo” jangchangba jole: “mün” jangchangbachu mün le changlax.

MALAKI 4:6

Chixe hopa hia sasün hwom tamchatle wonmüi ang tomüi; ile chichang thüikoxle ku nguilaxle kem haxtok a komkaile olithule amadaose.”

ZEKARIA 5:4

Jowanpa Khüthak Zang-e thüile, chixe chix othuak-ozom apaoüi, ilaxle ija a ahuxmixbu hia tsaosax lejao atsele zangwünkya pangwüi hom to nopüi. Ija a hwom hombu ma ngoüi ilaxle hwom hombu pünpakle dantoxüi.”

JEREMIA 26:6

Hünzome chizakle kax ma chilax lüwüi jangngo, kue chemle Shiloh to hwondaopuix ijaningle ija Zangshwom-Hom to chuwüi moküi, ilaxle zangfang angkya onok pangnusae ija tingnu mün a othuak-ozom lom to lünüi.”

JEREMIA 5:2

Hünzome Jowanpa to shwompule akaxkoxle chu, hünzome ija kaxwa akax wüi.

LIWI 19:12

Nange chithomtsuak angkya ningle jangchang thüiningle ku mün ma hexle tsaosaxle taxchang; ile changkyae ku hato münma apüile. Ku a Jowanpa hünzom Zang changle.

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

JAKOP 5:4

Ma haxtok ma thomkyabu ang hünzome owa angchu hingchak mün mafa. Apalax! Nang tsaxzüt hingchak kakyabue akhongkya ozing Zang, Khüthak Jowanpa na to nguidaoa.

1 TIMOTHI 1:9

Ikoxlechu wanlombu a müikya khünakbu hanpakma chichangle wanlom pünkyabu, mix mik amütkyabu hanpakma, zang chilax homtoxle ngokya ochax khünakbu hanpakma, chasa ma chitsaokyabu hanpakma, honu hia hopa hwom langkya khünakbu hanpakma, mix mik amütkyabu hanpakma,

EFISIA 4:28

Ahux mixe mix tsangtse le saxkya dandao, ilaxle mae otya ma saxlaxle ngo ang tsuakkya boma chitüi chinang to asun ang tsuakkya lima mwot mok ang sütkox.

KAXHO MÜIKYA LUK 21:35

Chemthüikoxle ija a chaxwannu thün angkya noknusa hato wüi hüiüi.

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

ZEKARIA 8:17

Tata zongto oma ang achang angkya mwot taxmok. Tsaotsütle othai mikngün kaxkhi taxfa. Atsekya, chisukya hia tata zan to kale changkya thua ku anule.”

HOSIA 4:2

Hwome tsaosaxle chang ilaxle ibu a chithom; hwom atse, mix mik amüt, ahux, ilaxle chinunchakkaile chang. Zikmüt mangkho onüi, tuita füima tuitale mikmüt mwot tsale hüi.

DANEL 9:11

Israel khünak noknusae nang Wanlombu ama ilaxle nang zangwün to na münthapu le angam. Kwome nang zongto ochax lyenle chang, ikhoma nange kwom hato nang dapa Mosa laipex ma zale tüikya othuak-ozom kwom hato hüi ang tom.

JEREMIA 23:10

Haxtok a Jowanpa to mongong chitüikya khünakbue awangle tüile; hwom chichangchizangle ngole ilaxle hwom tsak-zong chichangkya lom to twonle. Jowanpa thuakzom khoma haxtok a sople ilaxle müitsüt fum zile zanle.

JEREMIA 7:9

Hünzome ahuxle, mix langle, chinunchakkaile, tsaosaxle kaxthai zang wünle, Bal ang töbu koxle, ilaxle amipongma hünzome chitikkya baozangbu to hünzome shwomle.

WANWÜNKAX 30:9

Ku ma alüile jangtüi thüiningchu, owatsing, kue nang chem ma lax angle thüiüi. Ikoxle ku mütmix ang jangchangchu, kue ahuxüi ilaxle nang mün amaüi.

WANWÜNKAX 29:24

Ahuxmix zongto zan amakya a chix üitho changpu. Khwalo ma kaxtsing zangwünle jangchang chix ang sikangünüi, ilaxle kaxtsing zang chiwünle jangchang Zang-e chix to thuakzomüi.

WANWÜNKAX 3:33

Chichangchizangle tüikyabu homkha to Jowanpae thuakzomkya koxle, ikoxle otsao khünakbu homkha to mohiman koxle.

LIWI 19:11

“Tax-ahux chichangba mix taxdyen chichangba taxatse.

AMOS 3:10

Jowanpae thüi: “Ibu khünakbue mahom-mahax, mix lang mix mixhuak laxle hia pa-lole kopkya tuinabu füi awangle thomle. Hwome chemle su-angkya hex, ija ojao müntik.

JIHUSUA 9:20

Kwome tsaosaxdaokya khoma hwom kem khato ngo ang kox angkya wüi changle; ile chichang thüikoxle Zang-e kem to sikngün apong ang tomüi.

EZEKEL 2:9

Kuchi to chak tuita thüile ahüi ngokya kue ngün, ilaxle ija ma laitün tuita koplaxle tüikya.