ZEKARIA 4:9 - OTSAO BAIBEL (BSI)

⁹ Chixe thüi: “Zerubbabel-e Zangshwom-Hom thongnu küidaoa, ilaxle chixe homzai ashuk angkya changle. Chemtue ija ile changle hüipuix, izuma ku khünakbue nang a hwom hato kue tsanle ahüikya changpule awanlaxüi.

ZEKARIA 4:9 ပူးပေါင်းရင်းမြစ်များ

IZRA 5:16

Ikhoma Sheshbazzar ngui ilaxle ija homting ocha zai; ija makhange homzai mwot owang wanglaxle anyix kople zaile hüile, ikoxlechu ija athax kople matsuak.’

ZEKARIA 6:15

Tsailo to ngokya khünakbu nguilaxle Jowanpa Zangshwom-Hom zingkya to asunle changüi. Ilaxle chemtue ija tamchatle zingkya tsuaküihex, Jowanpa Khüthak Zang-e hünzom hato ku tsanle ahüikya awanle laxüi. Hünzome Jowanpa hünzom Zang kaxtombu kax ma laxle jangchang, ibu pangwüi changle hüiüi.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

JUHAN 17:21

Apa, chemle nang ku ma ngo, ku nang ma ngopuix, ija ningle hwomchu wüi kem ma naxngo. Nange ku tsanle ajopu le chaxwannue awan ang tom angkya kux male hwom tuita ang naxngo kox.

JUHAN 3:17

Chemthüikoxle Zange chix Hosa chaxwannu to, kaxfün fa ang chichangle, chix makhange chaxwannu khosün angkya hanpakmale ajo.

MATHI 16:18

Ija khoma kue nang ang thüipu: Pitar, nang a long changle ilaxle ija long tok ma kue ku müimüithom zing angkya changle. Zike ngaxchu ija to lüt ang müntho.

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

ISAIA 48:16

“Athax ku hato soxlax ilaxle ku kax apalax. Pongwang tokhange wüi kue ngaithole akaxdaoa, ilaxle jento ku kax changle ngai ang tomdaoa.” (Athax Jowanpa Khüthak Zang-e chix tsak-zong koxle ilaxle ku tsanle apaole.)

HAGAI 2:18

Anyix lyetnukua aku ma nyixtsa ali lükya hanpak changpu. Ija nyixkha Zangshwom-Hom homting zaikya tsuakle hüikya changpu. Athax makhange chemle changüihex hulax.

ZEKARIA 1:16

Ikhoma ku Jerusalem to ku chingcha aho ang chatle nguipu. Ku Zangshwom-Hom a chatle zaile alaiüi, ilaxle tingnu a chatle azünle zingüi.”

ZEKARIA 4:8

Mama kaxho Jowanpa tokhange ku hato hüi.

ZEKARIA 2:13

Jowanpa tunthoma pangwüi dangjale ngohüi, chemthüikoxle chix a chix otsao ngwotnui tokya nguile ngole.