ZEKARIA 2:9 - OTSAO BAIBEL (BSI)

⁹ “Jowanpa chix jao hünzom füi alünle azanüi, ilaxle hanpak tuita ma hünzom zanda ang ngokyabue hünzom maxsam ang tomüi.” Chemtue ibu pangwüi changle hüiüihex, ku a Jowanpa Khüthak Zang-e ahüikya changpule noknusa awan ang kopüi.

ZEKARIA 2:9 ပူးပေါင်းရင်းမြစ်များ

ISAIA 19:16

Ijip nok a tuita mixnu-sheko ningle zakwot ang achang angkya hanpak nguile hüile. Jowanpa Khüthak Zang-e hwom to sikangün ang chak ahale ngünkya zuma hwom a tüle abüt-abanle zakyae tsangtsa sile anyonüi.

ZEKARIA 6:15

Tsailo to ngokya khünakbu nguilaxle Jowanpa Zangshwom-Hom zingkya to asunle changüi. Ilaxle chemtue ija tamchatle zingkya tsuaküihex, Jowanpa Khüthak Zang-e hünzom hato ku tsanle ahüikya awanle laxüi. Hünzome Jowanpa hünzom Zang kaxtombu kax ma laxle jangchang, ibu pangwüi changle hüiüi.

ZEKARIA 4:9

Chixe thüi: “Zerubbabel-e Zangshwom-Hom thongnu küidaoa, ilaxle chixe homzai ashuk angkya changle. Chemtue ija ile changle hüipuix, izuma ku khünakbue nang a hwom hato kue tsanle ahüikya changpule awanlaxüi.

EZEKEL 39:10

Hwome kotho tokya ha afox angkya tamchu faokha tokya pün dakle ngo angkya münchang, chemthüikoxle hwome tak ang okhonguile awütle toxkya chang-pax omangbu tüile. Hwom tuinabu tsui ilaxle hwom to chakmok-janlangle changdaokyabu pangnu to hwome chakmok janlangle changüi ilaxle hwom tuinabu tsuile laxüi.” Jowanpa Khüthak Zang-e ija akaxpu.

ISAIA 14:2

Jowanpae hwom ang koxkya haxtok to chat angkya hanpakma Israel khünakbu to mixjat-mixlibue huanuma fongle changüi, ilaxle ikhato mixnokbue da tuita ningle Israel nokbu thothale changüi. Amipongma opang Israel noke kople changdaopuix ibu athax Israel noke kopüi, ilaxle amipongma hwom to zothuple thomkya khünakbu thakma Israel khünakbue apünle ngoüi.

ISAIA 11:15

Jowanpae Suiz angkya tinu shinthuk angkya ti azopüi, ilaxle chixe Eufrat shuanu azop angkya hanpakma khamtungkya zangwin apüiüi, ikoxle muaküsa shuasa anüt wüi zop ang chitomle dantoxüi, chemthüikoxle ibu a pangnusae wüi ahamle ti ta ang tsuakle tüikoxle.

JUHAN 16:4

Ikoxlechu ibu mwot bama otue hwom ang hanpak nguile hüiüi hex, kue hünzom hama akax ngokya ibu hanpakma akax ngokya changpu le awanle kop angkya kuxma kue ibu pangwüi hünzom hama apuadaoa. “Kue pongwang tokhange wüi ibu bama hünzom hama chiwünkya a, ku hünzom füi tomle ngokya khoma chiakaxpu.

JUHAN 13:19

Ija otue ngaile laiüi hex, ‘Ku a Ku changpu’ le hünzome ongkya hanpakma, ngaile machang tanto wüi kue hünzom hama apuale thompu.

ZEKARIA 2:8

Owawae hünzom to honghe le jangchang, ku zongto akhokya thalix to honghekya ang changpu.” Ikhoma Jowanpa Khüthak Zang-e chix khünaknu max-sam ang tomkyabu jat-libu hato ija kaxho füi ku tomle ahüipu:

ZEFANIA 2:9

Ku chemle otsingtsing Jowanpa, Israel nok Zang changpuix, iningle kue, Moab hia Amon nokbu a Sodom hia Gomorah amütkya lailaile otsingtsing ma amüt angkya kue tsaopu. Hwom a othuithui hanpak ang hum tswomlua ang achang paoüi. Ija a tamchatle chimüi angkya thama ang changüi. Ikhato hingzange awangle changüi. Ku khünakbu opang ota toxle tüilaxpuix, hwome ibu haxtok laxüi.”

HABAKUK 2:17

Lebanon faonu hünzome shapu; athax hünzom dakle anguaküi. Ija angkya müi hünzome langpu; athax a müie hünzom chabüt-lasün ang tomüi. Ija a hünzome mik-lang mix-huak tamchu chaxwannu angkya tingnubu hia ibu ma tüikya khünakbu zan to kale changkya khoma ile chang ang tomüi.

HABAKUK 2:8

Hünzome obibi nok kux hexle tsuidaoa, ikoxle athax a ota toxle changkya khünakbue hünzom tuina tsuiüi, ija a hünzome zong ma laxle chaxwannu angkya khünaknu hia hwom tingnubu to ozik-omüt thama apüile changkya olüix ang changüi.

JEREMIA 28:9

Ikoxle aje owae tumüi bama ajepuix, chix a Jowanpae ahüikya aje tuita changpule chixe ajekyabu kax changle ngaikya zuma tix awanle laxüi.”

JEREMIA 27:7

Zangfang pangnu noke wüi chix thothale changüi, ilaxle hwom thai angkya tunu mangui-manguile thothale ibu jatlibue hwom thothale ngoüi. Ifüima chix wangtinge chix thak to tsak-zongle tüikya wangting angkya wanghombu thothale changüi.

ISAIA 33:1

Kem zanpabu a maxdaoa! Hwom to opupuechu papalole chichangba khohangle chichang khato, hwome papalole chang tamchu khohangle changle. Ikoxlechu hwome papalole lax angkya hia khohang angkya hwom hanpak ashukdaoüi, ilaxle hwom mix alüile ija papalole laxkya hia khohang mütkop ma ngoüi.

ISAIA 13:2

Tuita kohwon haxnukho ma azan angkya nyiluak apikkox! Süpahibu to tsale akhong kox ilaxle ija ongam tingnu panbu to sing angkya münwan aho ang nang chak ajongkox.

ISAIA 10:32

Anyixkha zanpabu a Nob tinglong ma tüile, ilaxle ikhato Jerusalem tingnu angkya Zaion Haxnu ma hwome chaktombu sile aloxle.

ISAIA 48:16

“Athax ku hato soxlax ilaxle ku kax apalax. Pongwang tokhange wüi kue ngaithole akaxdaoa, ilaxle jento ku kax changle ngai ang tomdaoa.” (Athax Jowanpa Khüthak Zang-e chix tsak-zong koxle ilaxle ku tsanle apaole.)

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

ISAIA 4:5

Ifüima Zaion Haxnu ding ma tamchu ikhama afoxle tüikya khünak pangnu thakma, Jowanpae anyixning ma zangfwom hia wünkhut ilaxle awünning ma chuale ngokya wünle, le ajoüi. Tingnu to Zang fuazangkyae awangüi ilaxle chixe ija kho-awaüi.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

ISAIA 26:1

Khünaknue Judah haxtok ma ija tsai ngao angkya hanpak nyixta hüile ngole: Kem tingnu a tsak-zongle tüile! Zang chix jaoe ija long-katuk nyele thomle!

ISAIA 33:21

Jowanpae chix fuazang kem hato ahoüi. Kem a shuanu khaokyabu hia shuasabu zui ma ngoüi, ikoxlechu zan-nokbu khua ikhato münahamüi.

ISAIA 60:18

Chaxpwon-zanlekya ozing tamchatle atat ang müntomüi; Hünzom haxtok a olithukya thama füi apong ang müntomüi. Long katuk tuita ningle kue hünzom kho-awale sün thomüi; Kue hünzom khosünle changkya khoma hünzome ku achuaküi.

ISAIA 60:19

“Athaxpi zanghan a hünzom zongto anyixningkya wünnyan ang chichangüi Chichangba zangnak ma lyetnu a hünzom wünnyan ang chingoüi; Ku, Jowanpa, oshuk chitüile hünzom wünnyan ang ngoüi; Ku fuazangkya wünnyane hünzom ang zangngai koxüi.

JEREMIA 8:19

Apalax! Haxtok pangkha towüi Ile ku khünaknu akhongkya kue atatle, “Zaion ma Jowanpa münngo hia? Zaion nok wanghompa ima müntüi hia?” Jowanpa, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”

JOEL 2:27

Ifüima, Israel, hünzome ku hünzom khama tüikya awanle laxüi; ku a Jowanpa hünzom Zang changpu, ku boma Zang mama tam-müntüi, le hünzome tsingle laxüi. Ku khünakbu chatle thajao wünhaile chang ang müntom.

ZEFANIA 3:15

Jowanpae hünzom sikngün azakdaoa; chixe hünzom zanpabu pangwüi apaodaoa. Jowanpa, Israel nok wanghom hünzom füi tüile; athaxpi hünzom zazyen angkya olom chemchu müntüi.

ZEKARIA 9:15

Jowanpa Khüthak Zang-e chix khünaknu kho-awale kopüi, ilaxle hwome zanpabu olithule amütüi. Hwome zanhok ma jutokmixbu lailaile akhongüi ilaxle hwom zanpabu aji ajenüi; ija aji a tö koxpongkya aji, khua angkya tö-tsap ding ma thokle ajenkyalailaile jenüi.