ZEKARIA 2:4 - OTSAO BAIBEL (BSI)

⁴ Pongwang angkya mixsüne ata sün füi akaxle thüi: “Katuk mong ma onui chitüile, Jerusalem ma, khünak hia tsom-pom huanuma tüi angkya tale chix hato zikle hüilaxle chak ma thüt angkya kia koplaxle ngokya chuja mixsün füi akaxkox.

ZEKARIA 2:4 ပူးပေါင်းရင်းမြစ်များ

ZEKARIA 1:17

Kaxtaimix-e ku ang ija kax apuk angkya akax: “Jowanpa Khüthak Zang-e thüile, chix tingnu a tamchatle ahak-aluale changüi üntoxle chixe Jerusalem to tamchatle fongüi ilaxle ija a chix tingnu changpule laxüi.”

MIKA 7:11

Jerusalem angkya khünaknu, Tingnu pan-katukbu chatle zing angkya hanpak nguile hüingole. Ija pongma hünzom haxsüt-longzi wankam chongüi.

EZEKEL 38:11

Kothongaizakya nok, ojongkha to khünaknu mongsom ma tamchu tumüi-lomkhaole, pan ngax chizaile tamchu zanhukya chemchu chitüile chingcha-ashukle ngole tüikya, ija nok tingtakle chang angkya nang mongto zangwünle tsuaküi.

JEREMIA 33:22

Kue ku dapa Dawid hwom sixli hia Liwi hwom homjen zompu-zangpabu pu-tsale chang ang tomüi, ikhoma hwom khünak huak a ding angkya lyettsi hia tinu kax angkya fix büta okiak chithole tsaüi.”

ZEKARIA 12:6

“Ipongma kue Judah angkya saxthombu faokha tokya wün lailaile achangüi chichangba puamünle ngokya zim angkya wün ningle achangüi--tomzi jat-libu pangwüi hwome amütüi. Jerusalem angkya khünaknu a tingnu mong ma khosün müile ngoüi.

JEREMIA 31:27

“Ku, Jowanpae akaxpu, kue Israel hia Judah haxtok pangwüi khünaknu hia müibue awangle chang angkya hanpak nguile ngole.

ISAIA 49:20

Zanda ang ngopongma mix chaxwan to pux-paikya nang khünakbu ibue nyixta nang ang thüiüi: ‘Ija haxtok a huanuma hixle — kwom ngo angkya hanpakma onui huanuma lax angkya changle!’

ISAIA 44:26

Ikoxlechu chemtue ku dapae ajele changpuix, chemtue kue ku mwottho apua ang kaxhomix ahüipuix, Kue ibu mwottho zing ilaxle ajekyabu changle ngai ang tompu. Kue Jerusalem ang ikhama khünaknu tamchatle ngo angkya changle le akaxpu, ilaxle Judah ang tingnubu tamchatle azünle zingle changüi. Tingnu ibu thama ma maxdaokya chatle ajongüi.

JEREMIA 31:24

Khünaknu a Judah hia ija ma tüikya tinglongbu pangnu khato ngoüi. Hwom khama manzaimixbu tüiüi ilaxle chunbu to hule ngokya chunnyetmixbu tüiüi.

ISAIA 33:20

Zaion to hulax, keme zanglom pangpwonbu saxle ngokya tingnu a. Jerusalem to hulax! Ikha a chemningle chaza angkya chemchu chitüile ngo ang amüikya kha ang changüihex! Ija a otuechu chiachex, lakbu otuechu chisuk tamchu ija zubu otuechu chifünle jongta khama ajingle ngokya nyihom ningle changüi.

1 TIMOTHI 4:12

Nang naosünsa changle le owawae nang to thajao le hu ang taxkox, ikoxle mongong mixbu zongto, nang zangwün ma, nang zanglom-saikha ma, nang mongkün ma, nang mongong ma ilaxle tsaothakya ma nang apyen angkya ang changkox.

DANEL 1:17

Ibu mixsün ali ang Zang-e man-ngünkya hia tsing-wankya fa. Ito bole chixe Danel ang mikngün-ohün hia wünmangbu tai ang awan angkya jetax-hwonnüi kox.

JEREMIA 1:6

Kue lan: “Jowanpa Khüthak Zang, kue zang chemle wünüihex ngaxchu matik; ku a naosa tomtata changle.”

ESTAR 9:19

Ija khoma tingsa noksa to ngokya Judah khünakbue Adar lyetnu nyixbün ali nyixkha a mongmüi-pwonla atungkya nyix tuita ang laxle, tata füi hingho chaktwon ma alüixle fongkhale nui.

DANEL 1:4

Ibu naosünbu a osün müile tüi angkya, jetüi-hwonzaile tüi angkya, jali mwot mok ang awanle chang angkya, tütali momle awanle lax ang tho angkya, tsangtsa ma manman chemchu chitüile chang angkya, ile changkox tix hwome wanghom homkha ma mwot thothale chang ang tsuak angkya changpu. Ashpenaz-e hwom hama Babilon nok laiza anwot-anole kox angkya oli ang chang.

ZEKARIA 1:16

Ikhoma ku Jerusalem to ku chingcha aho ang chatle nguipu. Ku Zangshwom-Hom a chatle zaile alaiüi, ilaxle tingnu a chatle azünle zingüi.”

ISAIA 54:16

“Janjao mixbu chu kue wüi zingpu, wün hia chang-paxbu kue zingpu. Mix lang ang ibu twon angkya süpahibu chuwüi kue zingpu,

ZEKARIA 14:12

Jerusalem ma achax-azanle changkya jat-libu pangwüi Jowanpae okak-olak ahüiüi. Hwom ozün ma tüitanto wüi hwom tsangtsa müibu shanle paoüi; hwom mik hia ibu shanle paoüi.