ZEKARIA 11:3 - OTSAO BAIBEL (BSI)

³ Mongmax laxle wanghombu sop; hwom fuazang athax samdaoa! Mailangbu ahungkya zing apalax; Jordan shuanu achole tüikya, hwom hom ang ngokya faonu amütdaoa!

ZEKARIA 11:3 ပူးပေါင်းရင်းမြစ်များ

JEREMIA 50:44

“Mailang tuita faonu-lingmong tokya lailaxle Jordan shuanu fole müie fumtsütkya nui to nguikya ningle, ku, Jowanpa nguiüi ilaxle Babilon nok osünto tingnu angkya fütle pao ang tomüi. Ifüima kue zünle kopkya khünake ija haxtok ma apünüi. Ku füi owa afyen ang thoüi? Ku füi apan ang owa mongchongüi? Chem ningle apünkya mixe ku zan to kaüi?

WANGSHEMBU MWOT 7:52

Hünzom pupa hwome sik-chiangünkya aje tuita ngaxchu tüichahex? Chix Otsao Da tuita ngui angkya bama kai wüi apuale fakya Zang kaxho mixbu hwome lang. Athaxchu wüi hünzome chix khohang ilaxle langdaoa.

MATHI 15:14

Hwom bama taxaban ngo; hwom a miksut lomzun mix miksutbu changle; otue miksut tuitae ata miksut mix lomzunle changüihex, hokhi pangnyi wüi tswomkha to dütüi.”

ZEKARIA 11:8

Kue mama chunnyetmix sün azom, opange ku to miktsakle tüipuix, hwom füi adu ang chitho, ilaxle lyet tuita bama wüi kue ibu füi atsaile pao.

ZEFANIA 3:11

Ipongma hünzom, ku khünakbu, hünzome ku zan to kale changdaokya bama azak angkya mwot müntüi. Ngamkya hia mix to asongle hukya khünakbu kue apaoüi, ifüima hünzome tamchatle ku otsao haxnu ma ku zan to kale münchangüi.

ZEFANIA 3:3

Ikhama alixachongbu a ahungle ngokya mailangbu ningle; ikha angkya kaxfün mixbu a, müiza nyaxza chemchu ngainopkya zangngai thoma bang ang chitsukya, woknuak ma ngokya shwonbu ningle.

ZEFANIA 1:10

“Jowanpae thüile: Ija nyix Jerusalem angkya Nyax Zünkai ma hünzome sopkya zing atatüi. Tingnu nokzün chima hünzome sop-juakya zing atatüi ilaxle haxhuabu to thuple akhixkya zing tüle chongle atatüi.

AMOS 8:8

Ikhoma chaxwan sile aloxüi, ilaxle haxtok ma tüikya pangnusa khosam ashukle changüi. Onok chaxwan bakle sile aloxüi, ija a Nail Shuanu tichap ningle dongtox jutox le changüi.

JOEL 1:13

Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.

HOSIA 10:5

Samaria tingnu ma ngokya khünakbu a zaüi ilaxle hwom hun maihupong samkya bama ija mang sople changüi. Bethawen ma. Hwom ilaxle ija chapa thothale ngokya zompu-zangpabu ija mang sopüi. Osün müile aza-apua thomkya ija hun sikle awütkya zuma hwom pangwüi sopüi.

JEREMIA 49:19

Mailang tuita faonu-lingmong tokya lailaxle Jordan Shuanu achole müie fumtsütkya nui to hüikya ningle, ku nguiüi ilaxle hwom haxtok angkya Edom nok allele fütle pao ang tomüi. Ifüima kue zünle kopkya lompa-e ija jat-li apün-adale changüi. Ku füi apyen angkya owa tüi? Ku füi achan-ala angkya owa tüi? Chemningkya wanlome ku füi alün-aloxle changüi?

JEREMIA 26:6

Hünzome chizakle kax ma chilax lüwüi jangngo, kue chemle Shiloh to hwondaopuix ijaningle ija Zangshwom-Hom to chuwüi moküi, ilaxle zangfang angkya onok pangnusae ija tingnu mün a othuak-ozom lom to lünüi.”

JEREMIA 7:4

Hünzome: ‘Kwom to chem münthüi! Ija a Jowanpa Zangshwom-Homnu changle, ija a Jowanpa Zangshwom-Homnu chang, ija a Jowanpa Zangshwom-Homnu changle!’, le thüikya dyen-lakya zangwün to mongongkya zakdao.

JEREMIA 2:30

Kue hünzom to zothuple changpu, ikoxle hünzome müikya chemchu chimok; hünzome ku ang hünzom achangle zing ang chitom. Tüle shix-makya mailang tuita ningle, hünzome hünzom ajebu langle awütpu.

JEREMIA 2:15

Hwome chix to mailangbu lailaile tsele; hwome chix haxtok a sak-hax ang achangdaoa, ilaxle chix tingnubu amale toxdaoa, komkaile ohua ang achangle dantoxdaoa.

ISAIA 65:15

Ku khünaknue nang mün a othuak-ozom lom to twonüi. Ku, Jowanpa Khüthak Zang-e hünzom a zi ang tomüi. Ikoxlechu hünzom ku kax ma laxle tüikyabu ang ku mün mama fapu.

MÜNCHUAK-TSAI 22:21

Ibu mailangbu chak tokya ku kop hüi Ku a fongfa angkya mix owa chitüile changtüi, ibu fao maihupongbu tunthoma-a.

ISAIA 5:29

Mailangbu müi langlaxle owaechu chix chak angkya owaechu pale chipao tho angkya nui to paolaxle tsekya ningle süpahibue sungdünle azax.

ZEKARIA 11:2

Soplax tamchu jualax, hünzom saipres pünbu: sedar pünbu a nguakdaoa; ipong fuazangle ngokya pünbu asumdaoa! Soplax tamchu jualax, hünzom Bashan angkya zak pünnubu: ipongpongkya shonak-lingnu shale tsuakdaoa!

EZEKEL 19:2

Hüntatüi a mailang honu jaojaole tüikya! She-e sasün hwom za-adünkya mailangbu thamkha to atsün.