ZEKARIA 10:9 - OTSAO BAIBEL (BSI)

⁹ Kue hwom chaxwan tok to chiakle sam ang tomdaobachu, ibachu ochuchu tokhange hwome ku texle ataküi. Hwom tamchu hwom su-sa hwom chimaxle azangüi ilaxle tomle ma chaxwan to chatüi.

ZEKARIA 10:9 ပူးပေါင်းရင်းမြစ်များ

EZEKEL 6:9

Hwom ikhato zandabu ang achangle ngoüi. Ekhato hwome ku tikle laxüi ilaxle hwom to sikangünkya hia zak akopkya a, ku changpule hwome awan ang tomüi, chemthüikoxle hwom hopa hwome ku to mongong chithomkya künmong füi jatle awüt ilaxle chapabu to mix künle kop. Ilaxle mae mokle hüikya ochax hia zakkop mwotbu khoma hwome alüile thajao wünhai ataküi.

MIKA 5:7

Israel khünak opang chizile azang laxpuix, ibu a jat-libu hanpakma Jowanpa tokhange ahüikya tamchatle azün ang tom angkya nyenti ang, pünnu kho to puakya maipuabu ningle changüi. Hwome khünak to chichangle Jowanpa to mongongkya tüiüi.

HOSIA 2:23

Ija haxtok ma kue ku khünakbu zingle alaiüi ilaxle hwom ahak-aluale chang ang tomüi. “Mongkün Chikopkyabu”, le wünkya pangnusa hato kue mongkün ahoüi. “Ku khünaknu Münchang”, le awüt thomkyabu hatochu ku mongkün tüiüi. Kue thüiüi: “Hünzom a ku khünaknu changle”, ilaxle hwome lanüi: “Nang a kwom Zang changle.”

JEREMIA 31:27

“Ku, Jowanpae akaxpu, kue Israel hia Judah haxtok pangwüi khünaknu hia müibue awangle chang angkya hanpak nguile ngole.

ISAIA 65:23

Hwome mokkya mwottho ma tsuakle hüikya tüiüi, ilaxle hwom su-sa hwom füi thama apongkya müntüiüi. Kue othuithuima hwom tamchu hwom su-sa hwom to mohimanle ngoüi.

ISAIA 65:9

Judah jat-li Israel nok to kue mohimanüi, ilaxle hwom su-sabue ku haxtok angkya haxnubu kopüi. Kue kamle kopkya khünaknu, owae ku thothale changpuix, ibu a ikhato ngoüi.

ESTAR 8:17

Wanghompa-e apukkya kaxho ojongpang to epuix, ibu haxtok pangkha towüi Judah khünakbue mongmüi tungle fongkhale nui. Otsingtsingma, athax khünakbu hwom thua zalaxle huanuma Judah khünak ang achangle hüi.

NEHEMIA 1:9

Ikoxlechu hünzom ku hato künlop-monglüile janghüi tamchu kue kaxtom fakya kax ma laxle jangmok thüiningle, hünzom chaxwan tok to chiakle tüikoxlechu, kue hünzome zangshwom angkya hanpakma zünle thomkya onui to hünzom tamchatle ngui ang tomüi.

JEREMIA 51:50

Babilon ma tüikya chix khünaknu füi Jowanpae akax: “Hünzom zihaxkux azangle hüidaoa! Athaxpi paolax! Tan-nyele taxngo! Hünzom hom makhange tsailo towüi chang koxlechu, ku, hünzom Jowanpa texle ataklax ilaxle Jerusalem texle ataklax.

AMOS 9:9

“Kue kaxtom koxüi ilaxle Israel nok a won-khua angkya sax chanpupu le chan ang tomüi. Kue hwom a chaxwannu onok khato chanüi ilaxle chilaxlili süile changüi.

ROM NOK HATO ZAKYA POL LAIZA 11:24

Hünzom mixnokbu a pak daokya fao olip pünkang ningle changpu, ikoxle chix popo füi apüile, ija a küi-thwomle thomkya olip pün ma apütle thomkox wüi. Jehudi nok a ija küi-thwomle alai thomkya olip pün ningle changpu; ilaxle Zang zongma pakle thomdaokya pünkang ibu hopupa ma chatle amyen angkya wüi chwonpai changle.

WANGSHEMBU MWOT 8:4

Afale paokya mongongmixbu pangnu khato wüi kaxho apuk le hwon-ano le pao.

WANGSHEMBU MWOT 8:1

Ija nyix wüi Jerusalem angkya müimüithom khünaknue zothuple sikngün apong angkya owang wang. Wangshembu tata dantoxlaxle mongong mixbu pangwüi Jehudi hia Samaria chaxwan to afale pao.

ISAIA 44:21

Jowanpae thüi: “Israel, ija mong ma koplax; hünzom a ku da changpule mong ma koplax. Kue hünzom a ku da angle zingpu, ilaxle kue hünzom otuechu münalak.

ISAIA 64:4

Nang mong mongong thomkyabu hanpakma iningle mwot mokkya mix, nang lailaikya Zang owaechu mangün chichangba atatle machang.